Спорт
Лига на шампиони: Сефте за Тотенхем или шести трофеј за Ливерпул

По 124 одиграни натпревари стигнавме до крајот на сезоната во европскиот клупски фудбал. Пред нас е финалето во Лигата на шампионите, на „Ванда Метрополитано“ во Мадрид ќе се сретнат англиските тимови Ливерпул и Тотенхем.
Откако Челси во средата го декласираше Арсенал и ја освои Лига Европа, Ливерпул и Тотенхем в сабота ќе ги заокружат „англиските денови“ во европските купови.
Прв пат во историјата на Ликата и Купот на шампионите, односно Купот на УЕФА и Лига Европа во финалињата четирите екипи доаѓаат од иста земја, а три од нив се од ист град, Лондон.
За Ливерпул ова е деветтото, а за Тотенхем прво финале во елитното натпреварување. Во досегашните осум финални мечеви „црвените“ забележале пет победи. Ливерпул последната титула ја освоиле во 2005 година, а последното финале го играле лани кога беа поразени од Реал Мадрид.
Ливерпул низ историјата имаат и три победи во Купот на УЕФА, додека Тотенхем два пати го освојувале Купот на УЕФА, а еднаш Купот на победниците на куповите.
Тотенхем имаат можност да станат петтиот клуб што успеал да ги освои трите европски купа. До сега тоа им успеало на Челси, Ајакс, Јувентус и Баерн Минхен.
Финалето е последна шанса за „црвените“ сезоната да ја завршат со трофеј. Во ФА и Лига купот испаднаа во третото коло, додека во Премиер лигата завршија на второто место. Тотенхем во првенството завршија на четвртото место, во Лига купот стигнаа до полу-финалето, а во ФА купот испаднаа во четвртата рунда.
Пресметката во Мадрид ќе биде четврта помеѓу тимови од Англија во натпреварувањата што ги организира УЕФА.
Во 1972 година Тотенхем во финалето на Купот на УЕФА го победија Вулверхемптон, во 2008 година Манчестер Јунајтед против Челси ја освоија Лигата на шампионите, а пред неколку дена во Баку, Челси преку Арсенал стигнаа до трофејот во Лига Европа.
Тотенхем е 40 клуб што стигнал до финалето.
Досега Тотенхем и Ливерпул имаат одиграно 170 меѓусебни дуели. Ливерпул се поуспешни со 79 победи, Тотенхем имаат 48 победи, а 43 натпревари завршиле без победник.
Во европските купови се сретнале само еднаш, во полу-финалето во Купот на УЕФА во 1973 година, во два натпревари поуспешен бил Ливерпул.
Можни состави:
Тотенхем: Љорис – Трипе, Алдервирелд, Фертонген, Роуз – Вингс, Сисоко – Ериксен, Дел Али, Сон – Кејн
Ливерпул: Алисон – Александер-Алрнолд, Матип, Ван Дајк, Робертсон – Фабињо, Хендерсон, Вајналдум – Салах, Фирмино, Мане.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Севилја има нов тренер

Аргентинскиот тренер Матијас Алмеида е новиот шеф на стручниот штаб на фудбалскиот клуб Севилја.
Клубот од Андалузија минува низ турбелентен период. Смени седум тренери за три години, а тоа се одрази и на резултатите, бидејќи во тие три сезони, Севиља не беше пласирана подобро од 12-то место, а минатата сезона на две кола пред крајот обезбеди опстанок.
Затоа, не е ни чудо што клубот се одлучи за нов тренер, за Аргентинецот Матијас Алмеида. Еден од најдобрите задни играчи за врска во еден период, кој во богата кариера играше за шампионите Лацио, Парма, Интер, а европската кариера ја започна во Севилја.
Ученикот на Даниел Пасарела ја започна својата тренерска кариера каде што ја започна и заврши својата кариера како игра, во Ривер Плата.
Во меѓувреме, тој ги водеше Банфилд, Гвадалахара, Сан Хозе, а последните три години беше на клупата на АЕК, со кој ја освои двојната круна веќе во првата сезона
Спорт
Пад на гледаноста на натпреварите во Премиер лигата

Две години по ред, Премиер лигата ги рушеше рекордите на гледаност, но тој тренд не продолжи во сезоната која заврши пред еден месец.
Англиските медиуми наведуваат дека главната причина е фактот што немаше неизвесност во борбата за титулата.
Ливерпул го обезбеди првото место во трката со Арсенал прерано, веќе во април. Поранешниот четирикратен шампион по ред Манчестер сити исто така брзо испадна од трката.
Дел од вината оди и кај трите најслаби тимови во лигата: Лестер, Ипсвич и Саутемптон, тие се откажаа прерано, па трката за опстанок беше неинтересна.
Најинтересно беше во борбата за Лигата на шампионите, но не доволно за да се зголеми гледаноста.
Спорт
Тебас: Клупскиот Мундијал е тотален апсурд

Претседателот на Ла Лига, Хавиер Тебас, ги повика челниците на ФИФА да го откажат Светското клупско првенство пред 18 месеци, верувајќи дека „светското фудбалско тело воспостави монопол врз календарот на натпревари со тоа што ги привилегира сопствените натпреварувања“.
Покрај Тебас, многумина се пожалија на густиот распоред, со оглед на тоа што Светското првенство според новиот систем, кое се одржува во Соединетите Американски Држави, започнува 15 дена по завршувањето на Лигата на шампионите и ќе се одржи истовремено со Европското младинско првенство.
Тебас не се предомисли и неколку дена пред почетокот на Светското првенство, го нарече ова натпреварување „тотален апсурд“.
Овој пат тој ја нападна ФИФА, бранејќи двајца претставници од неговата лига, Реал и Атлетико, кои ја претставуваат Шпанија на турнирот со 32 клуба.
„Веќе има контроверзии околу тоа кога Реал и Атлетико ќе го започнат првенството, што го нарушува нашиот вообичаен распоред и е штетно и за нас на среден рок. И одлуката дали овие два клуба ќе го започнат првенството подоцна за да се одморат не е само моја, туку ќе ја донесеме навреме кога ќе видиме како стојат работите“, рече Тебас во интервју за радио „Кадена Копе“.
Според планот и програмата, Ла Лига во сезоната 2025/26 треба да започне на 17 август.
Потоа се пожали на нешто друго:
„Организаторите на турнирот во ниту еден момент не се консултираа со нас, не само за датумите, ништо не не прашаа… Она што го прават е многу штетно за шпанското првенство, ако големи клубови како Реал Мадрид и Атлетико не можат да играат на првиот ден од Ла Лига. Тоа е апсурдно“, заклучи првиот човек на Ла Лига.