Спорт
Шоу на Ненадиќ, Веспрем се во финалето на ЛШ
Екипата на Веспрем избори пласман во финалето во Лигата на шампионите. Во првото полу-финале на завршниот турнир во Келн, Веспрем славеше над Кјелце со 33:30 (13:13). Натпреварот го обележа Петар Ненадиќ кој во второто полувреме постигна 11 од своите 12 гола.
Веспрем моќно го започна полу-финалето, веднаш дојдоа до предност од три гола, а Кјелце првиот гол го постигнаа во шестата минута. Унгарците, благодарение на Штербик ја одржуваа разликата од три гола, а поранешниот голман на Вардар во 14 минута веќе имаше шест интервенции.
Голем хендикеп за Веспрем се случи во 20 минута кога Штербик го повреди скочниот зглоб и ја напушти играта. Кјелце во тие моменти се вратија во мечот, ја стигнаа и престигнаа предноста на Веспрем и со серија од пет гола дојдоа до водство 8:10.
Полувремето сепак заврши без победник 13:13.
Веспрем имаа подобар ритам и на почетокот од второто полувреме, стекнаа два гола предност во 35 минута, а Кјелце израмнија на 18:18 во 38 минута.
Во 40 минута Балготиншек доби директен црвен картон, потоа Душебаев во обид да спречи контра на противникот беше исклучен и му овозможи серија од четири гола на противникот.
Три од тие четири гола Веспрем постигнаа на празен гол. Од 38 минута конците во играта на Веспрем ги презеде српскиот репрезентативец Петар Ненадиќ.
Тој ја креираше серијата од четири гола за 22:18 во 48 минута.
Кјелце во 52 минута, преку Јанц и Душебаев се доближија на гол негатива 28:27, а потоа со серија на технички грешки им овозможија на Веспрем да ја врата предноста од четири гола во 58 минута (32:28).
На крајот Веспрем со победата 33:30 им се реваншираше на Кјелце за поразот во финалето во 2016 година.
Веспрем во финалето ќе играат против победникот од второто полу-финале во кое ќе играат Вардар и Барселона.
Прво име на натпреварот беше Ненадиќ со 12 гола, а го следеа Гајиќ и Лекаи со по шест гола. Голманите на Веспрем Штербик и Миклер заедно имаа 16 одбрани. Кај Кјлеце најефикасни беа Душебаев седум, односно Циндриќ и Каралек по пет гола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Сити му нуди нов договор на Де Брујне
Челниците Манчестер сити планира да му понуди продолжување на договорот на белгискиот фудбалски репрезентативец Кевин де Брујне до јуни 2026 година, пренесуваат британските медиуми.
Де Брујне (32) има договор со Манчестер сити до 30 јуни 2025 година.
Некои британски медиуми неодамна објавија дека челниците на „Граѓаните“ би можеле да го продат белгискиот фудбалер на крајот на сезоната, а интерес за Брујне покажаа клубови од МЛС лигата и Саудиска Арабија.
Сепак, британски „Мирор“, пренесува дека Де Брујне не е подготвен да го напушти Манчестер сити, смета дека на 32-годишна возрат се уште е подготвен да игра на највисоко ниво.
Де Брујне пристигна во Манчестер во 2015 година од Волфсбург за 75 милиони евра.
Белгискиот репрезентативец сезонава имаше проблеми со повредите, поради што за Манчестер сити одигра само 26 натпревари во сите натпреварувања и постигна шест гола.
Спорт
Вардар преку баражот избори опстанок во Првата лига
Фото/ facebook.com/FKVardarSkopje
Фудбалерите на Вардар и наредната сезона ќе се натпреваруваат во Првата македонска фудбаска лига. Попладнево на стадионот „Младост“ во Струмица, славеа во баражот за опстанок против Детониот со 2:0 (2:0).
Вардар на теренот во Струмица, пред голем број свои навивачи покажа дека е поквалитетен тим од Детонит.
Во првото полувреме ги реши сите дилеми околу победникот.
Еден блиц криг во периодот од 42. до 45.минута им беше доволен на црвено-црните да ја обезбедат победата кога мрежата на Детонит ја погодија Ѓуриќ и Шушњара.
Спорт
(Видео) Саутемптон се врати во Премиер лигата
Саутемптон експресно се врати во Премиер лигата. Во финалето на плеј-офот на „Вембли“, пред повеќе од 85.000 гледачи, Саутемптон го победи Лидс јунајтед со 1:0 (1:0).
Натпреварот „вреден“ 178.000.000 фунти, беше извореден и на трибините и на теренот.
Саутемптон натпревар го доби со голот на Адам Амстронг во 24.минута. За напаѓачот на „светците“ ова беша 24. гол оваа сезона.
Тимот предводен од клупата на Шкотланѓанецот Расел Мартин реши иницијативата и поседот да му ги препушти на Лидс и шансите да ги бара преку контранападите. А „Светците“ се бранеа доста добро и организирано.
Предноста можеа да ја зголемат во 68. минута, но Ендози од 15 метри шутираше над голот на Лидс.
Лидс имаше фантастична можност за израмнување во 84. минута, кога Даниел Џејмс шутираше силно од повеќе од 20 метри, Саутемптон тогаш имаше голема среќа, топката од гредата се одби во поле.
Да потсетиме, минатата сезона од Премиер лигата испаднаа Лидс и Саутемптон, заедно со Лестер. „Лисиците“ се вратија во елитата како првопласирана екипа на Чемпионшип, покрај нив директен пласман избори Ипсвич, а Саутемптон преку плеј-офот. Од Премиер лигата испаднаа Лутон, Барнли и Шефилд јунајтед.