Спорт
Милосављев не може сам, Вардар губи од Барса 9-16

Барселона води против Вардар со 16:9 по првиот дел од второто полу-финале на завршниот турнир во Лигата на шампионите. Вардар не успева да го прати ритамот на Барселона во првото полувреме, единствен кој е на своето ниво е голманот Дејан Милосављев.
Првото полувреме мина в знакот на голманите Милосавље (Вардар) и Де Варгас (Барселона). Голамнот на Вардар првиот дел го заврши со девет одбрани, а неговиот колега од Барселона со шест одбрани. Разликата е само што играчите на Барселона ги материјализираа одбраните на Де Варгас.
Барса отвори со 3:0, Вардар бргу се врати во мечот. Тактичко изненадување беше играта на Вардар со седуммина во нападот. Првата серија Барса ја направија при резултат 4:4, кога постигнаа три гола.
До 20 минута Барселона ја одржуваа разликата, а потоа за четири минути со нова серија од три гола во 24 минута ја направи најголемата разлика од шест гола (14:8).
Во првиот дел тренерот на Вардар Гарсија Парондо искористи два од трите тајм-аути.
Вардар целосно падна во играта во финишот на полувремето, што Барса го искористи и на паузата замина со максималната разлика од седум гола.
Абељо е најефикасен кај Барса со пет гола, додека Криштопанс постигна три гола за Вардар.
foto: epa
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
ПСЖ ја одбрани шампионската титула

Фудбалерите на Пари Сен Жермен на шест кола до крајот на сезоната ја одбранија шампионската титула во Франција.
„Светците“ на домашен терен го совладаа Анже со 1:0 во мечот од 28. коло од Лига 1 и ја освоија 13. титула во националниот шампион, четврта во низа.
Решавачкиот гол попладнево го постигна младиот Дезире Дуе на асистенција на Хвича Кварацхелија во 55. минута.
Парижаните со натпревар повеќе стигнаа до 74 бода, дури 24 повеќе, во однос на второпласираниот Монако.
ПСЖ во моментов е најуспешниот тим во Франција со 13 освоени шампионски титули. Следуваат Сент Етјен и Олимпик од Марсеј со по 10.
Спорт
(Видео) Чудо во Мадрид – По пауза од 17 години Валенсија победи на „Бернабеу“

Валенсија среде Мадрид го шокира Реал во 30.коло и веројатно ја забележа клучната победа во борбата за опстанок. „Лилјаците“ победија со 2:1, а голот за победа го постигна поранешниот играч на Реал, Уго Дуро во 95.минута. Овој пораз претставува тежок удар за шампионските амбиции на Реал.
Натпреварот на „Бернабеу“, покрај стрелецот Дуро, го обележаа апсолутниот херој на Валенсија, голманот Мамардшвили и трагичарот кај Реал, Вунисиус.
Грузиецот му одбрани пенал на Винисиус во 13.минута, а во текот на натпреварот имаше уште неколку брилијантни интервенции.
Винисиус не успеа да го реализира вториот пенал по ред, претходно не погоди и против Атлетико во Лигата на шампионите.
Откако Винисиус го промаши пеналот, казната Реал го стигна во 15.минута кога Дијакаби и донесе предност на Валенсија.
Винисиус се искупи за промашениот пенал во 50.минута кога го изедначи резултатот. Реал потоа нападна со сите сили, но Мамрдашвили не дозволи уште еднаш да биде совладан.
Наместо тоа Дуро го шокира „кралскиот клуб“ со што и ја донсе на Валенсија првата победа на „Бернабеу“ по пауза од 17 години.
Спорт
(Видео) Палас со деветмина го победи Брајтон, Вулверхемптон ја забележа клучната победа за опстанок

Кристал Палас со дветмина го заврши дуелот со Брајтон, но успеа да победи. Ипсвич полека се пакува за Чемпионшип, откако загуби од Вулверхемптон. Вест Хем и Борнмут одиграа без победник.
Кристал Палас го заврши мечот против Брајтон со девет фудбалери, но успеа да триумфира. Тимот од Лондон поведе во третата минута со голот на Матета, но гостите израмнија преку Велбек.
Домашните обезбедија ново водство преку Муњоз, тој погоди во 55. минута, а се покажа дека тогаш е поставен конечниот резултат. До крајот на натпреварот црвени картони добија Нкетија и Гуехи, исклучен беше играчот на Брајтон Ван Хеке, но мрежите останаа мирни.
На дуелот меѓу Вест Хем и Борнмут немаше победник (2:2). Гостите поведоа преку Еванилсон во 38. минута, израмни Фулкруг во 61. а само седум минути подоцна пресврт обезбеди Бовен. Сепак, со својот втор гол во 79. минута Еванилсон го постави конечниот резултат.
Ипсвич имаше последна шанса да го фати возот за опстанок, против директниот ривал Вулверхемптон и се одеше според планот во првите 45 минути.
Во 16. минута Делап им донесе предност на „тратористите“,. Вториот дел им припадна на гостите.
Сарабија изедначи во 72. минута, а 12 минути подцна му асистираше на Ларсен кој погоди за триумф на Вулверхемптон.