На 13 август 2025 година, околу 11:10 часот, на крстосницата од магистралниот пат Битола – Ресен, кај местото викано „Макази“, се случила сообраќајна несреќа помеѓу патничко возило „Хјундаи“ со скопски регистарски ознаки, управувано од Ѓ.С. (74) од Скопје, и патничко возило „Цитроен“ со охридски регистарски ознаки, управувано од М.К. (65) од Канада.

Во несреќата со тешки телесни повреди се здобила сопатничката од „Хјундаи“-от, С.С. (71) од Скопје, додека со телесни повреди се здобил возачот Ѓ.С. Повредите биле констатирани во Клиничката болница во Битола.

Увид на местото извршила екипа од ОВР Ресен.

Вчера околу 14:20 часот, на улицата 1 во Арачиново, скопско, се случила сообраќајна несреќа помеѓу патничко возило „фолксваген голф“, управувано од Е.А. (23) од Арачиново, и „сеат“  управуван од Б.И. (61) од истото село.

Во несреќата со тешки телесни повреди се здобил сопатникот од „Сеат“-от, Ч.И. (36) од Арачиново. Со телесни повреди се здобиле двајцата возачи, како и сопатничките од „Фолксваген голф“ – тригодишно девојче, С.А. (20) и З.А. (28), сите од Арачиново. Повредите биле констатирани во Комплексот клиники „Мајка Тереза“ во Скопје.

Увид на местото на несреќата извршила екипа од СВР Скопје.

Синоќа на улицата Аугуст Цесарец во Скопје, Чаир, патничко возило „рено твинго“ управувано од Н.П.(21) од Скопје удрило деветгодишно девојче.

Во несреќата со тешки телесни повреди се здобило девојчето, констатирани во Градската општа болница Свети Наум Охридски.

Извршен бил увид.