Свет
Русија побара од судот во Хаг да ја отфрли тужбата на Украина за меѓународните конвенции

Украинската тужба против Русија за меѓународните конвенции треба да биде отфрлена, изјави рускиот претставник на претресот во Хаг, пренесува „Спутник“.
Станува збор за обвиненијата на Киев за нарушување на конвенциите за сузбивање на финансирањето на тероризмот и за укинување на расната дискриминација.
Како што истакна рускиот дипломат, тужбата не спаѓа во надлежноста на Меѓународниот суд на правдата. Според него, во 2017 година судот веќе ги разгледуваше аргументите на украинската страна и ги отфрли како неосновани. Подоцна, Киев не успеа да понуди оправданост за својата тужба.
„Очигледно е зошто Украина се фокусира на овие две конвенции. Тие содржат одредби според кои Русија се сложува да ги решава споровите на суд, но само оние што се однесуваат на содржината на конвенциите. Украина исто така се обидува да ги искористи конвенциите како начин пред судот да се разгледаат поширок спектар прашања“, истакна тој.
Дипломатот објасни дека дел од случајот се однесува на внатрешниот воен судир што го поведоа самите украински органи на власта на истокот од земјата, а вториот е обид да се оспори повторното обединување на Крим со Русија и покрај фактот дека тоа се случи врз основа на референдум.
Судските претреси ќе се одржат во два круга: првиот денеска и утре, а вториот на 6 и 7 јуни. Прво, руската страна ќе поднесе приговори, а потоа украинските претставници ќе го изнесат својот став.
Украина ја поднесе тужбата до Меѓународниот суд на правдата во Хаг во јануари 2017 година.
Киев ја обвини Москва за поддршка на тероризмот и снабдување на Донбас со оружје, како и за дискриминација на кримските Татари и Украинци на Крим.
Киев побара воведување привремени мерки против Русија додека трае процесот. Судот усвои само половина од барањето: се сложи со аргументите за конвенцијата за дискриминација.
Руското МНР соопшто дека начелно го негира постоењето спор меѓу двете земји за наведените конвенции и има намера тој факт да го поткрепи, со тоа што Украина злонамерно се обидува да ги искористи своите механизми за решавање на споровите за постигнување политички цели.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Зеленски бара акција откако Москва изврши над 4.000 напади за една недела врз Украина

Украинскиот претседател Володимир Зеленски денеска ја повика меѓународната заедница да преземе акција, по една недела во која биле извршени повеќе од 4.000 руски воздушни напади.
„Москва си дозволува да ги ескалира своите напади, отворено искористувајќи го фактот што светот е фокусиран на обезбедување мир на Блискиот Исток“, напиша Зеленски на социјалната платформа Икс.
„Токму затоа не смее да се дозволи никакво слабеење на притисокот. Санкциите, царините и заедничките акции против купувачите на руска нафта – оние кои ја финансираат оваа војна – мора да останат на масата“, рече тој.
Според него, овој пристап може да го отвори патот кон траен мир за Европа.
„Светот може да го гарантира ова паралелно со мировниот процес на Блискиот Исток“, додаде украинскиот претседател.
Украина долго време повикува на санкции, вклучително и против Кина и Индија, кои се меѓу најважните купувачи на руска нафта.
Русија го интензивираше својот „воздушен терор против нашите градови и заедници, засилувајќи ги нападите врз нашата енергетска инфраструктура“, вели Зеленски. Тој рече дека само во изминатата недела Русија употребила повеќе од 3.100 беспилотни летала, 92 проектили и околу 1.360 едрилички бомби против Украина.
„Вчера во Костјантинивка, дете беше убиено во црква од воздушна бомба“, напиша Зеленски. Властите пријавија вкупно четири жртви во регионот Доњецк, вклучувајќи две во Костјантинивка, и две во регионот Керсон.
Според видеото објавено на интернет од Зеленски, кое прикажува пожари и уништување, Русија цела недела ги покривала со терор регионите Суми, Харков и Доњецк.
Украина сè уште ги бара дополнителните системи за противвоздушна одбрана ветени од сојузниците. „Ни треба силна поддршка од нашите партнери“, се наведува во видео апелот.
Свет
Израел е подготвен за итно ослободување на заложниците, вели Нетанјаху

Израелскиот премиер Бенјамин Нетанјаху денеска изјави дека „Израел е подготвен за итно примање на сите наши заложници“, според соопштение од Канцеларијата на премиерот, откако беа објавени информации дека ослободувањето на заложниците од Газа може да се случи уште вечерва.
Во меѓувреме, израелски функционер за јавниот радиодифузен сервис Кан изјави дека армијата очекува заложниците да се вратат во Израел до моментот кога американскиот претседател Доналд Трамп ќе пристигне во Израел утре во 9:20 часот наутро.
– ИДФ ги заврши подготовките за ослободување на заложниците и проценува дека сите ќе бидат ослободени пред пристигнувањето на Трамп, изјави изворот.
Медиумите на хебрејски јазик, повикувајќи се на неименувани израелски претставници, јавија дека Ерусалим добил индикации дека Хамас сака да го забрза ослободувањето на заложниците во Газа за вечерва, јави Тајмс оф Израел.
Свет
Папата Лав дели дека договорот за примирје во Газа даде искра на надеж во Светата земја

Папата Лав Четиринаесетти изјави дека договорот за примирје во Појасот Газа „даде искра на надеж во Светата земја“.
Тој ова го кажа во обраќање за време на неговата неделна молитва пред десетици илјади верници собрани на плоштадот Свети Петар во Ватикан.
– Ги охрабрувам сите вклучени страни храбро да продолжат по патот што го избраа, кон праведен и траен мир што ќе ги почитува легитимните аспирации на израелскиот и палестинскиот народ, изјави поглаварот на 1,4 милијарди католици во светот.
Агенцијата за цивилна заштита на Газа, која е под контрола на Хамас, соопшти дека повеќе од 500.000 лица се вратиле во градот Газа откако првата фаза на прекинот на огнот стапи во сила претходниот ден.
– Повеќе од половина милион лица се вратиле во Газа (Сити) од вчера, изјави Махмуд Басал, портпарол на цивилната одбрана, службата за спасување која работи под надлежност на Хамас.
На снимки објавени од светските медиуми се гледаат Палестинци кои се враќаат во градот Газа, многумина од нив веејќи палестински и египетски знамиња.