Алијансата за Албанците го повика МВР да го испита случајот во кој навивачи на ракометарите на РК „Вардар“ за време на прославата на плоштадот Македонија извикувале понижувачки пораки до Албанците и предизвикале меѓуетничка омраза. Од партијата бараат санкционирање.

„Жално е кога група навивачи, кои и на прославата на победата на својот тим ја искористија можноста да ги понижуваат Албанците и да промовираат меѓуетничка омраза. Односот на ‘комитите’ покажува примитивен менталитет и е бесмислен бидејќи, наместо да се радуваат на победата на нивниот тим, ги навредуваат Албанците!

Овој феномен многу често се случува како во случај на загуба, така и на победа, и тоа со години. Многу често невини Албанци биле жртви на оваа група навивачи, а малтретирањето отишло и до уништување на нивните имоти и за чудо досега никој не одговарал за тоа.

Овој однос на „комитите“ веќе стана навика и тоа поради фактот дека наместо да одговараат за тоа и бидат казнувани, оваа група навивачи не се осудени, а донекаде се и охрабрувани.

Го повикуваме Министерството за внатрешни работи итно да преземе мерки против лицата и навивачките групи што промовираат меѓуетничка омраза и говор на омраза, и тоа не само внатре на стадионите туку и надвор од нив, па сè до плоштадот во Скопје, како што беше случај минатата ноќ со „комитите“, навивачи на „Вардар“!