Македонија
(Видео) Против лажните вести борете се со фактите и вистината, порача Столтенберг
Генералниот секретар на НАТО, Јенс Столтенберг, смета дека најдобра одбрана од лажни вести е ширење на фактите и вистината. Одговарајќи на новинарско прашање за подготвеноста на Македонија за борба против лажните вести по денешниот состанок на Северноатлантскиот совет во Скопје, Столтенберг рече дека лажните вести се алатки што ги поткопуваат демократските институции и не се прифатливи.
„Јас сум уверен дека најдобриот одговор на ширењето дезинформации и пропаганда е ширење на фактите и на вистината, тие ќе преовладаат. Имаме факти, имаме отворена дебата, а за тоа исто така ни се потребни слободни медиуми, потребни ни се новинари што ги проверуваат своите извори, медиуми што ќе имаат разни ставови за иста тема и кои ќе разгоруваат отворена дебата. Најважното нешто што ние треба да го направиме е да се осигуриме дека се придржуваме до демократските вредности на кои се заснова нашата алијанса – демократијата, владеењето на правото, индивидуалните слободи и слободни медиуми кои не треба да бидат жртви на пропагандата, туку треба да ги обезбедат фатите. Тоа е најдобриот начин на кој ќе се осигуриме дека имаме силни демократски процеси и институции“, рече генералниот секретар Столтенберг.
Тој му честита на премиерот Зоран Заев, но и на Северна Македонија, за способноста за надминување на сериозните тешкотии кои довеле до посилна демократија за што како показател ги посочи слободните и фер избори.
Премиерот Заев рече дека дел од домашните институции веќе работат на сајбер-безбедноста и најави дека за борба против лажните вести ќе го применуваат искуството на земјите членки на НАТО.
„Вистинските вредности на НАТО се владеење на правото, севкупните слободи и права на демократските процеси, меѓу кои и слободата на медиумите. Ние се гордееме што успеавме за една година слободата на медиумите да ја поместиме од 109. на 95. место, што е скок од 14 места, и верувам дека уште многу треба да работиме да го подобриме тоа. Но, слободата на медиумите ги носи и лажните вести. Ние ги следиме сите процеси што НАТО ги почнува, како НАТО-членките се подготвуваат и даваат успешни модели, така и ние ќе ги применуваме. Веруваме дека вистинските факти преку брзата реакција на самите институции се најголемата алатка за борба против лажните вести. Ќе продолжиме на тој начин да бидеме респонзивни и бргу да реагираме со вистинските факти затоа што некогаш лажните вести може да им нанесат голема штета на одредени процеси и личности, на институции. Како идна земја членка на НАТО комплетно ќе бидеме адаптирани со сето она што претставува позитивно искуство од нашите партнери од алијансата, но овде ни треба и поддршка од медиумската заедница. Верувам дека ќе ја имаме за сите заедно да придонесеме за уште подобро, демократско општество за сите, рече премиерот Заев.
На заштита на интернет-просторот премиерот рече дека веќе работат Министерство за внатрешни работи, Министерството за одбрана, Министерство за информатичко општество и администрација и Министерството за правда. Дел, според премиерот, се работи заедно со здруженијата на новинарите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Нема бојкот на претседателските избори, сите што излегле на парламентарните, гласале и за претседател, уверува Даштевски
Нема бојкот на претседателските избори, сите што излегле на парламентарните, гласале и за претседател, вели претседателот на ДИК, Александар Даштевски.
„На неколку места се појавија технички проблеми, кои во меѓувреме се решаваат, таму гласањето ќе продолжи на стариот начин со УВ-ламба и спреј, а доколку се исправат техничките недостатоци, ќе се продолжи со техничката опрема. Такви места има во Кочани, Охрид, Куманово, Тетово и во Гази Баба.
Како што дополнува, има доставено и 15 приговори за избирачко право и само три од нив се одбиени.
Во однос на одѕивот на парламентарните избори, до 9 часот, по обработените податоци од 1.033 избирачки места, гласале 4,45 %. Според податоците на ДИК, најголем одѕив има во Пробиштип, а најмал за парламентарните има во Боговиње (1,43 %).
Во Македонија утрово почнаа парламентарните избори и вториот круг од претседателските.
Избирачките места, од кои вкупно 3.480 беа отворени во 7 часот, а ќе бидат затворени во 19 часот.
Скопје
Паркингот во Центар денеска е бесплатен
По повод Македонските претседателски и парламентарни избори, од ЈП Паркинзи на општина Центар известуваат дека денеска паркиралиштата со кои стопанисува јавното претпријатие ќе бидат без наплата за сите граѓани.
Дирекцијата на ЈП Паркинзи на Општина Центар во катната гаража „Судска палата“ нема да работи, а сите услуги можат да се користат електронски на www.poc.mk.
Редовната наплата за паркирање на паркиралиштата и работењето на дирекцијата ќе продолжат од утре со вообичаено работно време.
Македонија
Изборниот ден е неработен за сите граѓани
Поради одржување на парламентарните и вториот круг од претседателските избори, денешниот ден е неработен за сите граѓани во Република Македонија.
Работодавците не треба да извршуваат дејност со исклучок на оние каде што работните процесите поради својата природа не може да се прекинат.
Поради првиот круг од претседателските избори, неработен беше и 24 април. Според одлуката на техничката Влада, двата неработни дена нема да се одработуваат.