Европа
Метеоролозите предвидуваат топлотни бранови во цела Европа
Летото веќе почна, а во некои делови на Европа минатиот викенд температурите се искачија до 30 Целзиусови степени. Велика Британија, Франција, Португалија и Шпанија минатиот викенд се соочија со топлотен бран иако метеоролозите прогнозираат дека температурите повторно ќе паднат следната недела.
Топлотните бранови би можеле да бидат тренд ова лето во Европа според летната прогноза за 2019 година. Во Франција, Шпанија и во Португалија се можни температури и до 40 Целзиусови степени.
„Метео Франција“ пишува дека Европа и Франција ќе се соочат со повисоки температури ова лето, а државната метеоролошка агенција на Шпанија издаде предупредувања за високи температури во делови од Андалузија во текот на викендот.
Топлотните бранови и сувото време во Европа би можеле да стават неколку земји во ризик од шумски пожари, а северниот дел на Португалија, Шпанија и Алпите се под најголем ризик, покажуваат прогнозите за ова лето.
„Високите температури може да достигнат 40 Целзиусови степени во делови од јужна и источна Франција од јули до почетокот на август“, изјави Тајлер Ројс, експерт за температури.
„Метео Франција“ предвидува дека сушните услови може да влијаат и на северните делови на Европа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.