Кумановската полиција поднесе четири кривични пријави поради злоупотреби со исплата на плати во дом за стари лица во Куманово.

Како што информира полицијата, поднесена е кривична пријава против С.С (64) од Џ.Н(41) од село Слупчане, општина Липково, поради злоупотреба на службена положба и овластување чл.353 ст.1 в.в. ст.3 и 5 в.в. чл,45 и против Е.А(35) и А.Б(43) од Куманово, поради фалсификување или уништување на деловни книги чл.280 ст.2 ситеод КЗ.

Џ.Н како директор на Јавната општинска установа Дом за стари лица „Зафир Сајто“ во Куманово со помош на С.С. како претседател на Управниот одбор на седницата одржана на 13.07.2015 година, на дневниот ред, под точка 4 ставил „донесување на Одлука за утврдување на коефициент за додаток на плата и му дал уверување дека истата е неопходна за почеток на формирање на систем – програма за плати што е неопходно за нормално функционирање на ЈОУ Дом за стари лица „Зафир Сајто.

По ова тој на дневен ред под точка 4 ставил „донесување на Одлука за утврдување на коефициент за додаток на плата за која бил должен да знае дека е спротивна на Законот за социјална заштита, Колективниот договор за социјална заштита, Колективниот договор за изменување и дополнување на Колективниот договор за социјална заштита од јануари 2009 година и излегува надвор од негови овластувања.

Со тоа, двајцата им овозможиле на вработените во домот да се стекнат со плати повисоки за износите кои ги примале како „посебен додаток“ во период од месец август 2015 до месец мај 2018 година, односно за вкупен износ од 3.790.928 денари, а второпријавениот да се стекне со противправна имотна корист од 588.134 денари, со што го оштетиле буџетот за вкупен износ од 4.379.062 денари.

,,Е.А. и А.Б иако биле должни согласно описот и пописот на работното место архивар во делот „работни задачи“, под точка „Чување и надзор на документите во работните простории“, на точно неутврден датум го прикриле или уништиле Записникот од одржана седница на Управен одбор на која е донесена Одлуката за утврдување на коефициент”, соопшти полицијата.