Спорт
Како Мо Салах помогна да се зголеми толеранцијата во Ливерпул
Според студијата на Универзитетот Стенфорд, откако Мохамед Салах во 2017 година се приклучи на Ливерпул, во градот се намалил криминалот поради омраза за 19 отсто, додека анти-муслиманските онлајн коментари се намалиле за огромни 50 отсто, покажувајќи го неверојатното влијание на египетскиот фудбалер.
Присуството на лик како Салах не е добредојдено само за фановите на „црвениот“ клуб, туку и кај лидерите на муслиманската заедница во Британија, открива Мумин Кан, главниот на џамијата Шеик Абдулах Квилијам во Ливерпул.
„Тој е апсолутно позитивен пример за муслиманите, но и за тие кои не се муслимани, тука во Велика Британија, но и низ целиот свет. Тој ја смени перцепцијата околу некои негативни работи во кои дел од луѓето веруваа околу исламската вероисповед. Тој е пример за цела Британија, бидејќи ги зближува луѓето,“ вели Кан.
Салах имаше нова фантастична сезона, во која постигна 27 голови во сите натпреварувања, вклучувајќи еден во финалето на Лигата на шампионите против Тотенхем (кое „црвените“ го добија со 2:0).
„Ова е почеток на големи работи за нас. Секако, сметаме дека можеме да бидеме шампиони и следната година и целта е да се освои Лигата на шампионите и Премиер лигата“, вели 26-годишниот Салах, кого сега го очекува уште еден голем предизвик – домашниот Африкански куп на нации со Египет.
According to a Stanford University study, since Mo Salah joined Liverpool, hate crimes in the area have decreased by 19% and anti-Muslim comments online have dropped by 50%. Impact on and off the pitch. pic.twitter.com/5Duu42qjYS
— ESPN UK (@ESPNUK) June 3, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Фото) Фортуна играше со 12 играчи против Херенвен – Никој не забележа
Бизарни 30 секунди го обележаа натпреварот меѓу Херенвен и Фортуна Ситард (2:2) во холандската Ередивизија.
Херенвен имаше водство од 2:1 од 82. минута, кога се случи неверојатна ситуација, Фортуна на теренот имаше голман и 11 играчи, поточно 12 играчи, а никој не забележа.
Тренерот на гостинската екипа направи две замени во 88. минута, а еден од играчите кој беше заменет остана на теренот.
Од игра требаше да излезат Рајан Фосо и Хаспер Далхаус. Циркусот настана кога Едуард Михут се приближи до клупата на гостинскиот тим.
Сите мислеа дека е тој ја напушта играта, но тој се врати на теренот, а играта продолжи без Далхаус да го напушти теренот.
Фортуна играше со играч повеќе и така успеа да постигне гол и да дојде до бод.
„Мислам дека тоа што се случи е многу посебно. Фортуна имаше 12 играчи на теренот. Се чини дека тоа е дозволено и возможно. Никогаш не разговарам со судиите и ги оставам да си ја завршат работата, но тие не можат да играат со 12 играчи. Тоа е незамисливо. Го прашав четвртиот судија дали треба да направи нешто. Не можете да играте со 12 фудбалери. Навистина не можам да го разберам тоа. Мислам дека ова е навистина скандалозно”, изјави по натпреварот тренерот на Херенвен, Робин ван Перси.
Ada-ada saja 😅 Di Eredivisie, Fortuna Sittard sempat main dengan 12 pemain selama beberapa detik, lawan Heerenveen. Dan kemudian cetak gol penyama kedudukan! Robin Van Persie (pelatih Heerenveen) terlihat bingung & lakukan protes.
Pada menit 87' rencana nya Fortuna menarik… pic.twitter.com/iwPIT8OK5z
— FaktaBola (@FaktaSepakbola) February 2, 2025
Спорт
Куња доби договор до 2029 година
Матеус Куња потпиша нов договор со англискиот премиерлигаш Вулверхемптон Вондерерс.
Брилијантниот Бразилец доби нов договор само неколку часа откако постигна гол во победата од 2:0 против Астон Вила во Премиер лигата.
Во текот на јануари се зборуваше дека напаѓачот би можел да го напушти клубот, но тие гласини сега се демантирани. Куња е еден од клучните играчи во борбата за опстанок.
Матеус пристигна во Волвс во 2023 година од Атлетико Мадрид. Досега одигра 54 натпревари и постигна 22 гола.
"I feel so good here with all the love people give to me and my family."
Matheus Cunha reflects on a busy Saturday 🗣️ pic.twitter.com/fwAYnV8Eys
— Wolves (@Wolves) February 1, 2025
Спорт
Кевин Дансо го засили Тотенхем
Фудбалскиот клуб Тотенхем потврди го реализира трансферот на играчот на Ленс, Кевин Дансо. Репрезентативецот на Австрија ќе биде позајмен до крајот на сезоната, а потоа Тотенхем ќе го откупи неговиот договор за 25 милиони евра.
Дансо со Тотенхем ќе потпише договор со 2030 година.
Дансо во кариерата имаше можност да игра во Англија, бее дел од академијата на Ридинг, а подоцна настапуваше за МК Донс У-18 тимот и Саутемптон.
Во Германија играше за Аугсбург и Дизелдорф, а во 2021 година за 5.5 милиони евра се пресели во Ленс.
Дансо ќе биде големо засилување за Ангелос Постекоглу, кој има големи проблеми со повредите на централните дефанзивци.
Ленс од друга страна комплетираше извореден преоден рок. Клубот заработи 79 милиони евра од продажбите на Абдукодир Хусанов, Ели Ваи и Брис Самба, а кога Тотенхем ќе го откупат договорот на Данс, сумата ќе се зголеми на 104 милиони евра.