Спорт
Мората до Атлетико: Не ме враќајте во пеколот во Челси

Алваро Мората открива дека не се чувствувал „сакан“ во Челси и признава дека е очаен Атлетико Мадрид да му даде постојан договор бидејќи не сака да се врати на „Стемфорд бриџ“.
26-годишниот Мората дојде во Лондон од Реал Мадрид во 2017 и не успеа да се наметне во Премиер лигата, постигнувајќи 16 гола во две и пол сезони со Челси, пред во јануари 2019 да замине во Атлетико како позајмен фудбалер, иако тие имаат опција да потпишат постојан договор со него.
„Во Челси ја загубив самодовербата. Бев вознемирен од мислењето на луѓето во Англија и мислам дека тие ме фатија во незгодно време. Не се чувствував сакан и почитуван ниту од клубот, ниту од навивачите. Работите започнаа добро, но повредата ме остави ’заглавен’. И покрај тоа го освоивме ФА купот, но не бев во тимот за Светското првенство и тоа беше најлошото што можеше да ми се случи“, признава Мората во интервју за порталот „Гол“.
Сега, тој бара од „јорганџиите“ да му дадат шанса.
„Потписот со Атлетико беше најдоброто нешто што можеше да ми се случи. Во Лондон од позиција на некој за кого имаше песна, дојдов до тоа да не смеам да излезам од Лондон. Атлетико беше судбина. Ме мотивираше тоа што Симеоне ми се јави и ми кажа дека сум важен за нив. Има моменти во кои има работи кои се поважни од славата, парите и другите работи. Би сакал да бидам тука секоја година додека играм на највисоко ниво. Но, Челси можат да ме побараат назад и ќе видиме што ќе се случи. На Атлетико им кажав дека треба да направат сè што е можно да ме заддржат бидејќи сакам да сум тука“, додава Мората.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Мењан во Челзи, во Милан доаѓа Милинковиќ-Савиќ

Францускиот репрезентативен голман Мајк Мењан (29) ќе ја продолжи кариерата во Челзи. „Сините“ за услугите на голманот на Милан ќе му платата 18 милиони евра отштета, објавија италијанските медиуми.
Мењан пристигна во Милан летото 2021 година од Лил, а неговиот договор важеше до јуни следната година.
Милан се согласи да го продаде бидејќи не можеше да се договори за продолжување на договорот, па овој летен преоден рок беше последна шанса да заработи нешто од неговиот трансфер.
Мењан треба да биде заменет на голот на Милан со српскиот голман Вања Милинковиќ-Савиќ (28), чиј договор со Торино истекува за една година.
Спорт
Седум играчи го засилија Алкалоид

Фото/ rkalkaloid.mk
РК Алкалоид останува на својата определба и во следната сезона да биде клуб составен во најголем дел од македонски ракометари кои ќе добијат врвни услови за тренинг, ќе работат според професионална програма и ќе имаат простор за напредок преку настапите на домашната и на европската сцена.
Неколку ракометари со голем потенцијал и за клубот и за сениорската репрезентација на Македонија доаѓаат следната сезона во клубот.
Алкалоид кој ја освои титулата во Европскиот куп, за следната сезона ангажира седум нови играчи, шестмина се Македонци, странец е само Србинот, Урош Борзаш. Покрај него нови играчи на Алкалоид се: Ненад Костески, Емилијан Ѓорговски, Михаил Аларов, Михаил Иваноски, Ѓорѓи Николовски и Давид Трајкоски,
Спорт
Пукна љубовта, Мурињо ќе го напушти Фенербахче

Жозе Мурињо и Фенербахче ќе го објават прекинот на соработката во следните неколку дена, тврдат турските медиуми.
Ова е епилогот од средбата во Лондон помеѓу познатиот тренер и Али Коч, претседателот на клубот од Истанбул. Мурињо бара 15 милиони евра за предвремен раскин на договорот.
Португалецот го презеде тимот минатото лето, но Фенербахче под негово водство не освои ниту еден трофеј. Во првенството на Турција, тие беа втори зад нивниот најголем ривал Галатасарај.
Покрај тоа, Мурињо беше во постојан конфликт, со судиите, со службените лица од другите клубови, што предизвика гнев кај навивачите и новинарите и му наштети на угледот на турскиот фудбал.