Спорт
Симеоне е најплатениот тренер на светот, Конте на врвот во Италија
Тренерот на Атлетико Мадрид, Диего Симеоне, изненадувачки е најплатениот фудбалски тренер на светот, заработувајќи 23 милиони евра годишно, 5 милиони евра повеќе од Пеп Гвардиола во Манчестер сити, според „Ла газета дело спорт“.
Симеоне веќе осум години е на чело на Атлетико, освојувајќи две титули од Лига Европа и една национална титула во 2014, прекинувајќи ја доминацијата на Реал Мадрид и Барселона. Симеоне неодамна потпиша нов договор и претседателот на Атлетико, Серезо изјави дека очекува тој да биде „Сер Алекс Фергусон на нашиот клуб“.
Во топ 5 најплатени тренери се и Ернесто Валверде од Барселона, Зинедин Зидан од Реал Мадрид и новиот тренер на Интер, Антонио Конте, кој со годишна плата од 11 милиони евра го израмнува рекордот за најплатен менаџер во Италија, кој досега го држеше Жозе Мурињо.
Во Англија пак, на второто место зад Гвардиола е Јирген Клоп во Ливерпул, чии 7.5 милиони евра годишно се за дури 10 милиони евра помалку од парите кои ги добива Каталонецот.
Единствен тренер на листата кој не работи во Европа е поранешниот италијански дефанзивец, Фабио Канаваро, кој добива 7.5 милиони евра годишно за работата во Гвангжу Евергранде во кинеската Суперлига.
Conte becomes the current HIGHEST paid coach in Serie A & is tied for all time highest with a certain Jose Mourinho ?? pic.twitter.com/dUypYAuSfq
— Italian Football TV (@IFTVofficial) May 31, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ландо Норис го победи Ферстапен на ГН на Мајами
Ландо Норис ја забележа првата победа во кариерата. Возачот на Мекларен победи на трката за Големата награда на Мајами. Ова е прва победа за Мекларен од 2021 година кога Даниел Рикардо победи во Монца. Норис во Мајами победи пред Макс Ферстапен (Ред Бул) и Шарл Леклер (Ферари).
Норис, трката во Мајами ја стартуваше од петтата позиција, која ја загуби на стартот, но како што одминуваа круговите тој беше најбрзиот човек на патеката. Најбрзиот круг го возеше во 25 круг, кога дел од неговите конкуренти ги сменија гумите.
За одличното возење го „погледна и среќата“. Поради инцидентот меѓу Магнусен и Сарџент, во 28.круг на патеката излезе возилото за безбедност. Норис го искорсти влезе во боксот и се врати на челната позиција.
Откако возилото за безбедност ја напушти патеката, Норис на чиста брзина ја доби борбата со Ферстапен.
Британецот со деби победата ја прекина доминацијата на Ферстапен во Мајами, кој имаше шест последовни победи на оваа патека.
Бодови во Мајами освоија: Карлос Саинц (Ферари), Серхио Перез (Ред Бул), Луис Хамилтон (Мерцедес), Јуки Цунода (РБ), Џорџ Расел (Мерцедес), Фернандо Алонсо (Астон Мартин) и Естебан Окон (Алпин).
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.