Вести
Џихадистите во ирачки Мосул уништија црква од III век
Сунитските џихадисти од групата Исламска држава (IS – поранешната Исламска држава во Ирак и на Левантот – ISIL) опожариле црква од III век во северниот орачки град Мосул кој го држат под контрола од почетокот на нивниот бунт на 9-ти јуни, пренесува во неделата телевизијата Al Arabiya.
Свет Скопје, 20.07.2014 (Макфакс) –
Мосул е вториот по големина град во Ирак и центар на северната провинција Нинива. Пред две седмици телевизијата Al-Arabiya извести дека сунитските радикални бунтовници ги разурнале светилиштата и џамиите во Мосул. Најмалку четири сунитски и суфиски светилишта, како и шест шиитски џамии се уништени во областите на северната ирачка провинција Нинива. Фотографиите кои на интернет ги објавија борците на џихадистичката група Исламска држава (IS), покажуваа булдожери кои уриваат сунитски и суфиски светилишта. Шиитските џамии биле уништени со експлозив, а беше објавено и дека џихадистите заземале и сквернавеле две христијански цркви. Од нив ги симнале крстовите и го истакнале црното знаме на џихадистичката група.
Христијаните беа принудени да го напуштат Мосул, бидејќи џихадистите за сите немуслимани одредија месечен данок од 250 американски долари или да ги напуштат своите домови. Во економска ситуација во каква што е Ирак цела деценија, таква сума е речиси невозможно да се собере, па затоа христијаните се принудени да ги напуштат своите вековни огништа. „Христијаните во северен Ирак имаат три можности за решение на овој проблем, да имигрираат, да се одречат од христијанската вера или – смрт“, соопшти неодамна Иранската комисија за човекови права.
Групацијата Исламска држава, којашто се разиде со глобалната терористичка мрежа Ал Каеда поради „недоволна радикалност“ на втората, од пред повеќе од година војува во соседна Сирија, а во јуни го презема водството на сунитскиот бунт во северните и западните области на Ирак. На џихадистите им се придружија сунитските ирачки милитанти предводени од поранешни офицери на ирачкиот диктатор Садам Хусеин, локалните племенски милиции и помали терористички групи. Групацијата на 29-ти јуни објави основање на исламски калифат на териториите коишто се под нејзина контрола, од Алепо во северниот дел на Сирија, до провинцијата Дијала во источен Ирак, а за калиф беше прогласен бунтовничкиот челник Абдула Ибрахим ал-Самараи, познат претходно како Абу Бакр ал-Багдади или како „невидливиот шеик“.
Слични акции на уништување на верски објекти и светилишта, особено од туѓи религии, презимаа припадниците на радикалното исламистичко движење Талибан во Авганистан каде што во 1998 година прогласија „исламски емират“. Во 2001 година, талибаните со ракети и експлозив го уништија еден од најпознатите во светот културно-историски споменици од пред-исламскиот период на Авганистан (меѓу III и V век) – издлабените во карпи гигантски статуи на Буда во авганистанската провинција Бамиан, коишто се сметаа за највисоките скулптури во светот од овој вид, и без заштитени од УНЕСКО.
Изминатите две години, пак, побунетите исламистите во северноафриканската држава Мали ги уриваа прочуените мавзолеи во Тимбукту, како и други историски и културно важни три зданија во овој митски град. Уништување на спомениците започна во Мали во јули 2012 кога припадници на радикалното исламистичко движење Ансар ал-Дин (Бранителите на верата) го уништија мавзолејот на шеикот Махмуд во Тимбукту и две други гробници на важни свети личности за исламот. Тие изјавија дека имаат намера да ги уништи сите 16 гробници коишто се вброени во списокот на светското културно наследство на УНЕСКО, оправдувајќи го вандализмот со „сѐ што не е ислам (според нивното толкување). не е добро и човек мора да му се поклонува само на Бог“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Вести
“Во основа е пекол на земјата”: Градот Газа оставен тотално без здравствената заштита
Во раните утрински часови во саботата, над купови бетон и урнатини, толпа лекари и пациенти пешачеа километри низ уништените улици на градот Газа, принудени да се евакуираат пеш од она што остана од болниците. Здравствените работници велат дека се плашат да ги оставаат критично болните пациенти зад себе во град кој сега во голема мера е сведен на урнатини, преземен израелските сили, со болници кои работат без струја, гориво, вода или храна, пишува британски „Гардијан“.
“Тоа е во основа пекол на земјата”, вели Вилијам Шомбург, шефот на Меѓународниот комитет на Црвениот крст во Газа, опишувајќи го она што остана од животот во градот.
Со недели, десетици илјади луѓе се надеваа дека во болниците во Газа ќе најдат засолниште кое е најблиску до безбедно бидејќи енклавата издржа интензивирачки бомбардирања.
Но, откако израелските сили се приближија до објектите и потоа ја нападнаа најголемата болница во Газа, Дар ал-Шифа минатата недела, илјадници луѓе беа раселени заедно со медицинскиот персонал, шетајќи низ уништените улици на југ од енклавата.
Палестинското министерство за здравство во Газа соопшти дека израелските сили побарале евакуација на болницата Ал Шифа вчераутро, три дена откога влегоа во објектот. Здравствените лица сведочат дека им им било кажано дека имаат еден час да ја евакуираат болницата која беше центар на здравствениот систем на Газа.
Најмалку 12.000 луѓе загинаа во израелскиот напад врз Газа по нападот на Хамас на 7-ми октомври, во кој загинаа 1.200 Израелци, а околу 240 луѓе беа заложници.
Вести
Борел: Целосно е невозможно да се евакуираат милиони луѓе од северот на Газа
Првиот човек на ЕУ-дипломатијата Жозеп Борел утринава на прес-конференција изјави дека евакуацијата на милиони луѓе од северниот дел на Газа е целосно невозможна.
Десетици илјади цивили почнаа да бегаат од јужниот дел на Газа вчера, откако Израел им порача на луѓето да ја напуштат областа пред очекуваната копнена офанзива.
„Да се замисли дека можеш да преселиш милион луѓе за 24 часа во ситуација во каква што е Газа, може да биде само хуманитарна криза“, рече Борел на последниот ден од тридневната дипломатска посета на Кина.
И покрај изјавата на ЕУ за поддршка на Израел, тој исто така предупреди дека и Израел е должен да го почитува меѓународното хуманитарно право во одбранбениот процес.
„Позицијата е јасна“, рече Борел. „Но, како и секое право, тоа има граница. А таа граница е меѓународното право“.
Вести
Проценки на ОН: Десетици илјади луѓе веќе ја напуштија Газа
Во текот на ноќта беа објавени најновите проценки на ОН за бројот на луѓе кои ги напуштиле своите домови во северниот дел на Газа.
Тие велат дека веруваат дека станува збор за десетици илјади кои се упатиле кон југ по предупредувањето за евакуација на Израел.
Пред наредбата за евакуација, повеќе од 400.000 Палестинци беа внатрешно раселени, според хуманитарната канцеларија на ОН OCHA.
Израелската војска им порача на околу 1,1 милион луѓе во северниот дел на Газа да заминат пред очекуваната копнена инвазија. Хамас, пак, ги повика луѓето да останат на место и да пркосат на израелската воена наредба.
Генералниот секретар на ОН, Антонио Гутереш рече дека наредбата од Хамас е „исклучително опасна – и во некои случаи едноставно не е возможна“.