Спорт
Евро 2020: Инсиње за победа на Италијанците над БиХ, Германците со осум „парчиња“ за Естонија (видео)
Италија стигна до тешко извојувана 2:1 победа над Босна и Херцеговина за да остане со совршен скор и по четири кола во квалификациите за Европското првенство во 2020 година, продолжувајќи го „препородот“ под водство на Роберто Манчини по неуспехот да се квалификуваат за СП во Русија минатата година.
БиХ дојде во водство со 56. репрезентативен гол на Един Џеко во 32. минута, но „аѕурите“ се вратија во Торино прво преку магичниот гол на Лоренцо Инсиње во 49. минута, за Марко Верати во 86. минута да донесе три поени за домаќините по асистенција на Инсиње. Во групата Ј, Италијанците се убедливо први со 12 поени, три повеќе од Финска, која со 2:0 победи кај Лихтенштајн, додека Ерменија сега е трета по импресивната 3:2 победа на гости кај Грција.
Во групата Ц, Германците во Мајнц не покажаа милост за Естонија, победувајќи со неверојатни 8:0. Во првото полувреме, тимот на Јоаким Лев постигна дури пет голови (Ројс, Гнабри, Горецка, Гундоган и Ројс), за во второто полувреме да додадат уште три (Гнабри, Вернер, Сане).
По шокантниот пораз од Турција, и светските шампиони Франција имаа лесна задача победувајќи со 4:0 кај Андора. Турците пак, откако беа скандалозно пречекани во Рејкјавик, си заминуваат дома со пораз, откако Сигурдсон даде два гола за Исланд да стигне до 2:1 победа. Во оваа група сега Франција, Турција и Исланд имаат по 9 бодови.
ЕВРОПСКО ПРВЕНСТВО 2020, КВАЛИФИКАЦИИ
ГРУПА Ц
Белорусија – Северна Ирска 0:1
Германија – Естонија 8:0
Табела: 1.Северна Ирска 12, 2.Германија 9, 3.Холандија 3, 4.Белорусија 0, 5.Естонија 0
ГРУПА Е
Азербејџан – Словачка 1:5
Унгарија – Велс 1:0
Табела: 1.Унгарија 10, 2.Словачка 6, 3.Хрватска 6, 4.Велс 3, 5.Азербејџан 0
ГРУПА Х
Албанија – Молдавија 2:0
Андора – Франција 0:4
Исланд – Турција 2:1
Табела: 1.Франција 9, 2.Турција 9, 3.Исланд 9, 4.Албанија 6, 5.Молдавија 3, 6.Андора 0
ГРУПА И
Казахстан – Сан Марино 4:0
Белгија – Шкотска 3:0
Русија – Кипар 1:0
Табела: 1.Белгија 10, 2.Русија 9, 3.Казахстан 6, 4.Шкотска 6, 5.Кипар 3, 6.Сан Марино 0
ГРУПА Ј
Грција – Ерменија 1:3
Италија – Босна и Херцеговина 2:1
Лихтенштајн – Финска 0:2
Табела: 1.Италија 12, 2.Финска 9, 3.Ерменија 6, 4.БиХ 4, 5.Грција 4, 6.Лихтенштајн 0
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.