Спорт
Азар пречекан како мега-ѕвезда на „Бернабеу“ (галерија+видео)
Еден Азар официјално беше презентиран како нов фудбалер на Реал Мадрид, и очигледно дека навивачите на „лос бланкос“ сметаа дека се работи за засилување по „мерка“ на славниот клуб, откако над 70 илјади гледачи дојдоа на „Сантијаго Бернабеу“.
По поминувањето на медицинските тренинзи, Азар прво го потпиша договорот во присуство на претседателот Флорентино Перез, по што излезе пред своите нови навивачи.
It’s like there’s a match on ?
Look how many Real Madrid fans have turned up for Eden Hazard’s unveiling ?pic.twitter.com/oKtqP0YptL
— Goal (@goal) June 13, 2019
„Ќе зборувам француски, бидејќи треба да го подобрам познавањето на шпанскиот јазик. Едвај чекам да го облечам овој дрес . Како што кажува и претседателот, остварување на сонот е да се игра за овој клуб“, изјави Азар.
Перез вели дека Азар од првиот ден ќе сфати што е најважно за да се носи дресот на Реал.
„Сега си каде што сакаше да бидеш, тоа беше еден од твоите соништа. Сега, тој се оствари. Ова ќе биде твојот дом и местото каде што ќе ја почувствуваш големата страст. Од првиот ден ќе сфатиш дека тука најважни се навивачите, тие кои го сакаат Реал Мадрид. Фановите ќе бидат зад тебе бидејќи знаат дека си единствен и твојот фудбал е специјален“, изјави Перез.
Eden Hazard showing off his skills at his Real Madrid presentation. pic.twitter.com/ST1QTlsZ2u
— Juniuer (@juniuer) June 13, 2019
? Los #RMFans pidieron a @hazardeden10 que besara el escudo… ¡Y LO HIZO!#WelcomeHazard | #HalaMadrid pic.twitter.com/eEOqChtRnJ
— Real Madrid C.F.⚽ (@realmadrid) June 13, 2019
There it is, official with the shirt. At long last, @hazardeden10 has finally landed at @realmadriden ? pic.twitter.com/GfWF35sDLz
— beIN SPORTS USA (@beINSPORTSUSA) June 13, 2019
?? Family photo!
? @hazardeden10 #WelcomeHazard | #HalaMadrid pic.twitter.com/TnI4Z9AuDE— Real Madrid C.F. ???? (@realmadriden) June 13, 2019
Eden Hazard kissing the Real Madrid crest is beautiful pic.twitter.com/auI8WmSYfQ
— É (@benzismo) June 13, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Вембањама едногласно избран за дебитант на годината
Виктор Вембањама (20) е добитник на трофејот Вилт Чембрлен, награда која се доделува на најдобриот дебитант во НБА.
Центарот на Сан Антонио Спарс стана првиот француски кошаркар со оваа награда, но и прв по Карл-Ентони Таунс од сезоната 2015/16, кој едногласно беше избран за дебитант на годината.
Сите 99 новинари кои гласаа во овој избор, својот глас му го дадоа на 224 сантиметри високиот Вембањама. Второто место во овој избор му припадна на Чет Холмгрен од Оклахома сити тандер. Еден новинар го рангираше на третото место, а 98 го рангираше на второто место. Трет беше Брендом Милер од Шарлот Хорнетс, со еден глас на второто и 83 на третото место.
Вембањама ги предводеше дебитантите во поени (21,4), скокови (10,6), блокади (3,6) и беше втор по украдени топки (1,2) и четврти по асистенции (3,9). Со просек од 3,6 блокади по натпревар, тој беше и најдобар блокер во НБА.
Тој е третиот играч на Сан Антонио Спарс добитник на награта дебитант на годината. Наградата која се доделува од сезоната 1952/53, во дресот на Спарс ја добија легендите на франшизата, Дејвид Робинсон (1989/90) и Тим Данкан (1997/98).
Инаку, Спарс ја завршија сезоната со 22 победи и 60 порази.
Спорт
Вдечерва ќе го добиеме првиот финалист во Лигата на шампионите
Вечерва ќе биде познат првиот финалист во Лигата на шампионите. Полуфиналниот реванш ќе го одиграат ПСЖ и Борусија Дортмунд. Германскиот тим реваншот во Париз ќе го започне со предност 1:0.
Вечерашниот натпревар ќе биде четврти за ПСЖ и Борусија оваа сезона. Двата тима беа ривали и во фазата по групи, во Дортмунд немаше победник, а во Париз „светците“ славеа со 2:0. Победа со ваков резултат вечерва би го лансирала ПСЖ во финалето.
„Наша цел е пласман во финалето, а за да стигнеме до него ќе мора да бидеме подобри од извонредниот Дортмунд. Секогаш има простор за напредок и мора да работиме на тоа. За три секунди може да се постигнат два гола, но во исто време и да се примат. Одиме на победа“, рече тренерот на ПСЖ, Луис Енрике.
ПСЖ во одбраната ќе го нема Лукс Ернандез, кој се повреди во Дортмунд. За него оваа сезона е завршена, а веројатно ќе го порпушти и Европското првенство.
Од друга страна треерот на Борусија ги има сите фудбалери на располагање.
„Треба да се заслужи пласманот во финалето. Ни треба нерешено, но сакаме да победиме. Имаме мала предност и одлична можност. Ќе мораме да дадеме се од себе, да имаме добар план и добра идеја. Очекувам дека ПСЖ ќе биде подобар отколку на првиот натпревар, но ние сакаме место во финалето“, изјави тренерот на Дортмунд, Един Терзиќ.
Натпреварот на „Паркот на принцовите“ ќе започне во 21 часот, судија ќе биде Даниеле Орсато од Италија. Ќе му помагаат Чиро Карбоне и Алесандро Џалатини, додека четврти судија е Давиде Маса.
Во ВАР собата ќе биде Масимилијано Ирати, а помошник е Паоло Валери.
Спорт
(Видео) Доминација на Џејлен Брансон – НБА вакво нешто не видела од ерата на Мајкл Џордан
Њујорк Никс, во драматичен натпревар славеа над Индијана Пејсерс со 121:117, во првиот полуфинален меч во Источната конференција. Џејлен Брансон одигра уште еден феноменален натпревар и повторно беше најзаслужен за победата на тимот на Том Тибодо.
Она што оваа пролет го демонстрира на теренот, Џејлен Брансон, во НБА лигата последен пат се случило во ерата на Мајкл Џордан.
Со четвртиот последователен натпревар со 40 или повеќе поени (поточно 43, од кои 21 во последната четвртина), леворакиот мајстор на кошарката ги доведе Њујорк Никс до пресврт во финишот од првиот натпревар.
Брансон со тоа стана четвртиот кошаркар во историјата со четири последователни натпревари од 40+ во плеј-офот. Друштвото во кое влезе Брансон е исклучително: Џери Вест со шест по ред, потоа Бернард Кинг, а последен е Мајкл Џордан во финалната серија со Феникс Санс во 1993 година.
„Малите работе секогаш решаваат. Да, кул е да се постигнат 40 поени и сето тоа, но малите нешта ни помагаат да победиме во натпревари како овој. Среќен сум што ја имам оваа група момци околу мене“, рече Брансон, кој претходно, на сличен начин, ги испрати Филаделфија Севентисиксерс на летен одмор шест натпревари во првото коло.