Црна хроника
Во престрелка со полиција убиен 107-годишник
Сто иседумгодишен маж загинал во американската сојузна држава Арканзас, во престрелка со полицијата, објави во неделата локалната полиција.
Полицијата во саботата попладнето интервенирала во една куќа во местото Пин Блаф, сомневајќи се дека мажот по име Монро Исадоре, држел вперено оружје во две лица, соопшти полицијата.
Кога полицајците се приближиле до просторијата во која бил осомничениот, тој започнал да пука низ вратата.
Полицајците започнале потоа преговори со него, а во меѓувреме бил повикан на помош тим специјалци.
Благодарејќи на микрокамера, полицајците виделе дека Исадоре има пиштол. Потоа во собата фрлиле гас, на што овој возвратил со истрели.
„Кусо време потоа, полицајците ја пробиле вратата и фрлиле предмет за да му го одвлечат вниманието“, се додавал во соопштението на полицијата во Пин Блаф. „Исадоре тогаш започна да пука на полицајците коишто возвратија и го убија“, се додава во соопштението на полицијата којашто отворила истрага за овој случај./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.