Контакт

Вести

Асад: Војната во Сирија ќе биде долга и тешка

Објавено пред

Сирискиот судир ќе биде тежок и долго ќе трае, а сириската армија не може истовремено да биде насекаде, изјави сирискиот претседател Башар ал-Асад во интервјуто коешто целосно беше објавено во четвртокот во францускиот весник Paris Match, направен во сириската престолнина Дамаск на 29-ти ноември, истакнувајќи дека има намера и натаму да остане на власт и покрај инсистирањето на вооружената опозиција, исламистичките групи, на сунитските арапски земји во регионот, како и на Турција и Западот.
 

dobivaj vesti na viber

Сирискиот судир ќе биде тежок и долго ќе трае, а сириската армија не може истовремено да биде насекаде, изјави сирискиот претседател Башар ал-Асад во интервјуто коешто целосно беше објавено во четвртокот во францускиот весник Paris Match, направен во сириската престолнина Дамаск на 29-ти ноември, истакнувајќи дека има намера и натаму да остане на власт и покрај инсистирањето на вооружената опозиција, исламистичките групи, на сунитските арапски земји во регионот, како и на Турција и Западот.

 

Сирискиот претседател Башар ал-Асад, кој потекнува од алавитската (шиитска) заедница, во интервјуто вели дека не може да предвиди кога ќе заврши војната со бунтовниците коишто од март 2011 година се обидуваат да го соборат од власта, меѓутоа смета дека непријателите не успеале да ја добијат поддршката кај народот што им овозможува на владините сили да напредуваат.

Имено, покрај поддршката од малцинската алавитска заедница, Асад ја има поддршката и од христијанската заедница, од Друзите, како и од дел од сунитските секуларни елементи но и влијателни сунитски клерици во Сирија. Додека значајното малцинство на Курдите во конфликтот се држи неутрално, и има премолчен договор за ненапаѓање со владините сили, туку се грижи да ги одбрани своите области од навлегувањето на радикалните исламистички групации и да ја зацврсти својата власт на териториите кон Турција, иако во минатото нивните претставници се жалеа дека власта на Асад ги запоставува и ги узурпира нивните права.

Сирискиот претседател дека воздушните напади, без координација и официјална согласност на Дамаск, на американската авијација во делови од Сирија коишто ги контролираат џихадистите од Исламската држава, претставуваа „незаконска интервенција“, како и дека не успеале да влијаат врз борбата против оваа терористичка групација против владините сили.

„Сириската армија не може да биде насекаде истовремено. Кога ја нема војската, терористите ја користат можноста да ја минат границата и преминуваат од една област во друга“, вели сирискиот претседател во интервјуто за француското списание.

„Не станува збор за војна меѓу две војски во којашто едната окупира една територија, а другата некоја друга. Тоа не е тој вид војна. Тука се работи за терористички групи кои се инфилтрираат во градовите и во селата. Значи, сметам дека оваа војна ќе биде тешка и оти долго ќе трае“, вели Асад.

Негира каква и да е директна координација меѓу сириските воени сили и меѓународните коалициски сили предводени од САД против Исламската држава, и покрај тоа што целите и на едните и на другите се областите коишто ги контролираат џихадистите. „Нема никаква директна координација. Се бориме и го напаѓаме тероризмот насекаде, без разлика на тоа што го прават САД или коалициските сили“, категоричен е сирискиот челник чиешто семејство управува со земјата повеќе од три децении.

Во едно од поретките интервјуа за западните медиуми, Асад вели дека нападите на сојузничките сили врз радикалните исламисти се „само козметички“.

Запрашан дали таквата операција на Западот и земјите кои бараат негово заминување од власта, всушност му помогнала, Асад, чиишто сили веќе три години се борат, предупредува дека на теренот војуваат всушност против исламистички групации и вели дека „тероризмот не може да биде запрен со воздушни удари“.

„Тероризмот не може да биде сопрен со воздушни напади. Неопходни, во прв ред, се копнените војски, војниците на теренот коишто ја познаваат таа територија и може да реагираат брзо. Поради тоа немаше доволно опипливи резултати во двата месеца од ударите на коалицијата“, вели Асад во интервјуто за Paris Match, во исечокот кој беше објавен во средата.

Сирискиот претседател притоа додава дека владините сили коишто директно се борат со силите на Исламската држава на теренот на забележале никакви позитивни резултати, во поглед на намалувањето на борбената моќ на џихадистите, како последица на воздушните удари.

„Не е вистина дека ударите помагаат. Тие би помогнале доколку се сериозни и ефикасни. Ние водиме борби на теренот против Даешите (Daesh – арапски акроним за Исламската држава) и не забележавме никакви промени, особено имајќи предвид дека Турција им дава директна помош на тие региони“, тврди Асад.

Бунтот против власта на Башар ал-Асад, по инерција на ткн Арапска пролет со којашто во низа арапски земји беа сменети децениските авторитарни власти, започна во март 2011 година со протести кои набрзо откако западните медиуми ги обвинија сириските сили за бруталност се претворија во отворен суд меѓу сунитската вооружена опозиција и приврзаниците на Асад. Притоа, официјален Дамаск редовно ја обвинува сунитска Турција, како и Саудиска Арабија и Катар, дека го иницирале, финансиски и со луѓе, бунтот на сунитската вооружена опозиција во Сирија, како и дека ги поддржува исламистичките групации во земјата, како што е Исламската држава или Фронтот ан-Нусра, којашто е сириски огранок на глобалната терористичка мрежа Ал Каеда. Такви обвинувања последните месеци дојдоа и од некои западни сојузници, но Анкара решително ги негира таквите тврдења.

Асад тврди дека неговата армија напредува во многу региони, а на прашањето дали сопственото заминување од власта го гледа како решение на ситуацијата и дали стравува од можноста да му се повтори судбината на другите арапски децениски автократски челници, како ирачкиот Садам Хусеин и либискиот Моамер ел-Гадафи, кои беа ликвидирани, сирискиот претседател Башар ал-Асад се поистовети себеси со капетан на брод. „Државата е како брод. Капетанот останува на него среде бурата. Капетанот не размислува за смртта или животот, тој мисли како да го спаси бродот. Доколку размислува за потонување, сите ќе изгинат. Јас правам сé што е во мојата моќ да се спаси земјата“, порачува Асад.

Во интервјуто, исто така, сирискиот претседател ја користи можноста да ги демантира процените коишто минатата седмица ги објавија Обединетите нации, според коишто од март 2011 година животите ги загубиле околу 200 илјади луѓе. Асад тврди дека тие бројки, како и за повеќе од седум милиони раселени, „се претерани“./крај/мф/сн

Извор: Макфакс



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Вести

“Во основа е пекол на земјата”: Градот Газа оставен тотално без здравствената заштита

Објавено пред

Во раните утрински часови во саботата, над купови бетон и урнатини, толпа лекари и пациенти пешачеа километри низ уништените улици на градот Газа, принудени да се евакуираат пеш од она што остана од болниците. Здравствените работници велат дека се плашат да ги оставаат критично болните пациенти зад себе во град кој сега во голема мера е сведен на урнатини, преземен израелските сили, со болници кои работат без струја, гориво, вода или храна, пишува британски „Гардијан“.

dobivaj vesti na viber

“Тоа е во основа пекол на земјата”, вели Вилијам Шомбург, шефот на Меѓународниот комитет на Црвениот крст во Газа, опишувајќи го она што остана од животот во градот.

Со недели, десетици илјади луѓе се надеваа дека во болниците во Газа ќе најдат засолниште кое е најблиску до безбедно бидејќи енклавата издржа интензивирачки бомбардирања.

Но, откако израелските сили се приближија до објектите и потоа ја нападнаа најголемата болница во Газа, Дар ал-Шифа минатата недела, илјадници луѓе беа раселени заедно со медицинскиот персонал, шетајќи низ уништените улици на југ од енклавата.

Палестинското министерство за здравство во Газа соопшти дека израелските сили побарале евакуација на болницата Ал Шифа вчераутро, три дена откога влегоа во објектот. Здравствените лица сведочат дека им им било кажано дека имаат еден час да ја евакуираат болницата која беше центар на здравствениот систем на Газа.

Најмалку 12.000 луѓе загинаа во израелскиот напад врз Газа по нападот на Хамас на 7-ми октомври, во кој загинаа 1.200 Израелци, а околу 240 луѓе беа заложници.

Прикажи повеќе...

Вести

Борел: Целосно е невозможно да се евакуираат милиони луѓе од северот на Газа

Објавено пред

Првиот човек на ЕУ-дипломатијата Жозеп Борел утринава на прес-конференција изјави дека евакуацијата на милиони луѓе од северниот дел на Газа е целосно невозможна.

dobivaj vesti na viber

Десетици илјади цивили почнаа да бегаат од јужниот дел на Газа вчера, откако Израел им порача на луѓето да ја напуштат областа пред очекуваната копнена офанзива.

„Да се ​​замисли дека можеш да преселиш милион луѓе за 24 часа во ситуација во каква што е Газа, може да биде само хуманитарна криза“, рече Борел на последниот ден од тридневната дипломатска посета на Кина.

И покрај изјавата на ЕУ за поддршка на Израел, тој исто така предупреди дека и Израел е должен да го почитува меѓународното хуманитарно право во одбранбениот процес.

„Позицијата е јасна“, рече Борел. „Но, како и секое право, тоа има граница. А таа граница е меѓународното право“.

Прикажи повеќе...

Вести

Проценки на ОН: Десетици илјади луѓе веќе ја напуштија Газа

Објавено пред

Во текот на ноќта беа објавени најновите проценки на ОН за бројот на луѓе кои ги напуштиле своите домови во северниот дел на Газа.

dobivaj vesti na viber

Тие велат дека веруваат дека станува збор за десетици илјади кои се упатиле кон југ по предупредувањето за евакуација на Израел.

Пред наредбата за евакуација, повеќе од 400.000 Палестинци беа внатрешно раселени, според хуманитарната канцеларија на ОН OCHA.

Израелската војска им порача на околу 1,1 милион луѓе во северниот дел на Газа да заминат пред очекуваната копнена инвазија. Хамас, пак, ги повика луѓето да останат на место и да пркосат на израелската воена наредба.

Генералниот секретар на ОН, Антонио Гутереш рече дека наредбата од Хамас е „исклучително опасна – и во некои случаи едноставно не е возможна“.

Прикажи повеќе...

Најново

Топ45 минути

Младо момче добило лажна порака да се сретне со девојка, па било однесено во куќа во Ѓорче и претепано

Хорор во скопската населба Ѓорче Петров. Мајка пријавила во полицијата дека нејзиниот 15-годишен син примил порака на социјална мрежа од лажен...

Македонија59 минути

Обвинителството со детали: Кумановката добила 4.000 евра за бебето од брачната двојка, а кога го барала назад не и’ го враќале – притвор за сопружникот и мајката

Обвинителството донесе наредба за истражна постапка против пет лица, во случајот со родилката од Куманово која и’ го дала своето бебе...

Македонија3 часа

Се намалува бројот на грипозни, но и последнава недела е со рекорден број новозаболени во споредба со изминатите 14 сезони

Бројот на новозаболени од грип се намалува во споредба со минатата недела, но ако се спореди со истата недела изминатите...

Економија4 часа

Исплатена првата транша во вредност од 10,4 милиони евра од унгарскиот кредит

Развојната банка ја исплати првата транша во износ од 10,4 милиони евра кон комерцијалните банки за проекти на 47 компании...

Свет5 часа

Зеленски стигна на самитот во Брисел: „Не сме сами и тоа го чувствуваме, ви благодарам“

Украинскиот претседател Володимир Зеленски пристигна на самитот за Украина и европската одбрана во Брисел. По пристигнувањето, тој им се заблагодари...

Македонија5 часа

Димитриевска-Кочоска бара трпение од граѓаните за скандалот со Петровска: Многу бргу на сите ќе ви биде јасно зошто се случуваа сите овие работи

Министерката за финансии Гордана Димитриевска-Кочоска, и седум дена по скандалот во Собранието, е на ставот дека не погрешила и нема...

Македонија5 часа

Хрватите во Македонија сакаат да бидат внесени во Уставот

Хрватите во Македонија ќе имаат корист од вклучувањето на хрватското национално малцинство во Уставот на земјата бидејќи тоа ќе го...

Свет6 часа

(Видео) Министерот на Трамп се појави на телевизија со крст на челото

Американскиот државен секретар Марко Рубио се појави на „Фокс њуз“ вчера со крст на челото. Христијанската традиција налага дека свештеникот...

Македонија7 часа

Незгода на патниот правец Крива Паланка – Куманово, сообраќајот во прекин

Сообраќајот на патниот правец Крива Паланка – Куманово од 10:10 часот е во прекин. Како што извести АМСМ, на излезот...

Македонија8 часа

„Како Заеви од просечно земјоделско семејство стасаа до сопствеништво на авиокомпании“, прашува ВМРО-ДПМНЕ

„Чудна е пасијата на СДС да води полемика за авио сообраќајот и да спомнува авио летови. Можеби таа пасија доаѓа...

Македонија8 часа

„Зошто Владата три дена крие колку платила за приватниот лет за Будимпешта“, прашува СДСМ

„Мицкоски и ВМРО-ДПМНЕ, кои тврдат дека платите се доволно високи и не треба да се зголемуваат, немаат никаков проблем да...

Свет9 часа

(Фото) Разорени куќи, уништени возила: како изгледа селото во Јужна Кореја каде што воен авион случајно фрлил бомби

Разорени куќи, уништени возила… Ова се ужасните сцени во Почеон, Јужна Кореја, каде воен авион случајно исфрли бомби, при што...

Европа9 часа

Орбан му напиша на шефот на Европскиот совет: „Мораме директно да преговараме со Русија“

Лидерите на Европската унија денеска се собираат во Брисел за да најдат одговор на драстичната промена на САД во поддршката...

Европа10 часа

Денеска е големиот самит на ЕУ: „Европа е пет минути до полноќ“

Додека 27-те лидери на ЕУ се собираат во Брисел, тие се свесни дека безбедносниот поредок воспоставен по 1945 година –...

Свет10 часа

(Видео) Корејски воен авион случајно фрли осум бомби, при што беа повредени најмалку седум лица

Најмалку седум лица се повредени откако јужнокорејски воен авион случајно фрли бомби надвор од полигонот Сеунџин во Почеон, Јужна Кореја....

Свет11 часа

Трамп му се закани на Хамас: Веднаш вратете ги сите тела на луѓето што ги убивте или за вас е готово

Американскиот претседател Доналд Трамп му се закани на Хамас со „последно предупредување“ и ги повика да ги ослободат сите заложници...

Свет11 часа

(Видео) Канаѓаните масовно ги бојкотираат американските производи: „американото“ стана „канадијано“

Во незапаметено прикажување на националното единство Канаѓаните се здружуваат во бојкот за да одговорат на ескалацијата на трговските тензии со...

Свет21 час

(Видео) Макрон: Мора да се подготвиме, САД можеби повеќе нема да бидат со Европа

Францускиот претседател Емануел Макрон  и се обрати на јавноста пред утрешниот самит на Европската унија во Брисел. Макрон утрово на...

Свет22 часа

Зеленски: Очекуваме позитивни вести од САД почнувајќи од следната недела

Киев очекува позитивни вести од САД почнувајќи од следната недела, изјави украинскиот претседател Володимир Зеленски. Во своето ноќно обраќање, Зеленски...

Топ23 часа

Обвинителството предложи одземање на пасошот за двајцата возачи поради сообраќајката на автопатот Гостивар-Тетово во која загина жена

Основното јавно обвинителство Гостивар поведе постапка и предложи мерки на претпазливост за двајцата возачи по вчерашната сообраќајна несреќа на автопатот...