Македонија
(Видео) Стоилковски: Наместо „Мој ДДВ“, власта да го врати рамниот данок и да ги намали акцизите
„Мој ДДВ“ е уште едно фијаско во најава на оваа власт во заминување која што ја доведе Македонија до раб на егзистенција, задолжена, со 0 оценка за економски капацитет, без европска иднина, без 500 евра плата, без 100.000 за докторите, со високи акцизи, а сега дополнително турка развој на сива економија, порача портпаролот на ВМРО-ДПМНЕ, Наум Стоилковски.
„Со проектот „Мој ДДВ“ ниту ќе има 30.000 за семејствата, ниту е изводливо освен за семејствата на Заев и семејствата на неговиот клан. Вака изгледа проектот „Мој ДДВ“ согласно потрошувачката кошничка:
На едно четиричлено семејство му се потребни 33.000 денари за да го мине месецот, согласно онаа минимална потрошувачка синдикална кошничка. Минималната плата во Македонија изнесува 12,500 денари, а просечната малку над 24.000 денари. Значи за минимално да се мине месецот потребни се една просечна и една минимална плата за четиричлено семејство!
Од тие пари, дури 42% одат за прехрана и пијалоци! Односно, ако ги земеме предвид овие 33.000 денари, околу 14.000 денари се трошат за јадење. Храната во Република Македонија е оданочена со 5% ДДВ. Значи, од нив неполни 700 денари се пари за ДДВ. 15% од нив се неполни 104 денари за поврат! Значи, сте потрошиле речиси половина плата од 33.000 денари или две плати во тој износ, за храна, за леб, за млеко, за да зготвите ручек, сте дале речиси половина и повратот изнесува 104 денари месечно!
Според истата кошничката, над 31% од парите одат за домување! Тоа се комуналните трошоци, струја, вода, чинат над 10.000 денари, кои што според власта НЕМА поврат на ДДВ за тие пари! Значи стапката каде после храната одат најмногу пари од семејниот буџет – власта нема да враќа пари! Така доаѓаме до 73% потрошени пари од платата од потребните минимални 33.000 денари, со месечен поврат од 104 денари!
Во услови кога народот не зема 33.000 плата, туку толкави се примањата во едно четиричлено семејство отприлика, тоа не значи дека троши помалку, напротив за жал, толкави се основните трошоци за храна и за сметки!
Одиме понатаму, хигиена, трошоци за хигиена! Според кошничката за хигиена се трошат над 7% од платата, односно потребни се најмалку над 2.300 денари за хигиена. За најголемиот број од нив, даночната стапка повторно е 5%! Значи за ДДВ одат 115 денари, со можност за поврат од 17 денари!
Потрошувачката кошничка, онаа што се мери не предвидува автомобили, туку јавен превоз и за тоа се двојат 7% од парите што стигаат во семејствата, а ДДВ за тоа, за јавниот превоз е 5%, значи за поврат повторно имаме 17 денари!
За облека и за обувки, просечно четиричлено семејство месечно троши 6,5% од парите кои што стигнуваат дома, а ДДВ е 6%, значи ако потрошите за облека и обувки 2.160 денари колку што пресметале за оваа кошничка, УЈП може ви врати, 15% или 8 денари! За култура 3,2% од семејниот буџет, од платата односно 1.000 денари, со даночната стапка од 3%, за што повратот изнесува 4,5 денари.
Синдикалната кошничка предвидува за одржување на здравје и за нив да потрошите 2% од платата, околу 700 денари за лекови, кои што повеќето се со 5% ДДВ, за што има 5 денари поврат на ДДВ.
Всушност со ваква плата колку што е пресметана потрошувачката кошничка од 33.000 денари, вам УЈП месечно би ви вратила околу 156 денари, или вкупно 1872 денари годишно за поврат на ДДВ од власта. Односно 30 евра за цела година собирање фискални!
И тоа, ако секогаш купувате онаму каде има фискални, не на пазар, или каде трговците ви нудат поголем попуст од повратот. Во случај и да можете да потрошите повеќе, Тевдовски се сетил и на тоа па ги ограничи парите на 1800 денари поврат за три месеци за едно лице.
Овој однапред пропаднат проект ваш ДДВ, „Мој ДДВ“, е само мачкање на очи, и е во полза на побогатите. Наместо него, власта треба да ги намали акцизите, да го врати рамниот данок и да се сврти кон реализација на вистинските капитални проекти. Вакви „модерни“ проекти за мобилни апликации се само дополнителни трошоци врз грбот на се посиромашните граѓани“ додаде Стоилковски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Посебен режим на сообраќај во Скопје в сабота
Министерството за внатрешни работи ги известува граѓаните на Скопје дека на 04.05.2024 (сабота), поради одржување на манифестација по повод годишнината од смртта на македонскиот револуционер Гоце Делчев во црквата „Св. Спас“ во Скопје, Единицата за безбедност на патниот сообраќај при СВР Скопје по потреба ќе преземе мерки за посебен режим на сообраќајот, односно по потреба за сообраќај ќе биде затворена улицата „Самоилова“ на потегот од улицата „Иљо Војвода“ (виадукт Самоилова) до крстосница со улицата „Прохор Пчински“.
Министерството за внатрешни работи, исто така, ги известува граѓаните на Скопје дека на 04.05.2024 (сабота), Единицата за безбедност на патниот сообраќај при СВР Скопје ќе воведе посебен режим на сообраќај за одредени сообраќајници во централното градско подрачје на Град Скопје, како и во општините Ѓорче Петров и Аеродром.
На 04.05.2024 во периодот од 18.00 часот до завршување на манифестацијата по повод верскиот празник Воскресение Христово Велигден, во центарот на градот по потреба за сообраќај ќе бидат затворени: 1. Бул.„Партизански одреди” од крстосницата со ул.„Франклин Рузвелт” до крстосницата со бул.„ВМРО”. 2. Бул.„Св.Климент Охридски” од крстосницата со бул.„Илинден” до крстосницата со ул.„Димитрие Чуповски”. 3. На возилата од јавниот градски превоз, кои поминуваат преку мостот „Гоце Делчев”, по потреба ќе им се менува трасата на движење, при што ќе се движат по бул.„Илинден” и преку ул.„Франклин Рузвелт” ќе се вклучуваат на бул.„Партизански Одреди”, додека автобусите кои што поминуваат преку Центар ќе се движат по ул.„Митрополит Теодосиј Гологанов”, по што преку ул.„Франклин Рузвелт” ќе се вклучуваат на бул.„Партизански Одреди”.
Во спротивна насока автобусите ќе ги користат истите сообраќајници. Во општина Ѓорче Петров, по потреба, за сообраќај ќе се затвора ул.„Македонска војска“ пред црквата „Свети Петар и Павле“ на потегот од крстосница со бул.„Партизански Одреди“ до ул.„Ѓорче Петров“.
Во општина Аеродром, по потреба, за сообраќај ќе биде затворен локалниот пат кон село Лисиче. Исто така, по потреба за сообраќај ќе бидат затворани и други сообраќајници кои гравитираат околу верските објекти. Секторот за внатрешни работи Скопје апелира до граѓаните да ги почитуваат наредбите кои ќе ги даваат полициските службеници по сообраќајниците каде што ќе се одвиваат настаните.
Македонија
Македонија најдобро рангирана меѓу државите од регионот според Индексот за слобода на медиумите
Репортери без граници денеска го објавија својот годишен извештај за слободата на медиумите во светот, според кој Македонија се наоѓа на 36 место, што е за две места подобор од 38 место претходната година.
„Иако новинарите не работат во непријателско опкружување, раширените дезинформации и недостатокот на професионализам придонесуваат за опаѓање на довербата на општеството во медиумите, што ги изложува независните медиуми на закани и напади. Понатаму, владините функционери имаат тенденција да имаат лоши и понижувачки ставови кон новинарите“, се наведува во извештајот на Репортери без граници.
Репортери без граници ја издвојува Аргентина под новиот претседател Хавиер Милеи, која падна за 26 места, од 40 на 66 место и пишува за „спектакуларната мимикрија на руските репресивни методи“ низ Источна Европа и Централна Азија, вклучително и во Србија, каде што „провладините медиуми емитуваа Руска пропаганда, а властите им се закануваат на руските новинари во егзил“.
Индексот на слободата на медиумите и натаму го предводи Норвешка, потоа Данска и Шведска, а најлоша е ситуацијата во Еритреја, која го презеде дното на листата од Северна Кореја. Меѓу најлошите десет се и Кина, Иран, Авганистан и Сирија, пишува агенцијата Франс прес.
И Босна и Херцеговина падна многу на овогодинешната листа и сега е на 81 место, Србија е уште полошо, на 98 место, Црна Гора е на 40, Хрватска на 48 место, а Словенија на 42. Од земјите на ЕУ, послаб индекс на слободата на медиумите имаат Романија, Бугарија, Кипар и Грција, која според овој критериум е на 88-то место, најлошо во Унијата.
Албанија е на 99 место, а Косово на 75, според извештајот.
Македонија
„Повторен обид на Министерството за здравство да протурка реновирање на операциски сали и фаворизира одредени фирми“, вели ВМРО-ДПМНЕ
„Министерството за здравство повторно ја објавува постапката за јавна набавка на проектирање и изведба на реконструкција и реновирање на операциски сали, нивни пред простории и ходници со машински соби во УКЦ Мајка Тереза – хируршки клиники по принципот „клуч на рака“, вели Комисијата за здравство на ВМРО-ДПМНЕ.
„Истата пред само месец и половина Државната комисија за жалби по јавни набавки ја поништи од причина што Министерството за здравство изготвило тендерската документација која не е во согласност со Законот за јавни набавки и истата доведува до дискриминација на економските оператори и ограничување на пазарната конкуренција.
Повторената постапка објавена е на ден 24.04.2024 година, неработен ден прогласен со одлука на Влада поради одржување на прв круг претседателски избори.
Во тендерската документација за економска способност на економските оператори се бара минимум 550.000.000 денари со ДДВ вкупен приход во последните три години за секоја година поединечно.
Ова е целосно неосновано.
Прво, затоа што во финансиските извештаи приходот се искажува без ДДВ (ДДВ-то е обврска на друштвото да го плати спрема државата).
Второ, зошто не е објавена проценетата вредност на набавката за да може да се утврди дали овој услов е согласно Законот за јавни набавки? (Според Законот за јавни набавки – Договорниот орган не смее да бара минималниот годишен приход да изнесува двојно повеќе од проценетата вредност на набавката)“, се наведува во статусот на фејсбук на Комисијата за здравство на ВМРО-ДПМНЕ.