Американскиот претседател Барак Обама има рекол ноќта кон средата во Вашингтон на воените команданти на дваесетина земји од коалицијата предводена од САД дека е длабоко загрижен поради напредувањето на радикалната џихадистичка група Исламска држава кон курдскиот град Кобане во северна Сирија и во западен Ирак.

Меѓутоа, како што забележува Reuters во својот извештај, претседателот Барак Обама не навестил можност од промена на долгорочната стратегија на САД којашто во „претстојните месеци ќе доживее подеми и падови“, иако се чувствува сѐ посилен притисок врз коалицијата да ја спречи Исламската држава во заземањето на уште поголема територија од онаа што ја владее во моментов во делови на Сирија и Ирак каде што во јуни прогласија „исламски калифат“.„Ова ќе биде долга борба“, изјавил Обама пред воените команданти на средбата во воздухопловната база Ендрјус близу Вашингтон. Својот говор го одржал по воздушните напади изведени под водство на САД врз цели на Исламската држава во околината на Кобане во близина на турската граница, каде што курдските борци настојуваат да ги одвратат нападите на џихадистите.Обама рекол дека моменталниот фокус е насочен на борбата во Анбар, ирачки град додавајќи: „Длабоко сме загрижени поради ситуацијата во сирискиот град Кобане и неговата околина, која покажува колкава закана претставува Исламската држава за Ирак и за Сирија“. Американските единици настојувале да го спречат влегувањето на борците на Ал Каеда во Анбар во текот на војната во Ирак, но дека сега исламските радикали од Исламската држава може да го заземат овој град. Коалицијата воздушните напади ќе ги продолжи во двете области, додал Обама.Н средбата на воените команданти од 22 земји, присуствуваат и претставници на Турција и на Саудиска Арабија, а средбата ја води американскиот генерал Мартин Демпси, командант на американскиот здружен штаб.Американски неименуван функционер изјавил за Reuters по разговорите дека силите на исламската држава и покрај воздушните напади, сепак напредуваат на теренот, додавајќи дека сепак чувствува дека на крајот коалицијата ќе победи. „Краткорочно успеаја да напредуваат. Долгорочно, тоа ќе се промени“, изјавил американскиот функционер и додал дека коалицијата ќе ја прилагоди својата тактика имајќи го предвид фактот дека борците на Исламската држава се кријат меѓу локалното население, па потешко е да бидат откриени. Портпаролот на Советот за безбедност на Белата куќа, Алистер Бескеј, изјави дека состаноците се одржуваат „во рамките на настојувањата да се изгради коалиција и да се интегрираат можностите на секоја земја да придонесе за пошироката стратегија“. Претседателот Обама, пак, истакна дека кампањата сѐ уште е на почетокот. „Ќе има денови на напредување и е има периоди на назадување“, рече, но додаде дека „нашата коалицијата е обединета во ова долгорочно настојување“.Американската армија објави дека американските и саудиските авиони во последните два дена извршиле 21 воздушен напад врз областа околу Кобане. Цел на нападот била да се прекине снабдувањето и да се сопре доаѓањето на засилувањата.Белата куќа соопшти дека на состанокот присуствувале претставниците на Австралија, Бахреин, Белгија, Канада, Данска, Египет, Франција, Германија, Ирак, Италија, Јордан, Кувајт, Либан, Холандија, Нов Зеланд, Катар, Саудиска Арабија, Шпанија, Турција, Обединетите арапски емирати и на САД. Клучно беше доаѓањето на воените претставници на Турција, имајќи предвид дека Анкара е под притисок дека мора да има поактивна улога во справувањето со Исламската држава, и претходно седмицава се согласи да ги опреми и вежба сириските вооружени групации кои во прв ред се борат против силите на владата на сирискиот претседател Башар ал-Асад, а кои наводни ќе се орат и против исламистите.Американски и турски функционери за AFP рекле деја двете земји разговараат за можноста земјите од коалицијата да ја користат турската воена инфраструктура против Исламската држава, што претходно во неделата Анкара го одби, поставувајќи услови за создавање на тампон зона на сириска територија и зона на забранети летови над северна Сирија, слично како и при меѓународната интервенција во Либија 2011-та, со цел да доведе до паѓање на власта во Дамаск./крај/мф/сн

Извор: Макфакс