Долниот дом на јапонскиот парламент го усвои во четвртокот, на предлог на владата на премиерот Шинзо Абе, законот кој овозможува испраќање војници во борби надвор од земјата првпат по Втората светска војна, и покрај големите протести на Јапонците.

Усвојувањето на предлог-законите за јакнењето на воената улога на Јапонија, во моментите кога на Пацификот се разгоруваат тензиите поради територијалните претензии и ривалства, предизвика огромни протести, а најавени се и нови демонстрации.

Протестите, како што известуваат агенциите, потсетувале на оние со коишто од должноста премиер пред 55 години беше соборен токму дедото на сегашниот премиер Шинзо Абе, откако тогаш го парламентот го протурка американско-јапонскиот безбедносен пакт.

Големи поворки демонстранти, според организаторите повеќе од 100.000, се собраа во близина на јапонскиот парламент во Токио. Многумина останаа на улиците до доцна во ноќта. Демонстрантите носеа плакати и извикуваа „Абе, поднеси оставка“ и „Не на војната, не на убивањата“. Во Токио во четвртокот повторно почнаа да се собираат демонстранти, иако поради дождот пишуваат медиумите, нивниот број би можел да биде помал.

Споменатиот предлог-закон сега треба да биде изнесен во горниот дом на јапонскиот парламент и доколку пратениците гласаат против него по 60 дена ќе биде вратен во долниот дом, каде што коалицијата на Шинзо Абе може да го усвои со двотретинско мнозинство.

Премиерот Абе контроверзните закони ги промовираше по изборите во декември 2012 година. Новите текстови ја потврдуваат одлуката на владата под минатата година за потврдување на принципот „колективна самоодбрана“. Таквиот развој би требало да овозможи на јапонските вооружени сили, кои официјално се нарекуваат Сили за самоодбрана, да му дадат поддршка на сојузникот, во прв ред САД, иако Јапонија не е директно нападната.

Во Јапонија на сила беше одредбата, усогласена по јапонската капитулација во Втората светска војна, според која на државата воената сила ѝ е дозволена само во случај на самоодбрана. Јапонија има добро опремени и обучени вооружени сили, но постојат строга рестрикции за нивно распоредување во странство. Според членот 9 (ткн „американски амандман“) од нејзиниот повоен Устав, Јапонија е блокирана да употреби воена сила во решавањето на меѓународните спорови, освен во самоодбрана. Сега, долги години ограничените со својот ткн пацифистистички повоен Устав, јапонските вооружение сили во иднина ќе добијат проширен опсег на воени опции, иако се очекува дека владата најверојатно ќе остане многу внимателна за учеството во меѓународните операции, како што во 2003 година беше американската инвазија врз Ирак.

Кинеското министерство за надворешни работи веднаш реагираше со соопштение во кое вели дека овој потег на Токио ја доведува во прашање повоената доследност на Јапонија „на патот на мирниот развој“ и повикува Јапонија да ги научи историските уроци. Односите меѓу Пекинг и Токио се нарушени поради несогласувањата за претензиите на двете земји во Источнокинеското Море, но и недовербата и наследството на Јапонија од воената агресија врз Кина во Втората светска војна ./крај/мф/сн

Извор: Reuters