Свет
„Антифашистите“ во Портланд брутално нападнаа геј-новинар
Во американскиот град Портланд во саботата имаше насилни судири меѓу десничарските демонстранти и левичарските контрадемонстранти.
Најмалку осум лица се повредени, меѓу кои и еден новинар и уредник на конзервативниот портал Quillette, Енди Нго, кого „антифашистичките” демонстранти го претепаа додека ја вршеше својата работа.
The left-wing demonstrators easily number in the hundreds. Marching again, south on SW Third. pic.twitter.com/CTf3rSGtvT
— Jim Ryan (@Jimryan015) June 29, 2019
Нго на „Твитер“ објави фотографии од своите повреди, додека репортерот Џим Рајан од локалниот весник „Oregonian“ на истата социјална мрежа објави снимка од бруталниот напад врз него. Според она што се гледа од снимката, Нго бил сам и не бил насилен спрема маскираните и во црно облечени демонстранти, т.н. антифа-демонстранти.
In the ER. pic.twitter.com/spe5N4nzVl
— Andy Ngo (@MrAndyNgo) June 29, 2019
Екстремните левичарски демонстранти, вооружени со солзавец, штитови, палки, шишиња и според извештаите од теренот и лажни милкшејкови во кои всушност имало брзоврзувачки цемент, го опколиле и го претепале Нго, кој е азиски Американец и деклариран хомосексуалец.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.