Спорт
Семенја: Јас сум како Исус Христос, и мене ме распнаа
Јужноафриканската светска шампионка на 800 метри, Кастер Семенја вели дека се чувствува дека била „распната“ од страна на Интернационалната асоцијација на атлетски федерации (ИААФ) поради нејзиното високо природно ниво на тестостерон.
Двократната освојувачка на олимписко злато на 800 метри е вклучена во легална битка со ИААФ по нивните нови правила спореди кои спортистите со разлика во сексуалниот развој ќе мораат да го лимитираат нивото на тестостерон ако сакаат да се натпреваруваат во дисциплините од 400 до 1.500 метри.
Оваа одлука е предизвикана од доминацијата на Семенја, за која се верува дека има „внатрешни“ тестиси и високо ниво на тестостерон. Швајцарскиот федерален суд ја суспендираше одлуката на ИААФ привремено, со што таа може да се натпреваува и лесно стигна до победа во Стенфорд во текот на викендот.
„Мислам дека поставив пример. На овој свет сум поради причина и го живеам тоа. Јас сум спасител. Ако ја читате Библијата ќе сфатите за што зборувам. Ако можам да го споредам мојот живот, ќе се споредам со Исус. Мене ме распнаа, ми згрешија. Но, на крајот уште сум жива и уште сум тука. Многу е едноставно – никогаш не се кажало дека различните луѓе не можат да трчаат со другите. Не велите тој има предолги нозе не смее да трча, или има големи раце“, вели Семенја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тен Хаг ќе добие отказ, можен наследник е Де Зерби
Иако Манчестер јунајтед го освои ФА Купот, гласините за отказот на Ерик Тен Хаг не стивнуваат. Доколку тоа се случи, прв фаворит на клупските челници е Роберто де Зерби.
Тен Хаг тврдеше дека новите луѓе во спортскиот сектор му рекле дека сакаат со него да го започнат новиот проект. Сепак, тој истакна дека доколку сакаат да го заменат, има каде да оди да освојува трофеи.
Можеби воторото сценариото ќе се оствари, бидејќи на „Олд Трафорд“ не се импресиоирани од она што во две сезони го оствари Тен Хаг.
Како што пренесува „Гардијан“, Џим Ретклиф го контактирал поранешниот тренер на Брајтон, Роберто де Зерби. Италијанецот ги напушти „галебите“ на крајот од сезоната, а неговото име се поврзува со голем број големи клубови.
Ако Де Зерби не ја прифати понудата, на листата кандидати следуваат: Томас Тухел, Киеран Мекена, Маурисио Покетино и Томас Франк.
Спорт
Трагедија: литвански кошаркар пронајден мртов во Џенова
Литванскиот кошаркар Ауримас Кибас го загуби животот под мистериозни околности во Џенова.
Кибас, кој има 27 години, паднал од заграда висока 20 метри.
Кошаркарот на Берингброу бил во посета на својот пријател Римантас Даунис кој игра за Сестри. Вечерта кога се случила несреќата бил во ноќен клуб.
Според луѓето кои го виделе, тој бил под дејство на опијати, а наводно бил вмешан во тепачка. Неговите пријатели го загубиле во текот на вечерта, која заврши трагично.
Полицијата не исклучува самоубиство, но не исклучуваат ниту други сценарија.
Спорт
Анчелоти кариерата ќе ја заврши во Реал
Реал Мадрид и Борусија Дортмунд во сабота од 21 часот ќе го играат финалето на Лигата на шампионите на Вембли. Тренерот на „кралскиот клуб“, Карло Анчелоти (64) даде интервју за „Ла Република“ пред последниот натпревар од сезоната. Меѓу другото, тој одби да зборува за доаѓањето на Килијан Мбапе, бидеќи овој трансфер се уште не е официјално потврден.
Најинтересниот одговор на Анчелоти секако е оној за крајот на неговата тренерска кариера.
„Мојата кариера ќе заврши во Реал, но прво сакам да освојам уште една Лига на шампиони. Јас сум Мадридиста, се идентификувам со клубот, сакам да ги израдувам луѓето во клубот и навивачите“, изјави Анчелоти и додаде дека верува оти неговиот син Давиде може да биде главен тренер, но засега остануваат заедно во Реал.
Анчелоти како фудбалер освои седум трофеи со Милан и пет со Рома како централен играч за врска, а уште поуспешена е неговата тренерска кариера.
Од 1992 година до денес ги предводел Реџана, Парма, Јувентус, Милан, Челзи, ПСЖ, Баерн, Наполи, Евертон и Реал, со кого има договор до летото 2026 година.
Досега четири пати ја освои Лигата на шампионите, по два пати со Реал и Милан.