Спорт
И Вавринка заврши со Вимблдон, Американецот Опелка му го „зема скалпот“
Швајцарскиот тенисер Станислас Вавринка е елиминиран во второто коло на тенискиот гренд-слем турнир Вимблдон. Тој денеска во меч кој траеше три часа и 15 минути загуби во пет сета од 63-от светски тенисер, Американецот Рејли Опелка со 3-2 (7:5, 3:6, 4:6, 6:4 и 8:6).
Мечот изобилуваше со пресврти. Швајцарскиот ас тесно го загуби првиот сет, по што прилично убедливо славеше во вториот и третиот.
Кога сите на трибините помислија дека фаворитот на мечот ќе стигне до нова победа, Американецот кој е висок 211 сантиметри со 6-4 славеше во четвртиот сет и се избори за петти, решаавачки сет.
Тука имаше вистинскa драма, која имаше среќен крај за Опелка. Негов ривал во третото коло ќе биде подобриот од дуелот Раониќ – Хасе.
Во останатите дуели на машкиот дел од турнирот кои досега завршија Паире го победи Кецмановиќ кој по водството од 2-0 на противникот го предаде мечот.
Чехот Јиржи Весели повторно совлада фаворит на турнирот. Славеше со 3-1 против Уругваецот Куевас. Русинот Медведев немаше проблеми со Попирин, победа со 3-1, а Белгиецот Гофин експресно во три сета славеше против Французинот Шарди.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Аталанта избори место во ЛШ
Аталанта следната сезона ќе игра во Лигата на шампионите. Тимот од Бергамо на тој начин им се приклучи на Интер, Милан, Јувентус и Болоња со оглед дека Италија ќе има пет претставници во елитата.
Аталанта во претпоследното коло победи во Лече со 2:0.
Гостите пропуштија можности преку Пашалиќ во шестата, Скамака во 27. кога ја погоди гредата, Запакоста во 39. минута …
Сепак, во вториот дел, тимот од Бергамо постигна два гола, поведе преку Де Кетеларе во 48. минута, а само пет минути подоцна Скамака го постави конечниот резултат.
На две кола пред крајот Аталанта има шест бода повеќе од шестопласираната Рома, но и подобар меѓусебен скор, па теоретски си го обезбедија пласманот во Лигата на шампионите, додека Лече е во сигурната зона.
Спорт
Шампионот загуби од Шкупи, Шкендија избори квалификации во КЛ, Вардар ќе игра бараж за опстанок
Фото/ fcstruga.com
Спуштена е завесата на сезоната 2023/2024 во Првата македонска фудбалска лига. Струга ја одбрани титулата, а второто место го освои Шкендија.
Струга во претходното коло, со победата над Шкендија ја одбрани титулата, па за овој тим дуелот со Шкупи на домашен терен немаше никаква важност. Шкупи победи во Струга со 2:1.
Головите за Шкупи ги постигнаа Рамани во деветата и Аворњо во 51 минута. Голот за шампионот го постигна Шабани во 30. минута. изедначи на 1-1.
Шкендија во Скопје го победи Работнички со 2:0. Стрелци беа Красниќи во 34. минута и Аганспахиќ во 72. минута. Со овој триумф Шкендија се избори за место во квалификациите за Конференциската лига.
Од лигата испаднаа Брегалница и Македонија ЃП, а бараж за опстанок ќе игра Вардар.
Резултати, 33. коло:
Струга Трим Лум – Шкупи 1-2
Работнички – Шкендија 0-2
Вардар – Тиквеш 2-2
АП Брера – Македонија ЃП 5-3
Брегалница – Силекс 1-1
Воска спорт – Гостивар 1-1
Табела:
Спорт
(Видео) Марко Ројс со гол се прости од „Вестфален“
Легендата на Борусија Дортмунд, Марко Ројс постигна гол на својот последен натпревар за „милионерите“ во Бундеслигата.
Тимот од „Вестфален“, го пречека тимот од Дармштад кој одамна испадна од Бундес лигата и славеше со 4:0.
Ројс не можеше да има подобро збогување од навивачите. го постигна вториот гол во 18.минута.
Марко Ројс својот последен меч за Борусија Дортмунд ќе го одигра на „Вембли“, кога „милионерите“ во финалето на Лигата на шампионите ќе се сретнат со Реал Мадрид.
MARCO REUS https://t.co/v1V07JgTsH pic.twitter.com/tuK5kmytzp
— MUFTI MESSI🇰🇲 (@FahadPulga) May 18, 2024