Регион
Брегу: Ситуацијата на Ромите на Западен Балкан не е розова
Генералниот секретар на Советот за регионална соработка (СРС), Мајлинда Брегу, изјави денеска во Познан дека ситуацијата на Ромите во Западен Балкан не е розова и оцени дека декларацијата на западнобалканските влади за подобрување на положбата на Ромите е добар политички документ.
„Ситуацијата на Ромите во земјите од Западен Балкан не е розова, 12 проценти од бизнис-заедницата изјавиja дека не сакаат да вработат припадници на ромската популација, а еден од четворица луѓе не сакаат нивното дете да учи во исто одделение со Ромите“, им кажа Брегу на новинарите на самитот на земјите од Западен Балкан во рамките на Берлинскиот процес.
По панелот на кој Советот за регионална соработка ја претстави декларацијата со која владите на земјите од Западен Балкан ќе се обврзат во процесот на проширување на ЕУ да ги интензивираат напорите да се постигне целосна еднаквост и интеграција на Ромите, Брегу рече дека тоа е документ на владите во регионот кој ќе им даде насоки за решавање на ситуацијата на Ромите, но кој исто така ќе биде средство на граѓанското општество, медиумите и ромската заедница да ги надгледуваат институциите во Западен Балкан.
Декларацијата на партнерите од Западен Балкан за интеграцијата на Ромите во процесот на проширување на ЕУ ќе биде усвоена утре на состанокот на премиерите на Западен Балкан на последниот ден од Самитот во Познан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Директорката откри како полуматурантите го запалиле училиштето во Црна Гора
Матурската прослава на деветоодделенците од основното училиште „Владо Милиќ“ во Долна Горица денеска тргна наопаку кога децата ја запалија училишната зграда додека палеле факел. Во пожарот, за среќа, нема повредени.
Директорката на училиштето „Владо Милиќ“, Ивана Милиќ, за црногорските медиуми изјави дека, освен големата штета, која допрва треба да се утврдува, во пожарот во училиштето нема повредени.
„Штетата допрва ќе се утврдува“, кусо коментира Милиќ за „Вјести“.
Таа за новинарите пред училиштето изјави дека инцидентот се случил околу 10 часот.
View this post on Instagram
„Во палењето на факелот учествуваа сите ученици од деветто одделение“, рече Милиќ коментирајќи ги причините за избувнувањето на пожарот.
Како што може да се види на неколку видеа што кружат на социјалните мрежи, децата панично бегале што подалеку од училиштето додека пламените јазици го зафатиле покривот на образовната институција. Според видеото, најисплашени биле учениците од пониските одделенија, кои при евакуацијата со неверување гледале во чадот што се протегал на неколку метри до небото.
Вршителот на должноста командант на Службата за заштита и спасување на Подгорица, Здравко Блечиќ, за новинарите изјави дека на местото на настанот излегле пет екипи со 15 пожарникари.
„Огнот зафатил дел од покривот и површина од 40 до 50 квадратни метри. Пожарникарите имаа проблеми со приближувањето и пристапот до овој дел од училиштето, но со помош на чуварот, кој беше многу брз, успеаја“, рече Блечиќ.
Тој рече дека штетите во училиштето се големи.
„Влагата и употребената вода може да предизвикаат штети и во училниците. Очекуваме пожарот целосно да биде изгаснат за 15-ина минути“, рече Блечиќ.
Регион
Томислав Николиќ имаше сообраќајна несреќа
Томислав Николиќ, поранешен претседател на Србија и директор на Националниот совет за координација со Руската Федерација и Народна Република Кина, утрово доживеа сообраќајна несреќа.
Несреќата се случила утрово околу 9.15 часот, а Николиќ бил во службеното возило „ауди А8“, пренесува српски „Курир“.
Автомобилот го управувал возачот на Николиќ. Во несреќата нема повредени.
Регион
(Видео) Полуматуранти од Црна Гора го запалија училиштето
Полуматуранти од основното училиште во Долна Горица, Црна Гора, наводно го запалиле училиштето за време на матурската прослава.
На страницата на „Инстаграм“, „Подгорички времеплов“, е објавено видео од пожарот, каде што е наведено дека тој бил предизвикан од факел.
„Полуматурантите со факел го прославија крајот на школувањето, а потоа го запалија училиштето во Долна Горица“, се наведува.
View this post on Instagram
Како што можете да видите на видеото, чадот е висок неколку метри и го зафатил самиот покрив на основното училиште „Владо Милиќ“ во Долна Горица.
Поради употреба на пиротехнички средства, училиштето било опожарено, а учениците се евакуирани поради пожарот, пишува порталот „Антена“.