Црна хроника
Дваесет лаптопи украдени од „Ривер Софт“
Во релативно „тивкото“ изминато деноноќие, кога станува збор за криминалот, најтешко минаа скопската фирма „Ривер Софт“ од каде се украдени 20 компјутери и скопјанец кој е ограбен за околу 12 илјади евра.
Непознат сторител во петокот извршил тешка кражба на улицата „„Васил Ѓоргов“ во скопската населба Капиштец, провалувајќи во фирмата за компјутерска опрема „Ривер Софт“, при што одзел 20 лап-топ компјутери. Крадецот, претходно скршил едно изложно стакло, влегол внатре ги одзел компјутерите и незабележано исчезнал.
Недалеку од оваа локација, на улицата „Народен фронт“, исто така, во петокот е пријавен кражба во стан на 35-годишен скопјанец на поголемо количество златен и сребрен накит, четири стари турски лири и машки рачен часовник. Провалникот во станот влегол низ вратата, а предметите што ги понел со себе се проценети на околу 12 илјади евра.
Во Скопје во петокот е извршено и разбојништво во аптека, при што се доземени 20 илјади денари. Разбојништвото го извршило засега неидентификувано лица кој во аптеката на компанијата „Зегин“ на улицата „Џон Кенеди“ во скопски Чаир под закана со пиштол ја принудил вработената да му ги даде парите.
Компјутерите се виделе интересни за криминалците и во тетовското село Стенче, од каде што ноќта кон петокот се украдени четири компјутери и два монитора. Кражбата е изведена во основното училиште „Гоце Делчев“, чија влезна врата била насилно обиена по што крадците го имале полесниот дел од работата.
Во саботата, пак, 30-годишник жител на струшкото село Мислешево доби кривична пријава за дело „изнуда“. Тој на 11-ти јануари закажал средба со познаник од селото Подгорци за да склучат договор околу продажба на автомобил. Меѓутоа, мислешевецот на средбата физички го нападнал потенцијалниот муштерија, одземајќи му 10 евра и 150 денари и со закани побарал од нападнатиот да му даде илјада евра, наводен долг од претходен судски спор./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Познат идентитетот на скопјанецот кој ноќеска загина во сообраќајка на патот Штип -Кочани
Познат е идентитетот на мажот кој ноќеска загина во сообраќајна несреќа на патот Штип -Кочани.
– На 06.05.2024 во 02.45 часот во СВР Штип било пријавено дека на експресниот пат Штип -Кочани, во близина на с.Крупиште, патничко возило „рено лагуна“ со скопски регистарски ознаки, управувано од С.М.(34) од Скопје, излетало надвор од коловозот. По несреќата, возачот и сопатниците, И.М.(39) од Скопје и двајца малолетници биле пренесени во Клиничка болница Штип, каде што кај И.М. била констатирана смрт, додека кај возачот и малолетниците биле констатирани телесни повреди, информираа од полицијата.
Увид на местото извршиле јавен обвинител и увидна екипа од СВР Штип.
Црна хроника
Велосипедист е тешко повреден во сообраќајка во Охрид
Вчера околу 14.45 часот во СВР Охрид било пријавено дека на ул.„Питу Гули“ во Охрид се случила сообраќајна несреќа помеѓу велосипед управуван од Ј.Д.(74) од Охрид и патничко возило „хјундаи “ со охридски регистарски ознаки, управувано од Д.В.(28) од Охрид.
Во несреќата со тешки телесни повреди се здобил велосипедистот, констатирани во специјалната болница „Св.Еразмо“ во Охрид.
Увид на местото извршила екипа од СВР Охрид.
Црна хроника
Скопјанец измамен во менувачница од двајца странски државјани
Скопјанец пријавил дека во менувачница во Старата скопска чаршија бил измамен од страна на двајца странски државјани за сума од 25.000 евра, информираат попладнево од Министерството за внатрешни работи.
Синоќа во 19.15 часот во СВР – Скопје, Х.М., на возраст од 34 години од главниот град на државава, пријавил дека околу 15 часот во менувачница во Старата скопска чаршија бил измамен од двајца странски државјани.
Според пријавеното, откако се договориле во менувачницата да сменат пари за 25.000 евра, лицата дошле со чанта со договорената сума на пари во денари, при што еден од нив ја заменил чантата со денари со друга иста чанта, која во долниот дел била полна со хартиени ливчиња.
Како што пријавил Х.М., тој им ги дал еврата без да ја провери чантата, а откако заминале, сфатил дека е измамен, појаснуваат од МВР.
Се преземаат мерки за расчистување на случајот.