Спорт
Бразил со прв трофеј на Копа Америка по 12 години (видео)
Бразил по деветти пат стана шампион на Копа Америка, откако на преполната „Маракана“ со 3:1 го совлада Перу во меч одбележан со чудниот троен успех на несомнено најдобриот фудбалер на „селесао“ на шампионатот, Габриел Жесус, кој имаше гол, асистенција, но и црвен картон.
За Бразил ова е прва титула на Копа Америка од 2007 година и деветта во историјата, со што остануваат трета најуспешна репрезентација на континенталното натпреварување зад Уругвај (15 титули) и Аргентина (14 титули). Перу одеше на трета титула од Копа Америка и прва од далечната 1975 година.
Бразилците бргу стигнаа до водство откако во 15. минута, Габриел Жесус одлично го пронајде напаѓачот на Гремио, Евертон за лесно водство. По повеќе пропуштени шанси на „селесао“, ,Перуанците добија шанса да се вратат во игра во 44. минута, кога беше досуден пенал за играње со рака во шестнаесетникот, а капитенот Паоло Гереро го совлада Алисон Бекер за прв гол кој го примиле Бразилците на шампионатот.
Сепак, напаѓачот на Манчестер сити, Жесус врати пред финишот на полувремето, со убав гол, негов трет на шампионатот. Но, за малку, наместо херој тој ќе беше трагичар, кога по еден воздушен удар го искористи лактот и во 70. минута доби втор жолт картон и ги остави соиграчите со играч помалку.
Печат на победата стави Ришарлисон, со уште еден гол од белата точка во 88. минута за да почне прославата на „Маракана“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал без Чуамени во финалето на ЛШ
Голем хендикеп за тимот на Карло Анчелоти.
Првотимецот на Реал Мадрид Аурелиен Чуамени ќе го пропушти претстојното финале во Лигата на шампионите против Борусија Дортмунд поради повреда на стапалото, изјави тренерот на клубот Карло Анчелоти.
„Нема да биде подготвен за финалето, ќе се фокусира на рехабилитацијата за да биде подготвен за ЕП“, изјави Анчелоти.
Чуамени се повреди на реванш полуфиналниот натпревар од Лигата на шампионите против Баерн Минхен.
Финалето во Лигата на шампионите е закажано за 1 јуни.
Спорт
(Видео) Трипл-дабл на Дончиќ и кош за победа, Далас води 2-0
Далас Маверикс ја совлада Минесота Тимбервулвс со 109:108 во вториот натпревар од финалето на Западната конференција. Маверикс со вториот брејк водат 2-0.
Лука Дончиќ одигра брилијантен натпревар, кој го круниса со тројка за победа на четири секунди до крајот на натпреварот.
Далас имаше минус од два поени, Лука ја зеде топката и постигна „степ бек“ тројка преку Руди Гобер за 109:108. Минесота се обиде преку Наз Рид, но тој не успеа да погоди.
LUKA 3-POINTER IN THE CLUTCH TO TAKE THE LEAD WITH 3 SECONDS LEFT IN THE 4Q 🤯🎯
DAL-MIN (1-0) | 4Q Live on TNT pic.twitter.com/6hNV77J8aV
— NBA (@NBA) May 25, 2024
Дончиќ го заврши натпреварот со 32 поени, 10 скока и 13 асистенции, Кајри Ирвинг го следеше со 20 поени, од кои 13 постигна во четвртата четвртина, Гафорд постигна 16, Лајвли 14, а Вашингтон 10 поени.
Во поразениот тим повторно потфрли Ентони Едвардс со 21 поен и само 5-17 од поле, Рид постигна 23, Конли 18, а не се прослави ниту Таунс со 15 поени и 4-16 од поле.
Спорт
Хет трик на Довбик – Џирона со седм гола ја испрати Гранада во Сегунда
Во вториот натпревар од последното 38. коло на шпанската Примера, фудбалерите на Џирона ја декласираа Гранада со 7:0.
Џирона во голем стил ја заврши најуспешната сезона во клупската историја. Екипата од Каталонија е трета на табелата и наредната сезона ќе игра во Лигата на шампионите.
Три гола постигна Украинецот Артем Довбик, кој сега е прв стрелец во лигата со 24 гола, еден повеќе од Норвежанецот Александар Серлот од Виљареал.
Во победата два гола постигна вториот Украинец Циганков, односно Гарсија и Стуани.