Спорт
Еклстоун: Би примил куршум за Владимир Путин!
Поранешниот шеф на Ф1, Берни Еклстоун вели дека би „примил куршум“ за рускиот претседател Владимир Путин, велејќи дека смета дека тој е човекот кој треба да владее со Европа.
Еклстоун беше прв човек во Формула 1 од крајот на 1970-тите до 2017 година, кога беше отстранет од позицијата од новите сопственици, американската компанија „Либерти медија“. Ова не е првпат Еклстоун да покажува почитување кон рускиот претседател, со кого помогна Русија да добие ГП трка во 2014 година.
„Ако некој има автоматска пушка и е подготвен да пука во Путин, јас би застанал пред него. Зошто? Бидејќи тој е добар човек. Никогаш не направил нешто што не е добра работа за луѓето. Би сакал да го видам како ја води Европа. Ние немаме никој таков, така што не би можело да биде полошо. Тој го прави тоа што го кажува. Јас не сум поддржувач на демократијата, потребни ви се диктатори“, вели Еклстоун во интервју за „Тајмс“.
Запрашан што мисли за наводниот обид за атентат над поранешниот руски шпиун Сергеј Скрипал во Велика Британија, Еклстоун беше јасен.
„Путин не го направи тоа. Тој е презафатен да мисли на такви работи. Тоа е измислена приказна“, вели Еклстоун.
Запрашан за својата улога во Ф1, каде што има титула на „почесен претседател“, тој не е лут.
„Тоа значи дека не работам ништо. Но, работам други работи и можеби сум позафатен од времето кога имав работа. Луѓето доаѓаат кај мене со различни проблеми. Но, ми се допаѓа да правам договори. Јас уште сум продавач на стари автомобили“, објаснува Еклстоун.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Чави: Заминувам со чиста совест
Тренерот на Барселона во заминување, Чави Ернандез денеска изјави дека со чиста совест го напушта клубот. Чави вечерва против Севилја последен пат ќе ја води Барселона. Од наредната сезона тренер на блауграна ќе биде Ханси Флик.
„Мојата совест е чиста. Генерално, среќен сум, направивме добра работа дури и ако не ги остваривме целите оваа година. Задоволен сум, благодарен“, рече Чави на прес-конференцијата, пред натпреварот Севилја.
Претседателот на клубот Џоан Лапорта вчера го известил Чави дека нема да биде тренер наредната сезона.
Чави одигра 767 натпревари за Барселона во најдобриот период на клубот заедно со Лионел Меси и Андреас Иниеста. Тој меѓу другото освои осум титули во Примера и четири во Лигата на шампионите.
Како тренер на Барселона во првата сезона ја освои титулата во Ла Лига.
Спорт
Ињаки Вилијамс две години играл со парче стакло во стапалото
Тренерот на Атлетик Билбао, Ернесто Валверде, откри дека неговиот најдобар играч Ињаки Вилијамс две години играл со парче стакло во стапалото.
Ињаки неодамна почувствува непријатност во пределот на стапалото, снимките покажале дека има парче стакло долго два сантиметри.
Стаклото било многу блиску до коската и тетивата.
Вилијамс, потоа откил дека дека пред две години згазнал на скршено стакло, докторот ја санирал исеченицата, но во стапалото останало парче стакло.
„По финалето на Купот го направивме снимањето и видовме дека тој се уште има стакло во стапалото. Јас и докторот се смеевме бидејќи не можевме да поверуваме“, изјави Валверде за овој бизарен случај.
Интересно е што Ињначи го држи рекордот за најдолга серија на одиграни последовни натпревари во Ла Лига. Тој врза дури 251 натпревар. Серијата ја прекина оваа сезона.
Спорт
Леклер на домашен терен ја прекина доминацијата на Ферстапен во квалификациите
Возачот на Ферари, Шарл Леклер ја освои пол-позицијата за Големата награда на Монте Карло.
Ова е прв пат оваа сезона друг возач да го заземе првото место во квалификациите, бидејќи од почетокот на сезоната во квалификациите победуваше само Макс Ферстапен.
Оскар Пјастри ќе ја започне трката од второто место, додека Карлос Саинц е трет. Во вториот ред до Шпанецот трката ќе ја стартува Ландо Норис на Мекларен.
Следува Џорџ Расел од Мерцедес, Макс Ферстапен кој имаше блиска средба со ѕидот во последниот круг. Во Топ 10 се пласираа и Луис Хамилтон, Јуки Цунода, Алекс Албон и Пјер Гасли.
Гледавме возбудливи квалификации, како што е секогаш кога во Монте Карло.
Многу возбуда и многу изненадувања.
По првата рунда испаднаа Серхио Перез и Фернандо Алонсо. Мексиканецот заврши на 18. место во квалификациите, Шпанецот беше 16. Ова само ја потврди лошата форма на Мексиканецот, кој доколку продолжи вака може да го загуби местото во Ред Бул.
Освен тие двајца квалификациите по 18 минути ги завршија и Сарџент, Ботас и Жу.