Спорт
Халеп стави крај на бајката на Коко Гоф
Настапот од соништата на 15-годишната Коко Гоф на Вимблдон заврши во четвртото коло, откако поранешната светска тенисерка број 1, Симона Халеп стигна до убедлива 6:3/6:3 победа и пласманво четврт-финалето на турнирот.
15-годишната Американка, која се пласираше на турнирот преку квалификациите ја победи Венус Вилијамс на патот до четвртото коло, но Романката едностасвно беше пресилна за неа. Гоф го загуби првиот сет со 6:3 и повторно загуби брејк на почетокот на вториот сет.
Тинејџерката се врати со брејк по што спаси две меч-топки на свој сервис, пред Халеп да го комплетира триумфот. Следна за Халеп е Кинеската Шуаи Жанг, која со 6:4/1:6/6:2 беше подобра од Украинката Дајана Јастремска.
A step too far for Coco Gauff – but what a memorable ride it’s been ?@Simona_Halep ends the 15-year-old’s run to move into the quarter-finals at #Wimbledon pic.twitter.com/7IO43ZEO8b
— Wimbledon (@Wimbledon) July 8, 2019
Серена Вилијамс пак, немаше вакви проблеми и со 6:2/6:2 ја „растури“ Шпанката Карла Суарез Наваро. 37-годишната Американка во ниту еден момент не беше под закана од светската тенисерка број 31. за да победи по час и 5 минути игра и да обезбеди дуел со Елисон Риски, која претходно ја шокираше светската тенисерка број 1, Австралијката Ешли Барти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Аталанта избори место во ЛШ
Аталанта следната сезона ќе игра во Лигата на шампионите. Тимот од Бергамо на тој начин им се приклучи на Интер, Милан, Јувентус и Болоња со оглед дека Италија ќе има пет претставници во елитата.
Аталанта во претпоследното коло победи во Лече со 2:0.
Гостите пропуштија можности преку Пашалиќ во шестата, Скамака во 27. кога ја погоди гредата, Запакоста во 39. минута …
Сепак, во вториот дел, тимот од Бергамо постигна два гола, поведе преку Де Кетеларе во 48. минута, а само пет минути подоцна Скамака го постави конечниот резултат.
На две кола пред крајот Аталанта има шест бода повеќе од шестопласираната Рома, но и подобар меѓусебен скор, па теоретски си го обезбедија пласманот во Лигата на шампионите, додека Лече е во сигурната зона.
Спорт
Шампионот загуби од Шкупи, Шкендија избори квалификации во КЛ, Вардар ќе игра бараж за опстанок
Фото/ fcstruga.com
Спуштена е завесата на сезоната 2023/2024 во Првата македонска фудбалска лига. Струга ја одбрани титулата, а второто место го освои Шкендија.
Струга во претходното коло, со победата над Шкендија ја одбрани титулата, па за овој тим дуелот со Шкупи на домашен терен немаше никаква важност. Шкупи победи во Струга со 2:1.
Головите за Шкупи ги постигнаа Рамани во деветата и Аворњо во 51 минута. Голот за шампионот го постигна Шабани во 30. минута. изедначи на 1-1.
Шкендија во Скопје го победи Работнички со 2:0. Стрелци беа Красниќи во 34. минута и Аганспахиќ во 72. минута. Со овој триумф Шкендија се избори за место во квалификациите за Конференциската лига.
Од лигата испаднаа Брегалница и Македонија ЃП, а бараж за опстанок ќе игра Вардар.
Резултати, 33. коло:
Струга Трим Лум – Шкупи 1-2
Работнички – Шкендија 0-2
Вардар – Тиквеш 2-2
АП Брера – Македонија ЃП 5-3
Брегалница – Силекс 1-1
Воска спорт – Гостивар 1-1
Табела:
Спорт
(Видео) Марко Ројс со гол се прости од „Вестфален“
Легендата на Борусија Дортмунд, Марко Ројс постигна гол на својот последен натпревар за „милионерите“ во Бундеслигата.
Тимот од „Вестфален“, го пречека тимот од Дармштад кој одамна испадна од Бундес лигата и славеше со 4:0.
Ројс не можеше да има подобро збогување од навивачите. го постигна вториот гол во 18.минута.
Марко Ројс својот последен меч за Борусија Дортмунд ќе го одигра на „Вембли“, кога „милионерите“ во финалето на Лигата на шампионите ќе се сретнат со Реал Мадрид.
MARCO REUS https://t.co/v1V07JgTsH pic.twitter.com/tuK5kmytzp
— MUFTI MESSI🇰🇲 (@FahadPulga) May 18, 2024