Спорт
Шкендија од Естонија стартува во квалификациите во ЛШ

Фудбалерите на Шкендија вечерва во квалификациите за пласман во Лигата на шампионите ќе гостуваат во Естонија, кај шампионите на оваа земја Номе Калју. Во таборот на македонскиот шампион очекуваат тежок меч, најмногу поради тоа што првенството на Естонија е во тек, а за нив ова ќе биде првиот официјален меч во новата сезона.
„Го анализиравме противникот. Тоа е добар тим, добро се организирани играат дисциплинирано, а ние ќе мора да внимаваме на новата лева страна“, рекол тренерот на Шкендија Ќатип Османи.
Натпреварот на стадионот „Кариорг“ ќе започне во 18 часот.
Инаку покрај дуелот во Естонија, денес во квалификациите за пласман во Лигата на шампионите ќе се одиграат уште седум натпревари.
15:00 Астана-Клуж
16:00 Арарат-АИК Стокхолм
18:00 ХЈК Хелсинки-ХБ Торшавн
19:45 Сараево-Селтик
20:00 Дуделанж-Валета
20:00 Судува-Црвена ѕвезда
20:00 ТНС-Фероникел
foto/kfshkendija.com
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Челси го доби градското дерби против Тотенхем

Фудбалерите на Челзи во последниот натпревар од 30. коло на Премиер лигата го совладаа градскиот ривал Тотенхем со резултат 1:0.
По првото полувреме каде што немаше возбудувања, второто полувреме беше многу поинтересно.
Во 50. минута Енцо Фернандеш одлично реагираше по центаршут и со глава ја упати топката во мрежата на Викарио.
Избраниците на Енцо Мареска можеа да го зголемат водството само шест минути подоцна, но голот на Мојсес Каиседо беше поништен поради офсајд.
Постигна гол и Тотенхем, но тој беше поништен по реакцијата од ВАР собата.
Папе Сар успеа од голема далечина да ја насочи топката кон голот и на крајот да го совлада Санчез, но и овој гол беше поништен, бидејќи истиот играч пред тоа направи прекршок, а на крајот наместо гол доби жолт картон.
По оваа победа, Челзи ги мина Манчестер сити и Њукасл на табелата во Премиер лигата и сега го зазема четвртото место, со еден бод повеќе од тимот на Пеп Гвардиола.
Во следното коло избраниците на Енцо Мареска гостуваат кај тимот на Брентфорд, а Тотенхем на домашен терен ќе игра против Саутемптон.
Спорт
(Видео) Едвардс се запиша во историјата, Баерн не успеа да го победи Макаби

Кошаркарот на Баерн Минхен, Карсен Едвардс, влезе во историјата на Евролигата. Постигна осум тројки во една четвртина во поразот на Баерн од Макаби 90:93 во 33. коло.
Плејмејкерот на Баерн, постигна осум тројки во една четвртина. Едвардс во третиот период погоди осум тројки од исто токлу обиди, првото промашување надвор од линијата 6,75 го имаше на 25 секунди пред крајот на четвртината. Едвардс во третата четвртина постигна 26 поени, тој собори два рекорда (најмногу тројки и најмногу поени во една четвртина).
Cars3n Edwards with 7 three pointers in the third quarter😱@FCBBasketball pic.twitter.com/MiP3dNh9uB
— Turkish Airlines EuroLeague (@EuroLeague) April 3, 2025
Баерн не успеа да победи иако во последната четвртина влезе со предност од 14 поени. Макаби ја стигна предноста во последниот период, а победата на Израелците им ја обезбеди Ливај Рендолф кој погиди четири слободни фрлања во последните десетина секунди.
Карсен Едвардс беше најефикасен со историска партија и постигна 33 поени, додека Шабаз Напиер постигна 17.
Во редовите на Макаби 20 поени уфрли Џими Кларк, 16 Левај Рендолф, 12 Рокас Јокубаитис.
Спорт
Нан го растури Монако, Партизан поразен во Каунас

Монако вечерва ја обезбеди предноста на домашниот терен во четвртфиналето, а Партизан ги загуби шансите за пласман во плеј-ин. Панатинаикос победи во Монако 88:76, а Партизан доживеа пораз од Жалгирис во Каунас 70:66.
Кендрик Нан уште еднаш покажа дека е неверојатен кошаркар, вечерва ја истакна кандидатурата за МВП на сезоната, го предводеше својот Панатинаикос до победа над Монако на гостински терен во претпоследното коло од Евролигата.
Во последното, 34. коло, ПАО ќе ја пречека Црвена звезда и се чини дека Кендрик Нан е „максимално наострен“ и оваа средба заврши со 37 поени.
Постигна 18 поени во првото полувреме, па уште 12 (со индекс 14 во тие 10 минути) во третата четвртина и седум во последниот период.
Партизан во Каунас го пропушти последниот воз за место во плеј-ин. Жалгирис одамна ги загуби шансите за пласман во доигрувањето, но максимално го одигра последниот евролигашни меч сезонава пред своите навивачи.
Поразот уште повеќе ќе ги боли црно-белите, бидејчи нивниот поранешен играч Ален Смајлагиќ ги постигна последните поени на мечот. Смајлаги постигна 14 поени еден помалку од најефикасниот играч на жалгирис Силван Франциско.
Карлик Џонс беше најефикасен во тимот на Партизан со 23 поени, од кои 16 во првото полувреме. Брендон Дејвис постигна 10 поени со шест скока, Исак Бонга постигна девет поени со шест скока, а Стерлинг Браун и Алексеј Покушевски по седум поени.