Спорт
Новак како „воз“ преку Гофан за ново полуфинале на Вимблдон
Светскиот рекет број 1 и актуелен шампион од Вимблдон, Новак Ѓоковиќ влезе во полуфиналето на славниот гренд слем на трева, откако за помалку од два часа го „уништи“ Белгиецот Давид Гофан во три сета со 6:4/6:0/6:2 за своја јубилејна 70. победа на „Ол Ингланд клубот“.
Во уште еден меч кој ја покажа огромната разлика во квалитет меѓу големата тројка (Ѓоковиќ, Надал, Федерер) и конкуренцијата, Белгиецот едноставно немаше доволо ментална сила да му се спротистави на Србинот, и откако го загуби првиот сет по тесна борба, капитулираше во вториот сет и не освои ниту еден гем. Ѓоковиќ лесно ги добиваше гемовите на свој сервис, а исто толку лесно правеше и брејкови на сервис на противникот.
„Тој започна добро, но клучен беше гемот на 5:4. Да го загубев првиот сет, мечот ќе беше сосема поинаков. Досега, работите одат добро и играм одлично, се надевам дека одам понатаму со уште подобра игра“, вели Ѓоковиќ, за кого ова е деветто полуфинале во Лондон.
Следен за Србинот е подобриот од дуелот помеѓу Аргентинецот Гвидо Пелја и Шпанецот Роберто Баутиста Агут, додека во второто полуфинале ќе се сретнат подобрите од мечевите Надал-Сем Квереј и Федерер-Кеи Нишикори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Швјонтек го освои Мастерсот во Мадрид
Тенисерката број еден во светот Ига Швјонтек ја освои титулата на Мастерсот во Мадрид. Таа во финалето ја победи Арина Сабаленка во три сета. За Швјонтек ова е 20-та титула во кариерата, а прва во Мадрид.
Резултатот по три часа и 14 минути борба беше 5:7, 6:4, 7:6 (9:7).
Спектакуларниот меч на двете најдобри во светот, кулминација доживеа во тај-брејкот во третиот сет кој Швјонтек го доби со 9:7.
Спорт
(Видео) Барди погоди од слободен удар
Енис Барди постигна гол за Трабзон, но неговиот клуб доживеа пораз од Самсин 3:1.
Капитенот на македонската репрезентација, во 32.минута погоди од слободен удар, ја намали предноста на 2:1, но само четири минути подцна Фернандес со авто-гол го постави конечниот резултат.
На три кола до крајот на сезоната, Трабзон се наоѓа на третото место со 58 бода, четири повеќе од Бешикташ. Доколку остане на третото место, Трабзон наредната сезона ќе се натпреварува во Лига Европа.
👌🏻👌🏻👌🏻 Trabzonspor 🔥Enis Bardhi pic.twitter.com/hnuPvPkxks
— 61post (@61post) May 4, 2024
Спорт
Тежок пораз на МЗТ од Спартак во Суботица
Македонскиот шампион МЗТ Скопје и наредната сезона ќе се натпреварува во Втората АБА лига. МЗТ, вечерва доѓивеа убедлив пораз на гостувањето кај најдобриот тим во регуларниот дел од сеозната, Спартак Суботица.
МЗТ имаше мали шанси да го изненади фаворизираниот противник, кој во Скопје победи со пет поени разлика. Но ниту најголемите песимисти не очекуваа дека македонскиот шампион ќе доживее тежок пораз.
Спартак сите дилеми, ако воопшто и ги имаше, ги реши во првото полувреме. Екипата од Суботица реализираше 80 отсто од шутевите за три поени во првиот дел (8/10) и на пауза замина со резултат 57:32.
Вториот дел беше само одработување на започнатото за Спартак кој славеше со 98:64.
Спартак за место во АБА лигата ќе се бори со Војводина.