Научниците во саботата ветија дека ќе ги зајакнат напорите во борбата против СИДА-та во споменот на своите колеги загинати во падот на малезискиот патнички авион  во четвртокот во источна Украина, кои патуваа на 20-та Меѓународна конференција за СИДА којашто започнува во недела во австралиски Мелбурн и пред којашто беше објавено дека оваа болест до 2030 година може да биде ставена под контрола.

Меѓу патниците на малезискиот авион кој се урна во  Украина, беше и еден од најценетите светски научници и експерти за СИДА, Холанѓанецот Јоеп Ланге, а заедно со него на 20-та Меѓународната конференција за СИДА со истиот лет патувале и најмалку уште шест други научници, а не околу стотина како што во петокот беше соопштенот.Јоеп Ланге, професор на Универзитетот во Амстердам и поранешен претседател на Меѓународното здружение за лекување на СИДА-та (IAS), повеќе од три децении беше ангажиран во истражувањето и борбата против ширењето на ХИВ вирусот и сузбивањето на оваа неизлечива болест, а беше познат и по заговарањето на поевтин пристап до лекувањето во сиромашните земји во светот.Ланге, исто така, прв го поттикна истражувањето на развојот на првата пристапна комбинација на терапијата во лекувањето на ХИВ и користењето на едноставни антиретровирални лекови во спречувањето на пренесувањето на вирусот од мајка на нејзиното новороденче во сиромашните земји.„Ова е момент на длабока тага во целиот свет, обемот на загубата тешко може да се разбере и да се изрази. Нашите колеги патуваа на собир поради посветеноста на борбата против СИДА-та. Ќе им одадеме почест и ќе мислиме на нив кога во недела ќе започнеме да работиме“, изјави претседателката на IAS, Франсоас Баре-Сиуси, пред конгресниот  центар. Инфекциите со вирусот ХИВ и смртните случаи предизвикани од САДА-та се во опаѓање и се отвора можноста оваа епидемија до 2030 година да биде ставена под контрола 2во секога земја, во секое подрачје“, соопштија Обединетите наци во текстот подготвен за конференцијата во Австралија. “Повеќе од кога и да е претходно, постои надеж дека ќе и’ се застане на патот на СИДА-та во секога земја, во секое подрачје и во секоја заедница. Но, меѓутоа, не е доволно само да одржува борбата против оваа болест, бидејќи со негрижата таа епидемија не може да се сопре“, се наведува во извештајот на програмата на ОН – UNAIDS објавен пред почетокот на конференцијата во саботата во Мелбурн. Експертите предупредуваат дека е многу важно да се зголеми бројот на клиниките достапни на луѓето во сиромашните земји, а особено за жените и девојките за да се информираат за ризичното и сексуалното однесување. Меѓутоа, најголемата опасноста за нив остануваат да претставуваат силувањата и другите облици на сексуално однесување. „Жените и девојките се особено ранливи и сочинуваат речиси петина од сите нови инфекции. Како прво, изложени се на многу висок  ризик од силувања“, се истакнува во споменатиот извештај. Исто така, на многу девојчиња им е недостапно тестирањето на ХИВ поради возрасните ограничувања, се додава. Вирусот на хумана имунодефициенција (ХИВ) кој предизвикува СИДА се пренесува преку крвта и спермата, како и преку мајчиното млеко, но може да биде контролиран со коктелот лекови позната како антиретровирална терапија (ART). Агенцијата UNAIDS тврди дека до крајот на 2013 година пристап до оваа терапија имале 12,9 милиони ХИВ позитивни лица, што е драматично подобрување во однос на 2010 година кога до овој коктел лекови пристап имале само 5 милиони заболени. Минатата година од СИДА починале 1,5 милиони луѓе, 35 отсто помалку во однос на 2005 година. „Во борбата против СИДА-та направен е голем исчекор во последните пет години отколку во сите претходни 23 години“, се истакнува во извештајот“./крај/мф/сн

Извор: AFP