Спорт
Федерер ја доби тениската класика со Надал и закажа финале со Новак
Иако, секако, не беше на нивото на нивната епска пресметка во финалето во 2008 година, Роџер Федерер и Рафаел Надал на тениските љубители на „Централниот терен“ им приредија уште еден спектакл, кој на крајот му припадна на швајцарскиот „Маестро“, кој стигна до победа во четири сета од 7:6(3)/1:6/6:3/6:4 за да закаже уште една голема пресметка со актуелниот шампион Новак Ѓоковиќ.
Федерер никогаш не криел дека Вимблдон е неговиот омилен турнир и дека секогаш го дава максимумот на тревата во Лондон, и овојпат за разлика од 2008 година, тој беше во контрола на мечот речиси во секој момент, освен во вториот сет.
Ова беше јубилејна 40-та пресметка на двајцата тенисери кои ги одбележаа последните две децении во светскиот тенис, и Федерер ја забележа 16-тата победа, додека Надал останува на 24. Федерер ќе игра за својата рекордна деветта титула од „Ол Ингланд“ клубот во своето 12-то финале на славниот тениски терен. Меѓутоа, и против Ѓоковиќ тој влегува со негативен вкупен скор (22-25), а од него има загубено во финалињата на Вимблдон во 2014 и 2015 година.
Во првиот сет, двајцата беа израмнети, пред Федерер да доминира во тај-брејкот и да го освои со 7:3, откако освои пет поени во низа. Но, потоа следуваше падот во формата, и Надал го искористи тоа фуриозно да го земе вториот сет со два брејка. Федерер го освои својот прв брејк против Надал дури во третиот сет за да поведе со 3:1, предност која беше доволна да го освои сетот и да дојде на еден сет од финалето.
Надал почна да прави повеќе неизнудени грешки, и Федерер го искористи тоа за да поведе со 3:1 и во четвртиот сет, а иако Шпанецот беше блиску до брејк при 3:2, на крајот Швајцарецот ја заддржа предноста. Надал успеа да спаси две меч-топки на свој сервис во деветтиот гем (при 5:4), но веќе во следниот гем, и покрај упорноста на Шпанецот, Федерер стигна до победата во нивната 40-та пресметка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тежок пораз на МЗТ од Спартак во Суботица
Македонскиот шампион МЗТ Скопје и наредната сезона ќе се натпреварува во Втората АБА лига. МЗТ, вечерва доѓивеа убедлив пораз на гостувањето кај најдобриот тим во регуларниот дел од сеозната, Спартак Суботица.
МЗТ имаше мали шанси да го изненади фаворизираниот противник, кој во Скопје победи со пет поени разлика. Но ниту најголемите песимисти не очекуваа дека македонскиот шампион ќе доживее тежок пораз.
Спартак сите дилеми, ако воопшто и ги имаше, ги реши во првото полувреме. Екипата од Суботица реализираше 80 отсто од шутевите за три поени во првиот дел (8/10) и на пауза замина со резултат 57:32.
Вториот дел беше само одработување на започнатото за Спартак кој славеше со 98:64.
Спартак за место во АБА лигата ќе се бори со Војводина.
Спорт
(Видео) Порту ја растури Барселона, Реал ја освои титулата во Шпанија
Фудбалерите на Џирона ја победија Барселона во 34.коло со 4:2 и го промофираа Реал Мадрид во нов шампион на Шпанија. На четири кола до крајот на сезоната Реал има 13 бодови повеќе од Џирона и 14 од Барселона.
Џирона втор пат сезонава во каталонското дерби ја победи Барселона. На „Монтоливи“, вечерва избраниците на Мичел славеа со пресврт.
Кристенсен погоди за Барселона во третата, а во четвртата минута изедначи Довбик со својот 17.коло во Примера. Втор пат во историјата на Примера се случива двата тима да постигнат по гол во првите пет минути.
До крајот на полувремето, во 46.минута), Левандовски направи пресврт и Барса со 1:2 замина на одмор.
Второто полувреме мина во знакот на Порту. Крилниот напаѓач на Џирона, во само девет минути ја креираше победата на својот тим. Во 65.минута изедначи на 2:2, потоа у асистираше на Гутиерез, а во 74.минута со својот втор гол стави точка на натпреварот.
Спорт
(Видео) Покер голови на Халанд, Сити го декласира Вулверхемптон
Фудбалерите на Манчестер сити на домашен терен го декласираа Вулверхемптон со 5:1, во 36. коло од англиската Премиер лига.
Блескаше Ерлинг Халанд кој постигна четири гола за домашниот тим (два од пенал). Сакаше да го постигне и петтиот поради што беше видно незадоволен и негодуваше во моментот кога Пеп Гвардиола реши да го замени во 82. минута.
Со оваа победа „Граѓаните“ ја задржаа пол-позицијата во борбата за титулата со Арсенал. На две кола пред крајот тимот од Лондон има бод повеќе, но Сити има меч помалку и доколку ги победи Фулам и Тотенхем на гости, а Вест Хем дома, ќе ја одбрани титулата шампион на Англија без разлика на резултатите на Арсенал, кој ќе гостува кај Манчестер јунајтед и ќе го пречека Евертон во последното коло.
Денеска избраниците на Пеп Гвардиола ја завршија работата во првото полувреме кое го одиграа во прилично лесен ритам и го решија во своја корист со 3:0, благодарение на хет-трикот на Ерлинг Халанд.
Во вториот дел Хванг намали на 3:1, но Халанд само 60 секунди подоцна му ја врати на Сити преднста од три гола. До крајот замената на Халанд, Хулијан Алварез во 84.минута го постави конечниот резултат.