Македонија
(Видео) Арсовски: ВМРО-ДПМНЕ укажуваше дека СЈО е инструмент на власта за уцени и политички пазарења
Портпаролот на ВМРО-ДПМНЕ, Димче Арсовски, изјави дека кредибилитетот на специјалното јавно обвинителство во моментот, но и претходно, бил никаков и на најниско ниво. Според Арсовски, ВМРО-ДПМНЕ и сите други независни експерти и аналитичари укажувале дека СЈО е само еден инструмент на СДСМ и на власта да може да се вршат уцени и да се прават политички пазари со одредени политичари или да се изнудува одредена корист од одредени бизнисмени и јавни личности.
„Со она што се случи вчера само се потврди дека интегритетот на СЈО и на Катица Јанева, која неспорно е дека отсекогаш била блиска со СДСМ и со Зоран Заев, е никаков и тоа е она што со години го следи специјалното јавно обвинителство бидејќи таму не владееше, односно не се спроведуваше неселективна правда, туку, напротив, се спроведуваше селективна правда и еве, како што гледаме, не само што се спроведуваше селективна правда, туку тоа било едно дувло каде што со сите оние снимки, со сите оние прислушувани разговори, кои, едноставно, можеа да се купат на тезги на пазари, што беа расфрлани од Зоран Заев, се покажа дека биле користени за рекет, за уцени, за изнуда од одредени луѓе. Сето она што го работеше СЈО во моментот паѓа во вода“, изјави Арсовски.
Во однос на прашањето дали ВМРО-ДПМНЕ ќе учествува на лидерската средба што ја свика претседателот на Владата, Зоран Заев, Арсовски рече дека нивниот став останува непроменет. Тие бараат на лидерската да се разговара за предвремени избори.
„Нашиот став во однос на лидерската средба е непроменет од однос на вчера. Ние, како што рековме на лидерската средба, прво и основно, треба да се разговара за предвремени парламентарни избори, а потоа за сè друго по таа точка. Ние веќе еднаш инициравме да се сретнат лидерите за ЕУ-агендата, за реформите во Република Македонија, меѓутоа тогаш Зоран Заев едноставно не сакаше и избега. И она вчерашно апсење што се случи е само политички циркус сè со цел да се покријат сите оние огромни скандали што изминатиов период ја нагрнаа власта, односно директно го нагрнаа Зоран Заев, за кој, како што реков, отвораме сериозен сомнеж дека тој е можеби и врвот на целата пирамида“, истакна Арсовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Каевски од голтар до милионер, фатен како прави милионски проневери како директор на Агенцијата за млади и спорт, велат од ВМРО-ДПМНЕ
Каевски од голтар до милионер, фатен како прави милионски проневери како директор на Агенцијата за млади и спорт, велат од ВМРО-ДПМНЕ.
„Дарко Каевски како директор на Агенцијата за млади и спорт заобиколувајќи ги законските процедури извршил распределба на пари преку така наречените ваучери до клубови и федерации, кои одредена фирма ги реализирала под услов дел од парите да ги добие назад преку даночно ослободување“, дополнуваат од ВМРО-ДПМНЕ.
Според нив, Каевски е фатен на дело, и веќе на сите им е јасно зошто излегувал и ширел лаги и манипулации во јавноста.
„Тоа се кадрите на СДС, како Дарко Каевски, вмешани во криминал и корупција. Време е Македонија да се ослободи од криминалците како Каевски. Време е да ја вратиме Македонија на народот. Македонија повторно твоја“, завршуваат од ВМРО-ДПМНЕ.
Македонија
Нестабилно време со пороен дожд, грмежи и ветер
Времето ќе биде променливо облачно, од пладневните часови на повеќе места нестабилно со пороен дожд и грмежи, локално во форма на краткотрајно невреме со засилен ветер и услови за изолирана појава на град. Услови за пороен дожд ќе има во текот на ноќта, соопшти УХМР.
Минималната температура ќе биде во интервал од 6 до 12, а максималната ќе достигне од 18 до 25 Целзиусови степени.
Во Скопје ќе биде променливо облачно. Од пладневните часови во делови од котлината ќе биде нестабилно со пороен дожд, грмежи, засилен ветер и услови за изолирана појава на краткотрајно невреме. Минималната температура ќе се спушти до 12, а максималната ќе достигне до 23 степени.
Следува период на променливо облачно време со повремени локални врнежи од дожд. Утре, во ноќта кон петок и во петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град. Дневната температура од утре до сабота ќе биде во постепено опаѓање, а во недела ќе се покачи за 2 до 4 степени.
Скопје
Без струја дел од корисниците на Волково и Кучково
Дел од корисниците на Волково и Кучково во Општина Ѓорче Петров од 7 до 16 часот ќе немаат електрична енергија.
Како што информира Регионалниот центар за управување со кризи на Град Скопје, по добиеното известување од ЕВН, прекинот на струја е поради технички зафати во електродистрибутивната мрежа.