Регион
Љубљана најавува исти мерки како Виена за контрола на границите и имигрантите
Доколку Австрија и Германија го ограничат примањето на имигрантите, истите чекори веднаш ќе ги преземе и Словенија, гласи пораката на словенечката влада на најавата на австрискиот канцелар Вернер Фајман за привремено суспендирање на шенгенскиот визен режим на минување без контрола на документите на границите со соседните држави.
„Австрија во согласност со шенгенските правила може да воведе контрола на своите граници со оцена дека настанатите околности тоа го наложуваат поради безбедносната состојба во земјата, но таквата мерка е потребно да им се најави на сите држави членки и на Европската комисија“, се наведува во изјавата на словенечката влада која во неделата ја објави нејзината служба за односи со јавноста.
Словенечката влада наведен во врска со изјавата на австрискиот канцелар Вернер Фајман за весникот Oestereich, дека потегот на Австрија не е изненадување, но дека Виена би требало на Европската комисија ѝ објасни зошто воведува мерки на привремено суспендирање на Шенгенскиот договор и до кога тоа ќе трае.
Доколку Австрија одлучи повторно да воведе контроли при преминување на границите за земјите членки на Европската унија и Шенген, тогаш исти мерки за контрола на границата и регулирање на приливот бегалци, веднаш ќе ги примени и Словенија, предупредува тамошната влада.
Во соопштението се наведува дека Словенија активно соработува во барањето решение за европската миграциска криза и сака заеднички договор на европско ниво, но и оти ќе преземе „решителни и доследни мерки“ доколку постои загрозување на нејзините национални интереси и доколку другите земји еднострано дејствуваат.
Австрискиот канцелар Фејман за електронското издание на дневниот весник Oestereich од неделата предупреди дека Австрија во иднина во земјата ќе ги пушта само оние имигранти за коишто ќе оцени дека може да добијат азил во Австрија, како и оние кои имаат намера да бараат азил во Германија, но не и оние на кои крајна дестинација им е некоја друга европска земја.
Фајман додаде дека поради досегашниот неуспех во одбраната на надворешните граници на ЕУ и целиот шенгенски режим е доведен во прашање, бидејќи членките на Шенгенскиот договор мораа самите да почнат да ги штитат сопствените национални граници.
Според извори од австриското министерство за надворешни работи кои ги петокот ги цитираше словенечката новинска агенција STA, новиот построг режим и контролата на сите патници на граничните премини со соседните држави Австрија би започнала да го применува од крајот на следната седмица, иако во тек е нејзината иницијатива за усогласување на построгата контрола на приливот на бегалци заедно со Словенија и Германија во кои би се вклучила и Хрватска, за постепени да се сопре приливот на имигранти по ткн балканска рута./крај/мф/сн
Извор: STA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Избрана е новата Влада на Србија
Собранието на Србија со 152 гласа ја изгласа новата Влада на премиерот Милош Вучевиќ. Два дена траеше расправата за составот на Владата и нејзиниот план за работа, при што опозицијата го оспори кредибилитетот на Вучевиќ, посочувајќи дека, како и досега, за секоја одлука ќе биде прашан претседателот на државата Александар Вучиќ.
Новата Влада на Србија брои 31 член, од кои една третина се нови имиња во споредба со претходната Влада на чело со Ана Брнабиќ.
Премиерот Вучевиќ претходно изјави дека длабоко верува во историскиот договор меѓу Србите и Бошњаците и рече дека сака добри односи и со Хрватите. Истовремено, тој рече дека нема да ги гради овие односи на штета на сопствените интереси и дека Србија нема да се откаже од традиционалните пријатели.
Посебно внимание предизвикаа двајцата министри кои се под санкции на САД: Александар Вулин ќе биде вицепремиер, а Ненад Поповиќ ќе биде министер без ресор.
Регион
Договорен текстoт на резолуцијата за Сребреница
Предлогот за резолуција за комеморација на геноцид врз Бошњаците од Сребреница, извршен во јули 1995 година, е договорен, а за него треба да се расправа на седницата на Генералното собрание на Обединетите нации, потврди амбасадорот на БиХ во ОН, Златко Лагумџија.
Лагумџија на социјалната мрежа „Икс“ објави дека процесот на усогласување на резолуцијата, чии формални предлагачи се Германија и Руанда, е завршен и испратен до претседателот на Генералното собрание на ОН, Денис Френсис, па нејзиниот текст ќе биде претставен до земјите членки. на светската организација, од која се очекува поддршка.
Резолуцијата повикува да се воспостави 11 јули како меѓународен ден на сеќавање на жртвите на геноцидот во Сребреница, уште еднаш се осудуваат сите дејствија со кои се величат сторителите на воени злосторства, злосторства против човештвото и геноцид утврдени со пресудите на меѓународните судови. Ја нагласува важноста од завршување на потрагата по останките на преостанатите жртви кои досега не се пронајдени и повикува на продолжување на гонењето на сторителите на геноцидот кои се уште се на слобода.
Резолуцијата има намера да ги повика сите држави целосно да ги почитуваат своите обврски од Конвенцијата за спречување и казнување на злосторството геноцид, да го почитуваат меѓународното обичајно право за спречување и казнување на геноцид и да ги почитуваат релевантните одлуки на Меѓународниот суд на Правдата (МСП).
Од генералниот секретар на ОН се бара да воспостави информативна програма наречена „Геноцид во Сребреница и Обединетите нации“, која треба да се спроведе пред следната година, кога се одбележува 30-годишнината од тоа злосторство.
Сите земји-членки на ОН, како и невладините организации и граѓанското општество, предлагачи на резолуцијата истовремено повикуваат на соодветни активности за комеморација и чест на жртвите на геноцидот во Сребреница во 1995 година.
Македонија е коспонзор на оваа резолуција.
Српскиот претседател Александар Вучиќ и лидерот на босанските Срби Милорад Додик инсистираат дека оваа резолуција е обид да се наметне колективна вина врз српскиот народ.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.