Најмалку 16 луѓе ги загубија животите, меѓу кои и полицаец, 40 се ранети а над 150 се приведени во судирите во неделата во Египет, на денот 25-ти јануари на кој се одбележува почетокот на народната револуција со која во 2011 година беше соборен од власта деценискиот авторитарен претседател Хосни Мубарак.
 

Најмалку 16 луѓе ги загубија животите, меѓу кои и полицаец, 40 се ранети а над 150 се приведени во судирите во неделата во Египет, на денот 25-ти јануари на кој се одбележува почетокот на народната револуција со која во 2011 година беше соборен од власта деценискиот авторитарен претседател Хосни Мубарак.

Десет луѓе загинале, меѓу кои и полициски службеник, во северното каирско предградие Матарија, каде што биле најжестоки судирите меѓу приврзаниците на во 2013-та година отстранетиот исламистички претседател Мохамед Морси и полицијата, пишува електронското издание на каирскиот дневен весник Al Ahram. Се додава дека поголемите судири во Каиро биле спречени, освен во Матарија, која се смета за упориште на забранетото исламистичко движење Муслиманско братство, кое минатата година беше прогласено за терористичка организација.

Според египетското министерство за внатрешни работи, исламистите во повеќе наврати од огнено оружје стрелале врз полицајците и цивили, што ги принудило безбедносните сили да отворат оган во самоодбрана.

Уште едно лице загинало во Каиро, а други две во Гиза во подметнат пожар во седиштето на локалната администрација на областа Харам. Едно лице, според министерството за здравство било донесено мртво во болница во крајбрежната метропола Александрија. Според министерството за внатрешни работи, станува збор за „вооружен припадник на Муслиманското братство кој бил смртно застрелан од полициски службеник“ откако на митингот на Муслиманското братство отворил оган врз други цивили при што било убиено момченце од христијанската коптска заедница и ранети тројца полицајци. Уште две лица биле убиени при обид да предизвикаат експлозија на бомба во Бахара во покраината Делтата на Нил.

Претходно во неделата во соседната на Матарија населба Алеф-Маскан во близина на популарниот спортски клуб била активирана импорвизирана експлозивна направа при што настрадале двајца полициски офицери. Одговорноста за нападот ја презема групата „Агнад Маср„ (Армијата на Египет), којашто првпат се огласи во 2014 година и оттогаш презема одговорност за неколку смртоносни напади.

Египетската полиција соопшти дека досега биле приведени повеќе од 150 агресивни лица, а 12 исламисти биле уапсени кога се обидувале да предизвикаат судир со маса приврзаници на либералните сили собрана на централниот каирски плоштад Тахрир од каде пред четири години започнаа протестите кои го принудија претседателот Хосни Мубарак да се повлече од функцијата.

На Тахрир плоштадот полицијата пукала од сачмарки и со солзавец се обидувала да растера повеќе стотици демонстранти кои извикувале слогани против исламистите како и против новите власт, и сакале да влезат на плоштадот.

Во медиумските извештаи, кои се повикуваат на полициски извори, се предупредува дека споменатите бројки би можело да бидат и поголеми по собирањето на сите извештаи. Само во текот на изминатиот ден биле неутрализирани 20 експлозивни направи, се фодава/крај/мф/сн.

Извор: Al Ahram