Свет
Иран вети дека ќе собори и друг американски дрон ако повторно му биде повреден воздушниот простор
Иранскиот претседател Хасан Рохани изјави денеска дека ако друго американски беспилотно летало ги нару[и границите на Исламската република, ќе биде веднаш уништено, пренесува „Спутник“.
Американската војска претходно тврдеше дека еден американски воен брод во Ормускиот Проток уништил ирански беспилотни летала откако се нашол во нивниот „опасен опсег”. Иранската војска го негираше тоа, наведувајќи дека дронот безбедно се вратил во својата воздухопловна база.
Веста доаѓа како реакција на уништувањето на американското беспилотно летало во јуни од страна на ИРГЦ. Американскиот претседател Доналд Трамп изјави дека по инцидентот американските сили планирале одмазднички напад против Иран, но тој го запрел тоа 10 минути пред почетокот на операцијата. Тој, исто така, истакна дека Техеран не бара ескалација на тензиите, но дека ќе го одржи редот во регионот.
„Нема никому да дозволиме да предизвика неред во Персискиот Залив и во Ормускиот Проток, но сепак не бараме ескалација и воена конфронтација”, рече Рохани.
Иранскиот претседател истакна дека Ормускиот Проток не е платформа за играње со меѓународните регулативи и посочи дека Техеран е подготвен за преговори, но не и за предавање.
„Сè додека ја имам одговорноста за извршните обврски на земјата, целосно сме подготвени за праведни, правни и чесни преговори за решавање на проблемите. Но, во исто време, не сме подготвени да седнеме на масата на предавањето за наводни преговори”, рече Рохани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пет земји ќе добијат повеќе од една милијарда евра помош од ЕУ за санација на последиците од поплавите
Европскиот парламент (ЕП) денеска одобри помош во износ од над една милијарда евра за санација на последиците од катастрофалните поплави што ги погодија Италија, Словенија, Австрија, Грција и Франција во 2023 година.
Средствата се доделени од Фондот за солидарност на ЕУ, а пакетот помош е одобрен со 632 гласа „за“, седум гласа против и три воздржани, се наведува на веб-страницата на ЕП.
Европратениците велат дека помошта од ЕУ треба да се прошири со оглед на зголемениот број природни катастрофи во Европа.
Свет
Орбан: Ако победи Трамп, ќе отворам неколку шишиња шампањ
Унгарскиот премиер Виктор Орбан изјави дека ќе отвори „неколку шишиња шампањ“ доколку Доналд Трамп се врати во Белата куќа.
Орбан треба да биде домаќин на колегите лидери на ЕУ на самитот во Будимпешта неколку дена по претседателските избори во САД на 5 ноември.
„Ќе отвориме неколку шишиња шампањ ако Трамп се врати“, рече Орбан, опишувајќи го самитот на ЕУ во ноември како момент за „блокот да се собере за да се обиде да најде заеднички глас“.
Орбан рече дека Трамп, доколку биде избран за претседател, нема да чека до неговата инаугурација, туку веднаш ќе дејствува „за да се воспостави мир“ меѓу Украина и Русија „за како европски лидери да немаме што да изгубиме“.
„Прво треба да реагираме интелектуално, филозофски, а потоа и стратешки“, рече тој.
Трамп постојано тврдеше дека може да донесе мир во Украина „многу брзо“, без да понуди никакви детали за тоа како би можело да се постигне трајно решение.
Ставовите на Орбан за руската инвазија многу ги отсликуваат ставовите на Трамп, кој беше обвинет од потпретседателката на САД и кандидат за претседател на Демократската партија Камала Харис дека ги повторува идеите на Владимир Путин, пишува Гардијан.
Свет
Имран Кан обвинет за убиство на полицаец за време на насилните протести на неговите приврзаници
Пакистанската полиција го обвини затворениот поранешен премиер на земјата Имран Кан за обид за убиство поради смртта на полицаец за време на насилните протести на неговите приврзаници минатиот викенд, соопштија денеска официјални лица.
Официјални лица рекоа дека Кан, кој е во затвор од 2023 година, е обвинет за поттикнување луѓе на насилство.
Полицијата соопшти дека Кан, кој ги повикал своите следбеници да се соберат во негово име и да побараат негово ослободување од затвор, наводно ги поттикнал своите поддржувачи, што довело до убиство на полицаец, пренесе АП.