Спорт
Атлетико побарале да биде суспендирана лиценцата на Гризман
Требаше време за трансферот на Антоан Гризман од Атлетико во Барселона да биде реализиран, но како што стојат работите тој ќе биде уште некое време актуелен. Атлетико тврдат дека има неправилности во трансферот и од Ла Лига побарале на фудбалерот да му биде одземена лиценцата се додека Барселона не плати уште 80 милиони евра.
Потсетување како се одвиваше трансферот на Антоан Гризман.
Барселона ја активира откупната клаузула за фудбалерот од 120 милиони евра, меѓутоа од Атлетико тврдат дека треба да добијат повеќе пари. Тие ја бараат 200 милиони евра бидејќи биле сигурни дека Барселона и Гризман се договориле околу трансферот пред 1 јули, кога откупната клаузула била за 80 милиони поголема од оние 120 милиони евра што ги платиле Каталонците.
Значи спорен е периодот кога бил постигнат договорот помеѓу фудбалерот и клубот од „Ноу Камп“.
„Сумата што е уплатена не е доволна за да се плати неговата клаузула. Очигледно е дека договорот помеѓу нив е постигнат многу порано, кога според неговиот договор клаузулата во договорот му беше 200 милиони евра. Атлетико смета дека со тоа е прекршен договорот. Кога ќе се погледнат сите факти и изјавите на фудбалерот јасно е дека моравме да покренеме процедура за да ги заштитиме своите интереси“, соопштија од Атлетико.
Претседателот на клубот Енрике Сересо тврди дека поседуваат докази дека Барселона и Гризман постигнале договор уште во март оваа година и поради тоа ќе бара Каталонците да ја исплатат целата сума од обесштетувањето.
„Ако ова јавно го кажуваме значи дека поседуваме докази. Доколку се докаже дека сме во право ќе ги бараме парите што ни припаѓаат. Можам само да кажам дека сум разочаран од Гризман. Сакаше да замине, а тоа ни го кажа во последен момент. Тој е одличен фудбалер, тука нема никаква дилема. Барса доби одлично засилување, а времето ќе покаже дали го направи вистинскиот потег“, рекол Сересо.
По сите жалби од Атлетико челниците на Ла Лига решиле да покренат постапка и да ги разгледаат сите докази што ќе им ги достават од Атлетико.
Челниците на „јорганџиите“ побарале од Ла Лига да му ја одземат лиценцата на Гризман, а доколку тоа и се случи тој нема да може да настапува за Барселона се додека Каталонците не ја исплатат целтата сума.
„Кај нас стигна жалбата на Атлетико. Во наредните денови ќе има разрешница на оваа ситуација“, порачал првиот човек на Ла Лига, Хавиер Тебас.
Конечната одлука ќе ја донесе Комисијата за лиценцирање. Тие ќе ги разгледаат добиените докази и потоа ќе решат дали постои основ за тужба и дали Гризман може да биде лиценциран како играч на Барселона.
Атлетико очигледно немаат намера да се откажат од 80 милиони евра и по секоја цена ќе се обидат да го наплатат целиот трансфер од вкупно 200 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.
Спорт
Јунајтед три недели ќе биде без Мегваер
Фудбалерот на Манчестер Јунајтед, Хари Мегваер ќе отсуствува три недели поради повреда на мускулот.
Мегваер се повреди на тренинг, има шанса да игра во финалето на ФА Купот, а како што денеска објави „Скај Спортс“, се очекува да биде подготвен за Европското првенство.
Финалето на ФА Купот меѓу бранителот на титулата Манчестер Сити и Манчестер Јунајтед ќе се одигра на 25 мај во Лондон.
Европското првенство е закажано од 14 јуни до 14 јули во Германија.
Тренерот на Јунајтед, Ерик тен Хаг има големи проблеми во последната линија на тимот, бидејќи се повредени Рафаел Варан, Лисандро Мартинес и Виктор Линделоф.
Дефанзивецот Џони Еванс се врати на тренинзите но неизвесно е дали ќе биде во составот за натпреварот вечерашниот напревар Кристал Палас.
Спорт
Тони Надал: Рафа живеe нормално, а Ѓоковиќ е најдобар во историјата затоа што не живее нормален живот
Тони Надал, поранешниот тренер на Рафаел Надал, крена голема прашина со изјави за трката за најдобриот тенисер на сите времиња. Најчесто вујкото на Надал ги омаловажува успесите на Новак Ѓоковиќ.
Искусниот стручњак, кој ја прекина соработката со Надал во 2017 година, изјави дека Новак Ѓоковиќ постигнал се што имал, пред се затоа што за разлика од неговите ривали „не живее нормален живот“.
„Мислам дека Новак Ѓоковиќ беше мотивиран од желбата да напише приказна, да стане најдобар играч во историјата, додека Рафа, од друга страна, секогаш живеел сосема нормален живот. Рафа игра тенис, но живее нормално, јаде, игра фудбал и се занимава со други активности Се сеќавам на еден тренинг кога неговиот менаџер ни кажа дека Рафа не е професионален, а мојот одговор беше дека не ни сакам да биде, туку дека е доволно што дава се од себе кога е на теренот и дека во слободното време може да живее како и секој друг маж“, вели Тони.
Според него, Новак бил далеку повеќе фокусиран на деталите, поради што толку долго е во самиот врв на светскиот тенис.
„За разлика од Рафа, Новак е многу внимателен што јаде, како го поминува слободното време и има сосема поинаква визија од Рафа и Роџер. На крајот, сите тројца сакаа да бидат најдобри досега, а најважното нешто во тоа приказната беше колку се спремни да се жртвуваат“, заклучи искусниот тренер.