Свет
Потресно видео: Петгодишно девојче ја спасува сестра си во бомбардирана зграда во Сирија
Сириски новинар објави фотографија на која се гледа како петгодишно девојче ја држи својата седуммесечна сестра за маица обидувајќи се да ја спаси во урнатините кои останале од зградата во која живееле, по бомбардирањето од страна на сириската војска во Идлиб, пренесува Би-би-си.
Таткото на девојчињата се наоѓал на неколку метри од нив.
Башар ал Шеих е новинарот од SY24 кој се нашол на самото место. Од телевизијата за Би-би-си рекле дека Башар прво не можел да види ништо од прашината која се кренала, само слушнал лелекање на маж и детски плач. Кога видел што е случува притрчал и тој да помогне.
5-year-old Syrian girl dies trying to save her baby sisters from the rubble of their bombed home. pic.twitter.com/TZWAnnTG1X
— Al Jazeera English (@AJEnglish) July 25, 2019
Двете сестри, постарата Рихам и помладата Тука, биле пренесени во болница каде Рихам починала од здобиените повреди. Бебето се наоѓа на инензивна нега. Во бомбардирањето загинала и нивната мајка.
Во северозападна Сирија во изминатите 10 дена биле убиени повеќе од 100 луѓе, меѓу кои и 26 деца, во воздушните напади врз болници, училишта, пазари и пекари, соопшти шефицата за човекови права во ОН, Мишел Бачелет.
Таа за нападите во подрачјата кои се под контрола на бунтовниците ја обвини владата и нејзините сојузници.
„Нападите се случиле со очигледна меѓународна рамнодушност. Тоа се цивилни мети и не е баш веројатно дека сите се погодени случајно со оглед на тоа дека постои доследен образец во таквите напади“, рекла таа.
Сирија и нејзиниот сојузник Русија негираа дека воздушните напади врз цивили во регионот Идлиб се таргетирани, објави Би-би-си.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Блинкен им порача на Израел и Хамас дека е време за прекин на огнот
Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа.
Ова е седма посета на Блинкен од почетокот на војната меѓу Израел и Хамас – палестинска група прогласена за терористичка организација од страна на САД и Европската Унија уште од октомври.
Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници.
Свет
Француските експерти препорачуваат децата да не користат паметни телефони пред да наполнат 13 години
На децата не треба да им се дозволува да користат паметни телефони пред да наполнат 13 години и треба да им се забрани користењето на конвенционалните социјални медиуми како ТикТок, Инстаграм и Снепчет до 18 години, се вели во експертскиот извештај нарачан од францускиот претседател Емануел Макрон.
Макрон побарал експертите да предложат упатства за употреба на паметни телефони кај детската популација.
Тој сака да преземат решителни чекори за да ја ограничат нивната изложеност на негативното влијание на оваа технологија, пренесува лондонски Гардијан.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.