Свет
Повеќе од 1.000 евакуирани во поплавите во регионот Иркутск

Спасувачките екипи евакуираа повеќе од 1.000 лица во рускиот регион Иркутск поради новиот бран поплави, објави регионалната канцеларија на руското Министерство за вонредни состојби, пренесува ТАСС.
„Вкупно 1.076 лица се евакуирани, вклучително и 615 деца. 41 лице, меѓу кои и осум деца, во моментот престојуваат во објекти за привремено сместување“, се вели во соопштението.
Според регионалниот оддел за метеорологија и мониторинг на животната средина, се очекуваат обилни врнежи на југ од регионот, каде што нивото на реките ќе продолжи да расте.
Поплавата кон крајот на јуни го погоди регионот Иркутск, што опфаќа речиси 10.900 дома со население од 42.700 луѓе и 11.000 домаќинства, како и 86 социјални објекти, 49 сегменти на патиштата. Според најновите податоци, во поплавите загинале 25 лица, а седум сè уште се водат за исчезнати. Градот Тулун претрпе најголема штета.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.