Свет
Рохани се надева дека Борис Џонсон ќе ги олесни тензиите со Иран
Упатеноста на новиот британски премиер, Борис Џонсон, во проблемот со Иран, ќе помогне за подобрување на односите меѓу Исламската Република и Велика Британија, изјави во неделата иранскиот претседател Хасан Рохани, пренесува „Брејтбарт“.
Во пораката објавена на официјалната веб-страница на иранското претседателство Рохани му го честита назначувањето на Џонсон и ги истакна своите надежи за подобри односи во иднина.
„Во името на бога, ваша екселенцијо, г. Борис Џонсон, премиер на Обединетото Кралство на Велика Британија и Северна Ирска, би сакал да ѝ честитам на вашата екселенција за изборот за премиер.
Се надевам дека упатеноста на вашата екселенција во односите меѓу Иран и Обединетото Кралство и вашата единствена посета на Техеран во голема мера ќе придонесат за отстранување на постојните пречки на патот на развојот на односите меѓу двете земји и дека ќе бидеме сведоци на понатамошно продлабочување на билатералните и мултилатералните односи за време на вашиот мандат како премиер“.
Тензиите меѓу Лондон и Техеран се зголемени кога иранските командоси го зазедоа нафтениот танкер „Стена имперо“ во теснината Ормуз на 19 јули, две недели откако маринците на британската кралска морнарица заробија ирански танкер за нафта во близина на Гибралтар обвинувајќи го за кршење на санкциите за Сирија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Едно лице е тешко повредено во експлозија во зграда во Турција
Едно лице е тешко повредено во експлозија во станбена зграда во турскиот град Текирдаг, во северозападна Турција.
Засега не е познато што ја предизвикало експлозијата во станот на последниот кат од петкатницата, а како што неофицијално дознава телевизијата ТРТ, најверојатно е дека експлодирала плинска боца.
Од силината на експлозијата оштетени се ѕидовите во станот, а искршени се прозорците.
Регион
Данка денес ќе правеше две години: тажната судбина на девојчето за кое плачеше цел регион
Малата Данка Илиќ, денеска, 6 мај, ќе наполнеше две години.
Пред точно 40 дена исчезна Данка.
Тогаш за прв пат се активираше системот „Најди ме“ и започна потрагата. Покрај полицијата се вклучија и луѓе, па веќе првата вечер по девојчето трагаа повеќе од 100 луѓе. По неа трагаа жителите на Бањско поле, соседи, пријатели, противпожарна единица, како и припадници на Планинарската спасувачка служба и полицијата. Кучиња трагачи беа на пат, беспилотни летала летаа над теренот, вклучени беа хеликоптери, а теренот беше дури и прегледан со термални камери.
Мештаните тој ден рекоа дека околу куќата на Илиќ имало неколку дупки длабоки меѓу еден и два метри и дека се наполниле со подземна вода. Сите беа загрижени дека девојчето залутало и паднало со едно од нив.
Единиците на полицијата во раните утрински часови го пребараа теренот, а потрагата се уште беше отежната поради силниот дожд.
Неколку дена подоцна беше откриено дека Данка Илиќ е убиена. Осомничени за делото се Срѓан Јанковиќ (50) од село Лука и Дејан Драгијевиќ (50) од Злот, работници на Бор „Водовод“ кои се уште не ја откриваат локацијата на која го пренеле телото на девојчето од дивината. Во притвор е и таткото на Драгијевиќ, Радослав (73), осомничен дека му помагал на синот да го премести телото на девојчето. Под истрага бил и најмладиот Драгијевиќ – Далибор (40). Но, тој почина на 7 април во притвор на полицијата на Бор.
Свет
Путин издаде наредба: Вооружените сили на Русија ќе вежбаат употреба на нуклеарно оружје
Владимир Путин му наредил на Генералштабот да се подготви за вежби за употреба на нестратешко нуклеарно оружје, соопшти Министерството за одбрана на Русија.
„Со цел да се зголеми подготвеноста на нестратешките нуклеарни сили за извршување на борбени задачи, Генералштабот започна со подготовки за одржување вежби со ракетните формации на Јужниот воен округ“, се наведува во соопштението.
Како што се посочува, маневрите ќе се одржат во блиска иднина и ќе ги опфатат и авијацијата и морнарицата.
„Целта на вежбата е да се одржи подготвеноста на персоналот и опремата на единиците за борбена употреба на нестратегиско нуклеарно оружје за одговор и обезбедување на територијалниот интегритет и суверенитет на државата“, наведуваат од Министерството.
Тие додаваат и дека тоа е „одговор на провокативните изјави и заканите на одредени западни функционери“ против Русија.