Свет
Хонгконг поведе обвиненија против демонстрантите
Повеќе од 20 демонстранти во Хонгконг се обвинети за предизвикување немири, што е најсериозно обвинување откако минатиот месец почнаа масовните демонстрации против контроверзниот закон за екстрадиција на осомничени во Кина, каде што демонстрантите велат дека сигурно ќе биде заобиколено фер судењето.
За појаснување, Хонконг е поранешна британска колонија, која денес има статус на специјален кинески административен регион.
Пред зградата на судот обвинетите беа поздравени од други демонстранти кои викаа во знак на поддршка.
Полицијата синоќа соопшти дека 44 лица се обвинети за предизвикување немири и дека едно лице е обвинето за поседување оружје.
Според полицијата, обвинетите поставувале блокади на патиштата, кршеле огради и сообраќајни знаци и ги нападнале полицајците со тули и метални преачки, пренесе агенцијата АП.
Само 23 обвинети лица се појавија денес пред судот и се ослободени со кауција, а изрекувањето на казната е закажанo за 25 септември.
Тие беа уапсени за време на неодобрениот протест во неделата кога полицијата употреби солзавец и гумени куршуми за да ги растера демонстрантите што ги блокираа улиците со сообраќајни знаци и чадори.
Иако лидерката на Хонгконг, Кери Лам, призна дека работата на владата на законот за екстрадиција е комплетен неуспех, целиот случај предизвика голема политичка криза, а протестите во оваа поранешна британска колонија прераснаа во демонстрација на општо незадоволство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најголемата компанија за вода во САД погодена од сајбер напад
Најголемата компанија за вода во САД, American Water, денеска откри дека неодамна била погодена од сајбер напад и дека поради тоа го затворила својот портал за услуги на клиентите.
Компанијата со седиште во Камден, Њу Џерси, на својата веб-страница соопшти дека минатиот четврток станала свесна за „неовластена активност во нејзините компјутерски мрежи и системи“, за која утврдила дека е „резултат на инцидент со сајбер безбедноста“, објави CNN (CNBC).
Компанијата, исто така, рече дека нема да наплатува никакви задоцнети такси или други такси додека системот не работи.
Свет
Пет земји ќе добијат повеќе од една милијарда евра помош од ЕУ за санација на последиците од поплавите
Европскиот парламент (ЕП) денеска одобри помош во износ од над една милијарда евра за санација на последиците од катастрофалните поплави што ги погодија Италија, Словенија, Австрија, Грција и Франција во 2023 година.
Средствата се доделени од Фондот за солидарност на ЕУ, а пакетот помош е одобрен со 632 гласа „за“, седум гласа против и три воздржани, се наведува на веб-страницата на ЕП.
Европратениците велат дека помошта од ЕУ треба да се прошири со оглед на зголемениот број природни катастрофи во Европа.
Свет
Орбан: Ако победи Трамп, ќе отворам неколку шишиња шампањ
Унгарскиот премиер Виктор Орбан изјави дека ќе отвори „неколку шишиња шампањ“ доколку Доналд Трамп се врати во Белата куќа.
Орбан треба да биде домаќин на колегите лидери на ЕУ на самитот во Будимпешта неколку дена по претседателските избори во САД на 5 ноември.
„Ќе отвориме неколку шишиња шампањ ако Трамп се врати“, рече Орбан, опишувајќи го самитот на ЕУ во ноември како момент за „блокот да се собере за да се обиде да најде заеднички глас“.
Орбан рече дека Трамп, доколку биде избран за претседател, нема да чека до неговата инаугурација, туку веднаш ќе дејствува „за да се воспостави мир“ меѓу Украина и Русија „за како европски лидери да немаме што да изгубиме“.
„Прво треба да реагираме интелектуално, филозофски, а потоа и стратешки“, рече тој.
Трамп постојано тврдеше дека може да донесе мир во Украина „многу брзо“, без да понуди никакви детали за тоа како би можело да се постигне трајно решение.
Ставовите на Орбан за руската инвазија многу ги отсликуваат ставовите на Трамп, кој беше обвинет од потпретседателката на САД и кандидат за претседател на Демократската партија Камала Харис дека ги повторува идеите на Владимир Путин, пишува Гардијан.