Спорт
„Ако биде како Федерер на 37 години, Новак ќе биде најдобриот на сите времиња“

Поранешниот тенисер, специјалист за дубл, Патрик Мекинро е уште еден од низата стручњаци што ја коментирала борбата за најдобриот на сите времиња.
Јавноста не може да се реши кој од тројцата (Федерер, Надал, Ѓоковиќ) може да го однесе приматот. Се согласуваат во едно дека ерата во која играат и доминираа овие тројца е најдобра во историјата на тенисот.
Федерер е миленик на фановите насекаде низ светот и има најмногу гренд-слем титули (20), Надал е втор со 18, а Ѓоковиќ трет со 16. Статистиката покажува и дека Федерер има најслаб скор со овие двајца, додека Ѓоковиќ има подобар меѓусебен скор и од Федерер и од Надал.
„Федерер има 38 години, а игра на толку високо ниво и со таков интензитет четири и пол часа. Тоа е неверојатно. Доколку Ѓоковиќ биде способен да направи нешто такво за пет години тогаш тој ќе биде најдобриот на сите времиња, бидејќи ќе освои најмногу гренд-слем титули. Неговата способност да остане мирен кога се игра тај-брејк е сјајна“, рекол Патрик Мекинро.
Ѓоковиќ во моментов се наоѓа во Марбља каде се подготвува за мастерсот во Синсинати. Тој и Федерер нема да играат на Роџерс купот во Монтреал, каде прв носител ќе биде Надал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Милнер подготвен да го сруши рекордот на Премиер лигата

Фудбалерот на Брајтон, Џејмс Милнер, го продолжи договорот со клубот за уште една година, објави англискиот тим.
Милнер, кој ќе наполни 40 години во јануари, игра во Брајтон од 2023 година. Тој одигра вкупно 24 натпревари за тимот, но минатата сезона настапи на само четири настапи поради повреда.
Милнер, кога ќе наполни 40 години на 4 јануари ќе им се придружи на Теди Шерингам, Рајан Гигс, Кевин Филипс и Гордон Страхан. Тој би можел да ја заврши сезоната како трет најстар играч во Премиер лигата, бидејќи ќе има 40 години и 140 дена на 24 мај. Во тој случај, само Шерингам и Гигс би биле пред него.
Овој играч од средниот ред ја започна својата кариера во Лидс, а потоа играше за Њукасл, Астон Вила, Манчестер сити и Ливерпул.
Досега во кариерата има одиграно 638 натпревари во Премиер лигата, а само рекордерот Гарет Бери (653) има повеќе настапи од него.
Во кариерата Милнер има учинок од 55 гола и 86 асистенции.
Спорт
Погба доби понуда од соништата

Пол Погба доби шанса да се врати на големата сцена.
Полни две години откако го одигра својот последен професионален натпревар, а потоа исчезна поради суспензија поради допинг, Французинот има понуда од Монако, кој го сака во своите редови.
Водечкиот европски трансфер инсајдер Фабрицио Романо објави вечерва дека од Кнежевството е испратена понуда за двегодишна соработка со фудбалерот кој го одигра својот последен натпревар за Јувентус на 14 мај 2023 година.
Доколку прифати и потпише за „кнезовите“, Погба наскоро ќе оди на подготовките, а потоа и на првите натпревари во сезоната 2025/26, која во Лига 1 започнува на 15 август.
Ова значи дека ќе поминат околу 27 месеци помеѓу двата натпревари на фудбалерот кој учествуваше во освојувањето на титулата светски шампион со француската репрезентација во Русија во 2018 година.
Откако се врати во Јувентус од Манчестер Јунајтед во 2022 година, Погба одигра вкупно 12 натпревари во црно-белиот дрес и постигна еден гол. Последната сезона со повеќе од 40 натпревари му беше 2020/21.
Спорт
Проштално писмо на Стефан Ристовски: „Ќе дишам со Динамо“

По четири и пол години, македонскиот дефанзивец Стефан Ристовски (33) ја заврши кариерата во Динамо, официјално објави клубот на својата интернет страница.
Во Динамо одигра 185 официјални натпревари со седум гола и 21 асистенција. Ако се додадат и пријателските, бројката се искачува на 206 настапи.
За четири и пол години во Максимир освои четири хрватски првенства (2020/21, 2021/22, 2022/23, 2023/24), два Купа на Хрватска (2020/21, 2023/24) и два Суперкупа (2022, 2023). Тој исто така беше член на идеалниот тим на СуперСпорт ХНЛ во три последователни сезони.
Ристовски се прости од Динамо
Секогаш гордо го носеше на теренот дресот на Динамо и на крајот стана еден од кокапитените на тимот, велат во прошталното соопштение од Максимир, посветувајќи му специјално видео на Ристовски. Во тоа видео Ристовски го чита писмото што го напишал до семејството и навивачите на Динамо. „Индекс“ го пренесе во целост:
„Почитувани сини, драги Динамо.
Ви благодарам што ме прифативте мене и моето семејство како свои, со љубов, поддршка, почит и пријателство. Колку убава приказна беше тоа, прекрасна лекција за спортот, емоциите, но и за животот. Ви благодарам за тоа од дното на моето срце.
Во текот на мојата кариера работев напорно, ги почитував и ги бранев нашите бои на и надвор од теренот. Почитувани односи со навивачите, со соиграчите, така ме научија родителите и така ги учам моите деца кои растеа и се радуваа заедно со Динамо.
Освоивме многу трофеи, постигнавме историски успеси и многупати се докажавме во Европа. Ја имав ретката чест и можност да бидам капитен на мојот сакан тим и одиграв преку 180 натпревари за овој голем клуб.
Драги фанови, вие ќе останете засекогаш во моето срце, како и нашите бои, знамиња, шалови. А со нашиот победнички стил, така ме научи со љубовта кон Динамо.
Што да се додаде и да се скрие тагата. Се разделуваме како пријатели, како двајца луѓе кои се сакаат. Засекогаш гордо ќе ги носам нашите бои и секогаш ќе дишам Динамо. Еден цитат ме води во животот – нема предавање. Пред се Динамо.
Благодарам Блу, благодарам Динамо, благодарам Загреб. Благодарам на народот и државата Хрватска. Твојот Рајл те сака“.