Спорт
НФЛ-ѕвездата Антонио Браун објави вознемирувачка фотографија на своите стапала
Ѕвездата на НФЛ, Антонио Браун (31) реши да им покаже на своите фанови зошто е на списокот на повредени и објави фотографија на своите стапала, која потоа ја споделија бројни медиуми во светот.
„Јас ќе бидам фер. Едни од најодвратните стапала што сум ги видел. Посакувам да не го видев ова“ е еден од коментарите на „Твитер“, каде што исто така беше споделена фотографијата.
Nobody needed to see Antonio Brown’s feet pic.twitter.com/HwRx9ZEZSH
— Barstool Sports (@barstoolsports) August 4, 2019
Браун пристигна во Оукланд рајдерс од Питсбург стилерс и потпиша тригодишен договор вреден 73 милиони американски долари. Тој се смета за една од клучните фигури во тимот на тренерот Џон Груден (55). Сепак, по неговото спектакуларно пристигнување, тој тренираше само 30 минути, што покрена многу прашања за неговото присуство на списокот на повредени, па затоа тој реши да објави фотографија на неговите стапала.
„Атлетик“ објави дека Браун посетил лекар минатиот викенд и не очекува премногу долго да биде надвор од терените.
„Сите сме разочарани. Сакам да ја започнам таа забава“, рече Груден.
Браун, кој на „Инстаграм“ го следат повеќе од 3,3 милиони луѓе, фотографијата ја споделил на InstaStory каде што некои на шега го нарекоа Фред Кременко.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Просинечки ги издвои најдобрите од поранешна Југославија, не го спомна Модриќ
Роберт Просинечки (55) пред три месеци стана селектор на црногорската фудбалска репрезентација. Откако ги победи Белорусија и Македонија во првите пријателски натпревари, тој одговараше на прашања за социјалните мрежи на Фудбалскиот сојуз на Црна Гора.
Најинтересен е одговорот на прашањето кое Црногорците го нарекоа ултимативно: Кој е најдобриот екс-ју фудбалер на сите времиња?
„Тешко ми е да го кажам. Знаете, ако кажам Дејо Савиќевиќ, тогаш ќе кажат дека тој е мојот претседател. Имаше многу добри играчи на овие простори, секој од нив обележа еден период. Ги имаше многу, за никој да не се налути или да помисли нешто. Имаше неверојатен број на одлични играчи од генерацијата на Хрватска, а да не зборуваме за играчите кои направија неверојатни кариери, играа во најголемите клубови толку години, па тешко ми е да кажам кој е најдобриот, но еден од нив е Шукер, па Шукер, Бобан потоа Папе Сушиќ. Ова го кажав на брзина. Тоа беа играчите кои го обележаа фудбалот не само во Хрватска туку и во поранешна Југославија.”
Интересно, Просинечки не го ни спомна Лука Модриќ, единствениот добитник на Златна топка од просторот на поранешниот југ и најтрофејниот фудбалер во историјата на Реал.
Спорт
Словенец во рекорден трансфер доаѓа на „Сан Сиро“?
Милан во летниот преоден рок ќе остане без Оливие Жиру. Ветеранот како слободен играч се сели во САД, а клубот ќе мора да најде замена. Тројца играчи се поврзуваат со Милан: Бенјамин Шешко, Џошуа Зиркзе и Серху Гираси, а според медиумите рв пик е репрезентативецот на Словенија.
„Газета дело спорт“ во своето денешно издание пишува дека Шешко има излезна клаузула од 65 милиони евра, која може да се зголеми за дополнителни десет милиони доколку играчот не го напушти клубот во раната фаза од летниот преоден рок.
Овој извор пишува дека ситуацијата во Милан одамна е таква што клубот прво мора да заработи пари од продажба на играчи за да инвестира дел од нив во засилувања, како и дека многу англиски клубови се заинтересирани за Шешеко (20).
Словенецот оваа сезона постигна 16 гола на 40 натпревари.
Доколку трансферот биде реализиран, Милан ќе го урне клупскиот рекорд. Трансфер рекордот го држи Рафа Леао за кого клубот издвои 49 милиони евра.
Спорт
Карагер со порака за Касемиро: Време е за Саудиска Арабија
Манчестер јунајтед „благодарение“, Касемиро, синоќа доживеа тежок пораз на „Селхурст парк“ од Кристал Палас. Бразилецот беше виновен за два од четири гола што ги постигнаа фудабалерите на Кристал Палас.
Англиските и шпанските медиуми, ден по натпреварот пишуваат за срамната партија на Касемиро, кој делуваше изгубено на теренот во улога на стопер. Поранешниот капитен на ливерпул, Џејми Карагер, во улога на стручен коментатаор испрати јасна порака до Бразилецот.
„На полувремето реков дека Тен Хаг треба да го замени. Мислам дека по ова Касемиро како искусен играч треба да знае дека му преостануваат уште три натпревари на ова ниво. Следните два во Премиер лигата и финалето во ФА Купот“, рече Карагер и додаде.
„Знам дека Касемиро постигна толку многу во кариерата, многу повеќе од мене. Но, тој е готов. Да бев негов менаџер, ќе го фатеф телефонот и ќе вртев во Саудиска Арабија или Америка“.
Касемиро беше издриблан осум пати, најмногу од сите играчи во англискиот шампионат оваа сезона.
Карагер за Касемиро изјави дека бил еден од најдобрите играчи од средниот ред во своето време додека играл во Реал, но и дека се има свој крај.
„Кога јас се пензионирав, важеше изреката „остави го фудбалот пред тој да те остави фудбалот“. Фудбалот го напушти, не е на нивото кое го бара Премиер лигата, мислам дека треба да замине“, рече Карагер.
Касемиро во Манчестер јунајтед пристигна рпед две сезони од Реал за 70 милиони евра. Договорот со „црвените ѓаволи“ му истекува за две години.