Спорт
„Гостинска вечер“ во ЛШ, од 5 меча има четири „двојки“ и една „нула“
Вечерва се одиграа пет меча од третото квалификациско коло за пласман во Лигата на шампиони на УЕФА, а убедливо поуспешни беа гостинските екипи. Од петте меча, на четири славеа гостите и се стекнаа со важна предност пред реваншите, а еден од мечевите заврши нерешено.
Во Русија тимот на Краснодар загуби со 0-1 од тимот на Порто. Стрелец на единствениот гол беше Серџо Оливеира од слободен удар во 89 минута од мечот.
Турско-грчкото дерби во Истанбул му припадна на гостинот. Домашниот Башахшехир мининално со 0-1 беше поразен од Олимпијакос. Грчкиот шампион поведе со голот на Масурас во 53 минута. Сепак домаќините имаа можност преку удар од белата точка во 92 минута да стигнат до реми. Непрецизен беше домашниот играч Един Вишка, неговиот удар го одбрани голманот на грчкиот тим, Хозе Са.
Во Швајцарија Базел беше непријатно изненаден на домашен терен од австриски Линц, пораз од 1-2. Гостите во 50 минута поведоа со 0-1 со голот на Транер. Во 82 минута предноста на гостите ја дуплираше Клаус, а гол надеж за во реваншот постигна Зуфи во 87 минута.
Единствениот вечерашен меч на кој немаше победник се одигра во Романија. Домаќинот Клуж ремизираше со шкотски Селтик, 1-1.
Изненадувачки, Клуж поведе со 1-0 во 28 минута со голот на Рондон, но гостите по само 9 минути израмнија на 1-1. Стрелец на голот беше Форест. Со тој резултат заврши мечот, па предноста во реваншот, иако минимална е на страната на фаворитот во двомечот, Селтик.
Во последниот вечерашен меч, екипата на Марибор во Љубљана убедливо беше поразена со 1-3 од норвешки Розенборг.
Гостите поведоа во 50 минута со голот на Содерлунд. Само 14 минути подоцна истиот играч зголеми на 0-2.
Во 70 минута преку Таварез Марибор намали на 1-2, но веќе во следната минута Розенборг преку погоди за конечни 1-3.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Фото) Кирјиос повторно го прозва Синер
Австралискиот тенисер Ник Кирјиос уште еднаш потврди дека не верува во невиноста на Јаник Синер.
Во март Италијанецот двапати беше позитивен на забранетиот клостебол, му беше дозволено да игра, а во август Меѓународната агенција за интегритет во тенис го ослободи од обвиненијата за допинг.
Сепак, во саботата Светската антидопинг агенција (ВАДА) поднесе жалба до Судот за спортска арбитража (CAS) и бара суспензија од 12 до 24 месеци за играчот број еден во светот.
Кирјиос ја сподели веста на социјалните мрежи, со коментар:
„Ха-ха-ха, можеби сепак не е толку невин?
Синер е разочаран од жалбата на ВАДА, а целата ситуација ја коментираше и претседателот на Италијанската тениска асоцијација, Анџело Бинаги.
Не се знае кога CAS ќе ја донесе својата конечна одлука, а се може да потрае уште неколку месеци.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.