Црна хроника
Пријава за скопјанец – преку лажна фактура се стекнал со милион денари
СВР Скопје поднесе кривична пријава против А.Л.(36) од Скопје поради постоење основи на сомнение за сторено кривично дело „фалсификување или уништување на деловни книги“.
Тој како сопственик и управител на „Проелит“ ДООЕЛ Скопје, изготвил лажна фактура во износ од 1.000.000 денари од 20.03.2019 година, за испорачан рекламен материјал на правно лице од Скопје, и покрај тоа што немало деловна соработка помеѓу наведените правни лица. По ова, истиот со закани го принудул С.Б. управител на оштетеното правно лице, да ја потпише таквата фактура, а потоа истата ја доставил до адвокат, кој до нотар поднел предлог за издавање на решение за нотарски платен налог. Откако решението за издавање на нотарски платен налог станало извршно, било доставено до извршител, по што од страна на истиот било реализирано повлекување на паричниот износ наведен во фактурата. На овој начин, скопјанецот овозможил „Проелит“ ДООЕЛ Скопје да се стекне со противправна имотна корист од 1.000.000 денари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж од Прилеп се соблекол пред малолетни девојчиња и ги вознемирувал
Вчера во 16 часот полициски службеници од ОВР Прилеп во Прилеп го лишиле од слобода Т.Д.(49) од Прилеп, по пријава од 45-годишен маж од Прилеп дека Т.Д. се соблекол пред малолетни девојчиња и ги вознемирувал.
По документирање на случајот ќе биде поднесена соодветна пријава.
Црна хроника
Осуденици се тепале во затворот во Идризово
Денеска во 00.56 часот во СВР Скопје од Казнено поправната установа Идризово било пријавено дека во саботата околу 20.30 часот во установата Б.Ќ.(31) од Тетово бил физички нападнат од М.К.(29) од Куманово и А.Л.(24) од Скопје и уште неколку други лица, сите осуденици од установата.
Се преземаат мерки за расчистување на случајот.
Црна хроника
Таксист возел туристи, па сам од нивниот паричник си зел 1.700 денари за услугата
Вчера во 21.00 часот во СВР Скопје, Ј.К.(37) од Австралија пријавил дека околу 19.40 часот во Скопје, тој и неговата сопруга влегле во такси возило, кое ги однело од трговски центар во Скопје до крстосницата помеѓу бул.„Кузман Јосифовски Питу“ и ул.„Беласица“. За превозот на такси возачот му платиле 200 денари за еден километар.
Но, возачот им кажал дека не е доволно и од паричникот на оштетениот сам одзел околу 1.700 денари, а потоа им рекол да го напуштат возилото. Се преземаат мерки за расчистување на случајот.