Спорт
Лампард: Ова е трофеј кој клубот очајнички сака да го освои
Лондонски Челси вечерва на „Бешикташ парк“ во Истанбул во мечот за Суперкуп трофејот против Ливерпул има можност да стави раце на првиот трофеј во новата сезона, еден од пехарите кои новиот тренер на „сините“ Френк Лампард никогаш не го освоил.
Лампард беше еден од највлијателните играчи на Челси во златната ера на „сините“, но титулата во Суперкупот двапати му се извлече од раце. Првиот пат во 2012 година кога поуспешен беше Атлетико Мадрид со 4-1, а една сезона подоцна Баерн Минхен по изведувањето на пеналите го совлада Челси.
Во неделата Лампард првпат го предводеше својот тим на еден Премиерлигашки меч ( не се прослави, загуби Челси со 4-0 од Манчестер Јунајтед), а вечерва првпат ќе биде тренер на еден европски меч.
„Тоа што играме против Ливерпул ја подигнува летвичката во ова финале многу високо. Може да се изгуби финале, тешки натпревари се тоа, но не смееш да не бидеш доволно подготвен или да немаш желба за победа. Секој играч на теренот мора да биде свесен за важноста на овој дуел за клубот“ вели Лампард.

Стратегот и покрај сите проблеми во клубот е оптимист и верува во успех.
„Оптимист сум затоа што верувам во своите играчи и знам дека тука во Истанбул сме затоа што сме го заслужиле тоа, никој не ни го подарил. Ако играме максимално, на крајот можеме да славиме. За клуб како што е Челси битно е да дадеме се од себе и да се обидеме да го освоиме трофејот. Свесни сме за важноста на тој трофеј како за клубот, така и за сите нас“ – истакна меначерот на „сините“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Рој Кин го отпиша Ливерпул од борбата за титулата
Рој Кин го отпиша актуелниот шампион Ливерпул од трката за титулата во Премиер лигата. Поранешниот капитен на Манчестер Јунајтед, тврди дека тимот на Арне Слот е во криза по тешкиот пораз од 3.0 кај Манчестер Сити.
„Граѓаните“, му го честитаа големиот јубилеј на менаџерот Пеп Гвардиола, со убедлива победа, во која стрелци беа Ерлинг Халанд, Нико Гонзалез и Жереми Доку.
Ливерпул, по овој пораз има осум бода помалку од лидерот Арсенал, ова беше нивниот четврти последователен пораз на гостински терен во лигата, што не им се случило од 2012 година.
„Не можете да го сметате Ливерпул за претендент за титулата. Сити ме потсети на стариот Манчестер Сити. Тие беа извонредни. Се вратија во трката за титулата“, рече Кин во анализата за „Скај Спортс“.
„Ливерпул е во криза. Во ред е да се изгуби од клуб како Манчестер Сити, тоа е тежок натпревар на гостински терен. Но, да се изгубат седум од десет натпревари, со веќе пет порази во лигата, тоа мора да е криза за клуб како Ливерпул. Ливерпул изгледаше како слаб тим.
Тренерот рече дека е задоволен од второто полувреме, кога натпреварот беше решен. Лесно е да се игра добро кога играш за ништо. Сити изгледаше посилен, технички подобар и физички помоќен од Ливерпул. Немаше интензитет и енергија во играта на ливерпул. Замените беа слаби.“
Спорт
Барселона го отпушти Пењароа
Џоан Пењароа и Барселона ја прекинаа соработката, потврди каталонскиот клуб.
Крајот на соработката меѓу тренерот и кошаркарскиот гигант од Барселона дојде по уште еден неуспех во шпанската лига.
Барселона доживеа понижувачки пораз од Џирона (96:78), откако претходно загуби од Реал во евролигата и Мурсија во првенството.
„Тренерот на кошаркарскиот клуб Барселона, Џоан Пењароа, ја напушти позицијата прв тренер. Барселона му се заблагодари на Пењароа за неговиот професионализам и му посака многу успех во понатамошната кариера. Каталонецот го презеде тимот на почетокот на сезоната 2024/25, а привремено ќе биде заменет од помошникот тренер Оскар Орелана“, се вели во соопштението на Барселона.
Шпанските медиуми наведуваат дека долгогодишниот тренер на Зенит, Чави Пасквал е главен фаворит да го наследи Пењароа. Пасквал ја водеше Барселона од 2008 до 2016 година.
Спорт
ФИФА ги менува правилата за ждрепката за Светското првенство
Светската фудбалска федерација (ФИФА) би можела изврши промени во системот на одредување на „шеширите“ за Светското првенство во 2026 година.
Промената би се однесувала на позициите во ждрепката што ги заземаат екипите од дополнителните квалификации.
Кога станува збор за Светското првенство во 2022 година, екипите од дополнителните квалификации автоматски беа сместени во четвртиот шешир, без оглед на нивните коефициенти.
Причината за ова е што во времето на ждрепката не беа одиграни дополнителни квалификациски натпревари.
Истото ќе се случи и овој пат бидејќи ждрепката се одржува во декември, додека дополнителните квалификациски натпревари се играат во март.
Сепак, ФИФА подготвува промена според која репрезентациите од дополнителните квалификации повеќе нема да одат во последниот шешир, туку ќе бидат сместени во шеширот што според коефициентот ѝ припаѓа на најдобрата репрезентација од нивниот пат во дополнителните квалификации.
🚨 BREAKING!
💥 We have strong indication that FIFA will CHANGE the seeding principle for teams that will qualify for WC 2026 via Play-offs!
🔙 At WC 2022 in Qatar, all PO teams were automatically placed into Pot 4, regardless of their FIFA pts.
🆕 But for WC 2026, FIFA is… pic.twitter.com/tcRsk9DOwK
— Football Meets Data (@fmeetsdata) November 9, 2025

