Спорт
Ван Дајк меѓу Роналдо и Меси во изборот на УЕФА за најдобар фудбалер
Лионел Меси, Кристијано Роналдо и Виргил ван Дајк се во изборот на УЕФА за најдобар фудбалер во 2019 година, откако дефанзивецот на Ливерпул се приклучи на двајцата најпопуларни фудбалери на светот според УЕФА. Победникот ќе биде прогласен на 29 август, пред ждрепката за Лигата на шампионите.
Ван Дајк е во игра за наградата по одличната сезона со Ливерпул, во која тие стигнаа до трофејот од Лигата на шампионите и до второто место во Премиер лигата, покрај настапите за Холандија на фајнал фор турнирот од Лигата на нации.
Меси, пак, заврши како најдобар стрелец во Лигата на шампионите и ја освои „златната копачка“ како најдобар стрелец на стариот континент откако ја освои својата 10. титула од Ла лига со Барселона. Тој исто така играше со Аргентина на Копа Америка, каде што загубија во полуфиналето од Бразил.
Роналдо ја освои првата титула од Серија А со Јувентус по трансферот од Реал Мадрид и постигна 28 гола во првата сезона на островот. Јувентус стигна до четврт-финалето на Лигата на шампионите, но Роналдо ја предводеше репрезентацијата до победа во првиот настап во Лигата на нации.
Во топ 10 според УЕФА се и Алисон Бекер (Ливерпул, Бразил), Садио Мане (Ливерпул, Сенегал), Мохамед Салах (Ливерпул, Египет), Еден Азар (Челси/Реал Мадрид, Белгија), Матијс де Лихт (Ајакс/Јувентус, Холандија), Френки де Јонг (Ајакс/Барселона, Холандија) и Рахим Стерлинг (Манчестер сити, Англија).
✨NOMINEES: 2018/19 UEFA Men’s Player of the Year✨
⭐️ Leo Messi
⭐️ @Cristiano Ronaldo
⭐️ @VirgilvDijk?️ #UEFAawards winners announced at the #UCLdraw, 29 August ? pic.twitter.com/SLaIUWH62p
— UEFA Champions League (@ChampionsLeague) August 15, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шкендија победи кај Шкупи, Македонија ЃП и Брегалница испаднаа од лигата
Шкендија, во Чари го доби дербиот со Шкуши и остана на челната позиција на табелата. Во последните две рунди, Шкендија и Струга влегуваат со 61 бод, три повеќе од Шкупи. На две кла до крајот на сеозната Македонија ЃП и Брегалница останаа без теоретски шанси да опстанат во лигата. Вардар до крајот ќе се бори да го избегне баражот за опстанок. Три бода од црвено-црните е оддалечен тимот на АП Брера. Работнички во вистинско време влезе во форма, има четири победи и реми во последните пет рунди и се искачи на петтото место на табелата,
Резултати 31 коло:
Работнички-Тивеш 3:1
Вардар-Македонија ЃП 1:0
Воска спорт-Силекс 2:1
Шкупи-Шкендија 0:2
Струга-Гостивар 1:0
АП Брера-Брегалница 1:1
Табела:
Спорт
(Видео) Реал гази кон титулата, Кадиз ја продолжува борбата за опстанок
Фудбалерите на Реал Мадрид славеа против Кадиз со 3:0 во натпреварот од 34.коло на Ла Лига. Првиот натпревар за Реал оваа сезона го одигра голманот Тибо Куртоа.
Реал го продолжи походот кон титулата, која математички ќе ја обезбеди во наредната рунда.
Во однос на Барселона имаат +14, барем додека Каталонците не го одиграат својот натпревар од ова коло на Џирона (18:30 часот).
По неинтересното прво полувреме во кое немаше голови, Реал лесно го реши прашањето на победникот.
Брахим Дијаз погоди во 51. минута, по асистенција на Лука Модриќ. Џуд Белингем го удвои водството во 68. минута. Три минути по влегувањето во игра ја искористи асистенцијата на Дијаз.
Конечните 3:0 ги постигна Хоселу во петтата минута од судиското надополнување.
Кадиз и натаму е во зоната за испаѓање, со 26 бода, пет помалку од Селта од Виго, која е „над линијата“.
Спорт
(Видео) Комбинираниот Баерн падна во Штутгарт, „Вестфален“ му се поклони на Марко Ројс
Попладнево се одиграа четири натпревари во рамките на 32. коло во Бундес лигата. Во дербито Штитгарт го победи Баерн Минахен, а „Вестфален“ му се поклони на Марко Ројс, во текот на натпреварот во кој Борусија Дортмунд го декласира Аугсбург со 5:1.
Баерн со комбиниран состав му се спротивстави на Штутгарт. „Швабите“ ја искористија таа предост и предноста на домашниот терен и славеа со 3:1. Со оваа победа Штутгарт се изедначи со Баерн на второто место на табелата.
Избраниците на Себастијан Хенес поведоа со голот на Леонидас Стергиу во 29. минута.
Баерн израмни осум минути подоцна со голот на Хари Кејн од пенал.
Баварците можеа да направат целосен пресврт, имаа ситуација три на два во контранапад во 80. минута, но ударот на Александар Павловиќ беше изблокиран.
Веќе во 83. минута стигна казната, Силас испрати центаршут на втората статива, таму добро со глава реагираше Вујонг Јеонг и го матираше Мануел Нојер за 2:1.
Победата на домашниот тим ја потврди асистентот за вториот гол, Силас, кој погоди во третата минута од судиското надополнување.
Слично како Баерн и Борусија Дортмунд настапи со комбиниран состав, но тоа не беше пречка да го декласираат Аугсбург со 5:1.
Напаѓачот на Борусија, Јусуф Мукоко уште во четвртата минута му го отвори резултатот, а 15 минути подцна Мален зголеми на 2:0.
Намали Рубен Варгас во 32. минута, но само две минути подцна миленикот на навивачите Марко Ројс зголеми на 4:1.
Домашните го постигнаа петтиот гол кога Феликс Нмеча погоди во 64. минута.
Стоечки овации од цел Вестфален две минути подоцна доби клупската легенда Ројс – кој неодамна откри дека на крајот од сезоната ќе го напушти клубот.
Попладнево Волфсбург го победи Дармштад со 3:0, а Вердер и Борусија Менхенгладбах ремизираа 2:2.