Македонија
(Видео) Мицкоски: Сакаат да ме вовлечат во играта, дека сум зел пари од Кичеец
Власта сака да ме вовлече и инкриминира во случајот „Рекет“, сакаат да создадат слика во јавноста дека Мицко зел пари од Зоки Кичеец, рече лидерот на ВМРО-ДПМНЕ на денешната прес-конференција во обраќањето за случајот „Рекет“.
„Сум се гледал со сите слободни граѓани, но суштината е дека власта сака да покаже дека тој Зоки му дал пари на Мицко. Сакаат да ме вмешаат во таа рашомонијада. Еве, дајте доказ дека сум инкриминиран, не треба Рускоска и Реџепагиќ да ме спроведат, сам ќе се пријавам во истражниот затвор“, рече Мицкоски.
Мицкоски потврди и дека се сретнал со првосомничениот Бојан Јованоски, но потврди дека тоа нема врска со негова вмешаност во случајот.
„На првосомничениот лично му го честитав роденденот од почит кон медиумите и кон телевизијата чиј сопственик беше тој. Да, сум се видел и со другите кои се дел од оваа афера, но доколку имаат каков било доказ што ќе значи мое инкриминирање, охрабрувам уште веднаш да го објават“, додава Мицкоски.
Во однос на неговото излагање за поврзаноста со „белградската куфер-политика“, како што ја нарече, Мицкоски рече дека легитимно било да ја праша власта дали се точни наводите од соседните медиуми за евентуална вмешност на соработниците на Заев во афетата со рекетирањето на Камчев.
„Медиуми од соседството имаа написи дека соработниците на премиерот се вклучени во оваа афера. Немаме докази, но сакам јавно да прашам, да објасни дали овие лица имаат врска со случајот. Сомнително е што во време кога излегуваат вакви натписи премиерот им ги продолжува договорите на соработниците од Белград“, рече Мицкоски.
Ги повикува институциите да се охрабрат и да ги истражат наводите од граѓаните по допрен глас за каква било вмешаност во случајот.
„Ако има некакви закани, ги упатуваме кон институциите. Ги охрабрувам да ги процесуираат сите такви индиции. Немам намера да интервенирам. Институциите нека истражат по допрен глас, си има обвинители кои треба да истражат дали има индиции, без разлика за кого се работи. Ако има, треба да отворат предмет и да го процесуираат. Ако има вина, да постапат, ако не, да ги ослободат од вина“, рече Мицкоски.
Во своето обраќање Мицкоски повторно побара притвор за осомничената обвинителка Катица Јанева, а не да биде амнестирана од вина и унапредена во републички обвинител, како што планира власта со новиот закон.
„Катица Јанева не е во притвор, може да избега, може да влијае на сведоците и како прв човек, да го повтори делото. Зошто телефонот на Катица не е на вештачење и зошто наместо да се забрза истрагата таа е на слобода и се сонча на плажите кај нашиот јужен сосед“, рече Мицкоски.
На прашањето кои чекори ќе ги преземе ВМРО-ДПМНЕ како опозиција за добивање датум за избори кој опозицијата континуирано го бара, шефот на опозцијата рече дека во партијата се размислува за најоптималното решение при што не исклучуваат протести и блокади на институции.
„Не можам однапред да најавам како ќе постапиме. Но, не сакам како опозиција да ги повториме грешките од минатото. На оваа битка гледам не како на брз спринт туку како на долг маратон. Не е исклучена можноста за напуштање институции, но чекорите што власта ќе ги преземе ќе ја изненадат власта“, додаде лидерот на опозициската ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сергеј Попов ги матираше СДММ, извади документ од кој се гледа како лажат, велат од ВМРО-ДПМНЕ
„Се е пријавено дечки, затоа вчера ви рековме два пати да размислите пред да излезете на прес. Ама толку слушате, затоа сте младина сведена на статистичка грешка“, напиша Сергеј Попов, претседател на УМС и пратеник на ВМРО-ДПМНЕ, на социјалните мрежи.
„Штета, паметам времиња кога СДММ беше подмладок за почит“, додаде тој.
Македонија
Пратеничката Мимоза Муса на 73. КОСАК конференција во Варшава
Пратеничката Мимоза Муса, членка на Комисијата за европски прашања, учествува на 73. Конференција на комисиите за европски прашања на Парламентите на земјите членки на Европската Унија (КОСАК), која се одржува од 8 до 10 јуни 2025 година во Варшава, Република Полска.
Конференцијата се одржува во Сејмот на Република Полска, а учество земаат претставници на Парламентите од земјите членки и кандидатите за членство во Европската Унија, како и претставници на Европската комисија и Европскиот парламент.
Темите опфатени на Конференцијата се: приоритетите на Полското претседателство со Советот на ЕУ, работните програми на Европската комисија и Европскиот парламент во новиот институционален циклус, идната повеќегодишна финансиска рамка на ЕУ, политиката за проширување и јакнењето на сајбер отпорноста и борбата против дезинформации.
Настанот беше свечено отворен од страна на маршалот на Сејмот на Република Полска, Шимон Холовниа, а Конференцијата се одвива под копретседателство на Агњешка Помаска, претседателка на Комисијата за европски прашања на Сејмот на Република Полска и Томаш Гродsки, претседател на Комисијата за европски прашања на Сенатот на Република Полска.
Во своите воведни обраќања ја нагласија важноста на парламентарната соработка и единството на европските институции во справување со заедничките предизвици. Тие упатија повик за продлабочена вклученост на националните парламенти во процесот на донесување политики на ниво на ЕУ и подвлекоа дека проширувањето останува клучен инструмент за стабилност и просперитет на целиот континент.
Пратеничката Мимоза Муса имаше свое обраќања на втората сесија од Конференцијата.
На втората сесија, каде се дебатираше за работните програми на европските институции и Стратешката агенда на ЕУ, Муса истакна дека приоритетите на Комисијата и Парламентот се од исклучително значење за земјите кандидати. Таа подвлече дека Северна Македонија активно работи на зелена транзиција, дигитализација, економски развој и борба против корупцијата, и ја потенцираше важноста на продолжување на политиката на проширување врз основа на заслуги.
Во рамки на своето учество, пратеничката оствари средба со голем број колеги и со амбасадорот на Република Северна Македонија во Република Полска, Јасмин Ќахил.
КОСАК претставува форум за соработка меѓу комисиите за европски прашања од националните парламенти и Европскиот парламент, кој овозможува редовна размена на информации, ставови и добри практики во однос на европското законодавство и политики. Форумот постои од 1989 година и има важна улога во вклучувањето на националните парламенти во процесите на донесување одлуки на ниво на ЕУ.
Македонија
Арсенал илегално оружје и муниција пронајдени кај скопјанец, поведена истрага
Јавен обвинител од Основното јавно обвинителство Скопје донесе Наредба за спроведување истражна постапка против едно лице за кривични дела – Неовластено изработување, држење, посредување и тргување со оружје и експлозивни материи од член 396 од Кривичниот законик.
При претрес во домот во кој престојувал осомничениот 29-годишник на улицата “Благоја Паровиќ” во Скопје, било пронајдено поголемо количество огнено оружје, муниција и експлозивни материи кои на граѓаните им се забранети и тоа: автоматска пушка со калибар 7,62×39 мм, четири рамки со 120 куршуми и уште дополнителни 779 куршуми боева муниција од истиот калибар наменета за испалување од автоматски, полуавтоматски пушки, митралези, пушкомитралези и репетирачки пушки. Биле пронајдени и 3 рамки со вкупно 51 куршум со калибар 9 мм Para и уште 136 куршуми од тој калибар наменети за испалување од автоматски огнени оружја и полуавтоматски пиштоли. Потоа биле откриени и 31 куршум боева муниција со калибар 7,65 мм, која исто така се користи за автоматски и полуавтоматски оружја, како и рачна граната од моделот РГД 5, која е од офанзивен тип со ефективно убиствено дејство од 15-20 метри и ранувачко дејство до 30 метри.
Покрај ова оружје, муниција и експлозивни направи кои се целосно забранети за граѓаните, тој во домот без дозвола држел и огнено оружје кое било преправено – пиштол ZORAKI М 906-B со кој било овозможено истрелување на проектили од куршуми од боева муниција со кал.7,65 мм, пневматски пиштол марка SIG SAUER M17 наменет за истрелување на топчести проектили со калибар 4,5 мм, полуавтоматски пиштол RANGER RA9, како и 51 куршум со калибар 9 мм P.A.K. наменета за предизвикување звучен-сигнален ефект при испалување од оружје за светлосно-звучна сигнализација. Целото пронајдено илегално оружје и муниција се одземени од осомничениот.
Поради опасност од бегство и можност да го повтори делото, јавниот обвинител до Судот достави предлог за определување мерка притвор за осомничениот.
ЕУ подготвува нов удар врз Путин, објавени се деталите
Европската комисија (ЕК) денес предложи 18-ти пакет санкции против Русија, главно насочени кон руските приходи од енергија и банкарскиот сектор....
Сергеј Попов ги матираше СДММ, извади документ од кој се гледа како лажат, велат од ВМРО-ДПМНЕ
„Се е пријавено дечки, затоа вчера ви рековме два пати да размислите пред да излезете на прес. Ама толку слушате,...
Зеленски за масакрот во Австрија: Длабоко сме потресени
Украинскиот претседател Володимир Зеленски го коментираше денешното пукање во училиште во Грац, во кое беа убиени 10 лица, од кои...
(Видео) „УМС фатени во лага – законот за пиротехника е прекрешен, а Тошковски молчи“, велат од СДММ
„Откако ја предизвикаа згрозеноста кај младите со срамната журка со пиротехника додека Македонија тагува за изгубените млади животи во Кочани,...
(Фото) Кривична против 29-годишен скопјанец: нелегално поседувал автоматска пушка и друго оружје и муниција, а ја истепал и сопругата
СВР Скопје – Единицата за насилен криминал поднесе кривична пријава по брза постапка против А.Р.(29) од Скопје поради постоење основи...
Пониква станува рехабилитациски центар за повредените од пожарот во Кочани
Повредените од пожарот во Кочани ќе бидат испратени на рехабилитација во Пониква. На денешната седница на Владата и официјално се...
(Видео) Кузеска: Власта ги покачи платите на функционерите за 200 евра
Срамно и дрско – народoт едвај преживува, а власта ги покачува само платите на функционерите, обвини Богданка Кузеска, портпаролка на...
(Видео) Објавени снимки од училиштето во Грац: се слушаат истрели, седум ученици убиени
Најмалку девет жртви во пукањето во училиштето во австрискиот град Грац. Потврдени се девет смртни случаи – вклучувајќи го и сторителот....
Студентите ќе добијат по 250 евра за набавка на електронски уреди од септември, најави Мицкоски
Премиерот, Христијан Мицкоски денес изјави дека Владата планира ученички стипендии за наредната година, а во однос на новинарското прашање за...
Тошковски најави поголема набавка на униформи за полицијата од онаа за специјалците: Спорната набавка е законска, но немаше доволно критериуми во тендерот
На нов тендер Министерството за внатрешни работи ќе бара униформи за 6.000 полицајци, најави денес министерот за внатрешни работи Панче...
Стојанче Ангелов ќе зема повисока плата: Владата одобрила покачување
По измената на коефициентот за пресметка на плата, одлука објавена во Службен весник, се зголемува и платата на директорот на...
Во „Пониква“ не можеш ниту на одмор да одиш, а не пак да третираш сериозни медицински состојби: Филипче од Кочани со критики до власта
Претседателот на СДСМ Венко Филипче од Кочани, со критики до актуелната власт за како што рече, неспособноста да се справи...
Изготвил лажни одобренија за градење, трошел повеќе од дозволеното за репрезентација и ненаменски трошел пари предвидени за гориво, кривична за градоначалникот на Росоман
Управата за финансиска полиција до Основното јавно обвинителство Кавадарци поднесе кривична пријава против С.Н во својство на Градоначалник на Општина...
Оваа учебна година направивме многу, обезбедивме учебници, ги зголемивме платите на наставниците и тие ќе продoлжат да растат: Јаневска за крајот на учебната година
На основците и средношколците што денес ја завршуваат учебната година им честитам на напорната работа и заслужениот успех. Пред вас...
Власта системски го отстранува албанскиот јазик од јавната сфера, велат од ДУИ
Уставниот суд е во завршна фаза на подготовки за укинување на Законот за употреба на јазиците, истакнуваат од ДУИ. Од...
Ниту повредените, ниту семејствата на починатите не се сами, Кочани е наш приоритет, велат од Владата
Трагедијата во Кочани во која животот во загубија 62 млади лица е од невидени размери, велат од Владата и додаваат...
Цените повторно растат, а Владата реши да ги покачи платите само на функционерите, велат од СДСМ
Македонија повторно се соочува со огромен раст на цените и инфлацијата, а Владата реши да ги покачи платите на функционерите....
Орбан: Дипломатите мора да ја преземат контролата од генералите, оваа војна не може да се добие
Унгарскиот премиер Виктор Орбан изјави дека на Украина ѝ е потребно примирје, преговори и мир, како и дека „дипломатите треба...
(Видео) „Останете во засолништата“ погодена породилна болница во Одеса, Киев со часови под силен руски напад
Русија изврши силен напад со беспилотни летала врз украинскиот главен град, изјави градоначалникот на Киев, Виталиј Кличко. Во Одеса, погодена...
Трамп: Непочитувањето нема да се толерира, ќе удриме посилно од кога било
Американскиот претседател Доналд Трамп изјави дека учесниците на протестот во Лос Анџелес „имаат тенденција да плукаат во лице“ на членовите...
