Спорт
Кристијано Јуниор не можел да поверува каде живеел неговиот татко
Кристијано Роналдо признава дека неговиот најголем син, Кристијано Јуниор бил шокиран кога тој му ги покажал условите под кои живеел фудбалерот на Јувентус кога бил тинејџер.
34-годишниот Роналдо си замина од својот роден остров Мадеира на 12 години за да се обиде да стане професионален фудбалер, по што живееше во Лисабон со неговиот најдобар пријател Мигуел Паишао. Поранешниот фудбалер на Манчестер јунајтед и Реал Мадрид решил дека е време деветгодишниот Кристијано Јуниор да го посети ова место.
„Бев возбуден од можноста тој да види каде пораснав. Веќе ја знае Мадеира и куќата кај Маркес де Побал, бидејќи баба му е таму. Дојде со мене и ги посетивме истите луѓе кои живееја на тоа место во Лисабон. Бев потресен што ги видов тие луѓе повторно. Бевме со Паишао и Кристијано и влеговме во собата во која живеев. Тој се сврте и ме праша: ’Тато, дали ти живееше тука?’. Не му се веруваше. Децата си мислат дека сè е лесно. Квалитетот на живот, куќите, автомобилите, облеката. Мислат дека им паѓа во скут. Сакам да го научам Кристијано дека не е доволен само талентот. Треба работа, посветеност и желба за успех“, изјави Роналдо во интервју за португалскиот ТВ-канал „ТВИ“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал Мадрид најде замена за Хезоња
Турскиот кошаркар Фуркан Коркмаз следното лето би можел да му се приклучи на Реал Мадрид.
Овој 26-годишен кошаркар треба да пристигне во редовите на европскиот шампион како замена за Марио Хезоња кој не го продолжи договорот.
Коркмаз е без клуб од февруари кога беше трејдуван од Филаделфија во Индијана, која веднаш му врачи отказ.
Тој беше член на Сиксерс од 2017 до 2024 година, во кариерата на 328 натпревари во НБА лигата има просек од од 6,8 поени и два скока.
Според турските медиуми, Коркмаз ги започнал преговорите со Реал. Од дуга страна Марио Хезоња ќе се пресели во Панатинаикос чиј член беше во 2021 година.
Спорт
Математиката на Челси, Лукаку+пари = Виктор Осимен
Ромелу Лукаку (30), по три сезони минати во Интер и една во Рома, во Серија А би можел да го облече дресот на Наполи.
Белгиецот изминатите две сезони настапува како позајмен, во Интер и Рома. Доколку се пресели во Наполи тој би бил дел од трансферот на Виктор Осимен.
Италијанските медиуми најавуваат дека 25-годишниот Нигериец следното лето би можел да го засили Челзи во трансфер вреден меѓу 80 и 90 милиони евра и дека Лукаку ќе послужи како своевидна „доплата“ во таа „зделка“.
За Осимен се заинтересирани и саудиските клубови, па Челзи ќе мора да му понуди голема плата доколку сака да го обезбеди потписот на нигерискиот репрезентативец.
Спорт
(Видео) Меси и Суарез го декласираа Њујорк Ред Бул
Аргентинскиот фудбалер Лионел Меси стана првиот играч во историјата на МЛС со пет асистенции на еден натпревар.
Меси го растури Њујорк Ред Бул со гол и пет асистенции. Интер славече победа 6:2.
Домашниот тим со пресврт дојде до седмата победа оваа сезона, откако Њујорк поведе во 30. минута преку Данте Ванзеир.
Матијас Рохас израмни во 48. минута, а Меси погоди две минути подоцна.
Рохас ја затресе мрежата на гостите во 62. минута, а Луис Суарез постигна хет трик во финишот.
Погоди во 69., 75. и 81. минута, а Њујорк Ред Бул постигна уште еден гол во седмата минута од судиското надополнување преку Емил Форсберг од белата точка.
Интер е прв во Источната конференција со 24 бодови, додека Њујорк Ред Булс е четврти со 17 бодови.