Црна хроника
Обвинение против Турчин кој на скопскиот аеродром сакал да прошверцува масло од хашиш
Основното јавно обвинителство Скопје поднесе обвинение против турски државјанин кој живее во Австрија, а се обидел низ скопскиот аеродром да прошверцува масло од хашиш.
Како што информираат од обвинителството, на 24 август Турчинот од Виена пристигнал на Аеродромот Скопје и се упатил на излезот „зелен канал“ наменет за патниците кои немаат ништо да пријават за царинска контрола.
Меѓутоа, бил селектиран за контрола и запрен од страна на царинските службеници.
При извршена проверка во неговиот багаж биле пронајдени десет шишиња со по 10 милилитри масло од хашиш, еднолитарско пластично шише наполнето со масло од хашиш, како и мал стаклен сад во кој исто така се наоѓало масло од хашиш со тежина од 2,1 грама.
Турскиот државјанин се товари за кривично дело неовластено производство и пуштање во промет на наркотични дроги, психотропни супстанции и прекурсори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Скопјанец пукал со воздушна пушка и ја погодил мачката на соседот, полицијата му го одзеде оружјето
Вчера во 10.06 часот во СВР Скопје, 47-годишниот Б.П. од Скопје пријавил дека околу 09.50 часот на подрачјето на Кисела Вода, неговиот сосед, 64-годишниот З.К. од Скопје пукал со воздушна пушка и погодил мачка, сопственост на пријавителот, извести МВР.
Со пријавениот бил извршен службен разговор и од него била одземена воздушната пушка, дијаболи и потврда за пријавено оружје, сопственост на неговиот син, извести МВР.
По целосно документирање на случајот ќе следува соодветен поднесок.
Црна хроника
Тетовец измамен за 800 евра
Вчера во 08.30 часот во СВР Тетово, 38-годишен тетовец пријавил дека на 22.04.2024 бил измамен од едно лице за сума од 800 евра, извести МВР.
„Според пријавеното, лицето дошло во неговиот деловен објект и му понудило мобилен телефон за сумата, за што му приложил и фактура. Како што е пријавено, тој одлучил да го купи телефонот, а откако се обидел да го активира кај неколку сервисери, тие му кажале дека телефонот не е оригинал и сфатил дека бил измамен“, соопшти МВР.
Се преземаат мерки за расчистување на случајот.
Црна хроника
Пожар во концертна сала на Факултетот за музичка уметност „Илија Николовски-Луј“, нема повредени
Вчера во 15.00 часот во СВР Скопје било пријавено дека настанал пожар во концертна сала на Факултетот за музичка уметност „Илија Николовски-Луј“ во Скопје, извести МВР.
Од Бригадата за противпожарна заштита Скопје пожарот бил изгаснат, а повредени лица нема, додаваат од МВР.
Извршен бил увид од увидна екипа од СВР Скопје.